சில்லுனு ஒரு காதல், நெடுஞ்சாலை ஆகிய படங்களை இயக்கிய கிருஷ்ணா பத்து தல என்ற படத்தை இயக்கியுள்ளார். இந்த படத்தில் சிம்பு, கௌதம் கார்த்திக், பிரியா பவானி ஷங்கர் ஆகியோர் நடிக்க ஏ.ஆர்.ரஹ்மான் இசையமைக்கிறார்.
பத்து தல படம், டிசம்பர் 14 ஆம் தேதி வெளியாகும் என்று அறிவித்தது. ஆனால் தந்தை டி.ராஜேந்தரன் உடல் நலக்குறைவால் சிகிச்சைக்காக அமெரிக்கா சென்றதால் பத்து தல படத்தின் சிம்புவின் காட்சிகள் படமாக்குவது தாமதமானது. இதனால் படத்தின் அனைத்து திட்டமும் தள்ளிப்போனது.
கர்நாடகா மாநிலம், பெல்லாரி, தமிழ்நாட்டில் கன்னியாகுமரி, கேரளா உள்ளிட்ட பல பகுதிகளில் இப்படத்தின் ஷூட்டிங் நடைபெற்று, ஒருவழியாக வெற்றிகரமாக படப்பிடிப்பு நிறைவடைந்தது. படப்பிடிப்பு தளத்தின் இறுதி நாளில் கேக் வெட்டிக் கொண்டாடிய புகைப்படங்களை தன் சமூக வலைதளப் பக்கத்தில் பகிர்ந்து சிம்பு படக்குழுவினருக்கு நன்றி தெரிவித்தார். படப்பிடிப்பு முடிந்த நிலையில், இன்றளவும் பத்து தல ரிலீஸ் தேதி குறித்த எந்ததகவலும் வரவில்லை.
தற்போது, முக்கிய கதாபாத்திரத்தில் நடித்துள்ள கெளதம் கார்த்திக், பத்து தல படத்திற்கான டப்பிங் பணியை முடித்துள்ளார். கெளதம் கார்த்திற்கும் மஞ்சிமாவிற்கும் கடந்த நவம்பர் 28 ஆம் தேதி திருமணம் நடந்தது என்பது குறிப்பிடத்தக்கது.
மேலும் படிக்க : Kamalhassan quits Bigg Boss: குட் பை பிக் பாஸ்... விலக தயாரான கமல்ஹாசன்... குறையும் டிஆர்பி தான் காரணமா?