தமிழ் சினிமாவின் மிக முக்கிய இயக்குநரான மணிரத்னம் இயக்கத்தில் பிரம்மாண்ட பொருட்செலவில் உருவாகியுள்ள ’பொன்னியின் செல்வன்’ திரைப்படம் வரும் செப்டம்பர் 30ஆம் தேதி வெளிவருகிறது. முன்னதாக இப்படத்தின் விக்ரம், கார்த்தி, ஐஸ்வர்யா ராய் கதாபாத்திரங்களின் புகைப்படங்கள் வெளியாகி சமூக வலைதளங்களில் பெரும் வரவேற்பை பெற்றன.
அந்த வரிசையில் தற்போது த்ரிஷாவின் புகைப்படமும் வெளியிடப்பட்டது.
இந்தப்படத்தில் குந்தவையாக த்ரிஷா நடித்திருக்கும் நிலையில், விக்ரம் ஆதித்ய கரிகாலனாகவும், கார்த்தி வந்தியத் தேவனாகவும் நடித்துள்ளனர். முன்னதாக இந்தப்படம் தொடர்பான அப்டேட்கள் இந்த வாரம் முழுக்க வெளியாகும் என வெளியாகுமென அறிவிக்கப்பட்டிருந்த நிலையில், இந்தப்படத்தின் டீசர் வெளியீட்டு விழா நாளை சென்னை வர்த்தக மையத்தில் நடக்க உள்ளது.
இந்தநிலையில், த்ரிஷாவின் புகைப்படம் வெளியானதை தொடர்ந்து வந்தியத் தேவனாக நடிக்கும் கார்த்தி கதாபாத்திரத்தோடு ஒன்றி த்ரிஷாவின் அழகை பாராட்டும் விதமாக தனது ட்விட்டர் பக்கத்தில் கமெண்ட் ஒன்றை பதிவிட்டுள்ளார். அதில், இளவரசி Please send me live location, உங்கள் அண்ணனின் ஓலையை drop off பண்ணனும்!! என்று பதிவு செய்துள்ளார்.
தற்போது, இந்த கமெண்ட் பதிவை ரீ-ட்விட் செய்து ட்ரெண்ட் செய்து வருகின்றனர். கல்கியின் ’பொன்னியின் செல்வன்’ நாவலைத் தழுவி அதே பெயரில் இந்தப் படம் எடுக்கப்பட்டுள்ளது. இரண்டு பாகங்களாக வெளிவர இருக்கும் இந்தப்படத்திற்கு பிரபல இசையமைப்பாளர் ஏ.ஆர்.ரஹ்மான் இசையமைத்துள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்