நவம்பர் 25 தேதியான இன்று தமிழ், தெலுங்கு, மலையாளம், கன்னடம், குஜராத்தி என பல்வேறு மொழித் திரைப்படங்கள் பல்வேறு ஓடிடி தளங்களில் வெளியாகியுள்ளது. அந்த திரைப்படங்கள் என்னென்ன, அவை எந்தெந்த ஓடிடி தளங்களில் வெளியாக இருக்கின்றன என்ற பட்டியலைக் காண்போம்.
காந்தாரா - அமேசான் ப்ரைம்
கன்னடத்தில் ரிஷப் ஷெட்டி இயக்கி நடித்துள்ளதிரைப்படம் காந்தாரா. இது கன்னட திரையுலகில் மிகப்பெரிய புரட்சியை ஏற்படுத்தியுள்ளது. வசூலில் மாபெரும் சாதனை படைத்துள்ள காந்தாரா திரைப்படம் பிற மொழியைச் சேர்ந்தவர்களும் அப்படத்தைப் பார்க்கும் ஆர்வத்தை தூண்டியது. இதன் காரணமாக தமிழ், தெலுங்கு, மலையாளம் மற்றும் ஹிந்தி ஆகிய மொழிகளில் டப் செய்யப்பட்டு அக்டோபர் 15 ஆம் தேதி வெளியாகி நல்ல வரவேற்பை பெற்றது. இந்நிலையில் காந்தாரா திரைப்படம் இந்த வார ரிலீசாக நேற்றைய தினம் அமேசான் ப்ரைம் ஓடிடி தளத்தில் வெளியாகி உள்ளது.
பிரின்ஸ் - ஹாட்ஸ்டார்
தெலுங்கு திரைப்பட இயக்குனரான அனுதீப் இயக்கத்தில் நடிகர் சிவகார்த்திகேயன் நடித்த "பிரின்ஸ்" திரைப்படம் தீபாவளி ரிலீஸாக கடந்த அக்டோபர் 21 ஆம் தேதி வெளியானது. இப்படத்தில் நடிகை மரியா, நடிகர் சத்யராஜ் மற்றும் பலர் நடித்த நிலையில் தமன் இப்படத்திற்கு இசையமைத்திருந்தார். சிவாவின் முதல் தீபாவளி வெளியீடாக இப்படம் அமைந்திருந்தது. பிரின்ஸ் திரைப்படம் (நவம்பர் 25) இன்று ஹாட்ஸ்டாரில் வெளியாகியுள்ளது.
ச்சுப் ரிவெஞ்ச் ஆஃப் ஏன் ஆர்டிஸ்ட் (Chup: Revenge of an artist)-ஜீ-5
மலையாள நடிகர் துல்கர் சல்மானின் முத்திரை பதிக்கும் ஆக்டிங்கில் உருவான படம் ச்சும் ரிவெஞ்ச் ஆஃப் ஏன் ஆர்டிஸ்ட். இதில், த்ரில்லர் பாணியில் உருவான இப்படம், ரசிகர்களிடையே நல்ல வரவேற்பை பெற்றது. இப்படம், ஜீ-5 ஓடிடி தளத்தில் (நவம்பர் 25) இன்று வெளியாகியுள்ளது. த்ரில்லர் ரசிகர்களுக்கு செம ட்ரீட்டு தான்..
செல்லோ ஷோ - நெட்ப்ளிக்ஸ்
செல்லோ ஷோ ஆஸ்கருக்கு தேர்வான குஜராத்தி திரைப்படம். இந்த படத்தை பான் நாலின் என்பவர் இயக்கியுள்ளார். இது நாடு முழுவதும் அக்டோபர் 14 ஆம் தேதி திரையரங்குகளில் ரிலீஸானது. இந்தப் படத்தை சித்தார்த் ராய் கபூர் ஃபில்ம்ஸ் தயாரித்துள்ளது. ஜுகத் மோஷன் பிக்சர்ஸ், மான்சூன் ஃப்லிம்ஸ், செல்லோ ஷோ எல்எல்பி மற்றும் மார் டுலே நிறுவனங்கள் இணைந்து தயாரித்துள்ளன. இதில் பாவின் ராபரி, பவேஷ் ஸ்ரீமாலி, ரிச்சா மீனா, தீபன் ராவல், பரேஷ் மேத்தா ஆகியோர் நடித்துள்ளனர். செல்லோ ஷோ திரைப்படம் இன்று நெட்ப்ளிக்ஸில் வெளியாகியுள்ளது.
படவெட்டு - நெட்பிளிக்ஸ்
லிஜு கிருஷ்ணா இயக்கத்தில் நிவின் பாலி அதிதி பாலன் நடிப்பில் அக்டோபர் 21 ஆம் தேதி வெளியான மலையாள திரைப்படம் படவெட்டு. இந்த திரைப்படம் இன்று நெட்பிளிக்ஸ் ஓடிடி தளத்தில் வெளியாகியுள்ளது.
மீட் க்யூட்-சோனி லைவ்
தெலுங்கு நடிகர் நானி, தமிழ் நடிகர் அஸ்வின் குமார் உள்ளிட்ட பல பிரபலங்கள் நடித்துள்ள ஆந்தாலஜி படம்தான் மீட் க்யூட்.இப்படத்தை நானியின் சகோதரி, தீப்தி கண்டா இயக்கியுள்ளார். இப்படத்தின் ப்ரமோஷன் நிகழ்ச்சி சமீபத்தில் நடைப்பெற்றது. இந்த ஆந்தாலஜி திரைப்படத்தில், குக் வித் கோமாளி நிகழ்ச்சி மூலம் புகழ் பெற்ற நடிகர் அஸ்வின் குமார் முக்கிய கதாப்பாத்திரத்தில் நடித்துள்ளார். இந்த படம், சோனி லைவ் ஓடிடி தளத்தில் இன்று வெளியாகியுள்ளது.