கோலிவுட் சூப்பர் ஸ்டார் என அழைக்கப்படும் நயன்தாரா சினிமாவில் நாயகியாக நடிப்பதை தாண்டி தனது காதலன் விக்னேஷ் சிவனுடன் இணைந்து பல பிஸினசிலும் களமிறங்கியுள்ளார்.
முன்னதாக ரவுடி பிக்சர்ஸ் என்னும் தயாரிப்பு நிறுவனத்தை துவங்கி, தரமான படங்களை தயாரித்து விருதுகளை குவித்து வரும் நயன் மற்றும் விக்கி சமீபத்தில் லிப் பாம் நிறுவனம் ஒன்றையும் தொடங்கியுள்ளனர். மருத்துவர் ரெனிடா ராஜனுடன் இணைந்து The lip balm company என்ற ஒரு ஸ்கின் கேர் நிறுவனத்தை தொடங்கியுள்ளனர். உதடு பராமரிப்பு மற்றும் பாதுகாபிற்கான தயாரிப்புகளை இதன் மூலம் நயன்தாரா வழங்கி வருகிறார். அதற்கான பிராண்ட் அம்பாசிட்டராகவும் நயன்தாரா உள்ளார். “ என்னை போல வித்தியாசமானவற்றை விரும்பும் நபர்களுக்கு தங்கள் புராடக்ட் பொருத்தமாக இருக்கும்” என புரமோஷன் செய்து வருகிறார் நயன்தாரா.
இந்த நிலையில் நயன்தாராவுடன் பணிபுரியும் தனது அனுபவங்களை நேர்காணல் ஒன்றில் பகிர்ந்த மருத்துவர் ரெனிடா ராஜன் , “ முதன் முதலாக எங்களது கிளினிக்கிற்கு நயன்தாரா வரும் பொழுது ஒரு சுவாரஸ்ய சம்பவம் நடந்தது. பொதுவாக எங்களது கிளினிக்கிற்குள் யார் வந்தாலும் , அவர்கள் காலணிகளை வெளியில் விட்டுவிட்டுதான் வர வேண்டும் என்பதுதான் எங்களின் ரூல் . நயன்தாரா எங்கள் கிளினிக் வந்த பொழுது காலணிகளை கழற்றிவிட்டு வந்தார். இதனை கண்ட அவர் உடன் வந்தவர்கள் மிகவும் டென்சன் அடைந்தார்கள் . ஏன் நீங்கள் காலணிகளை கழட்டனும் என கேட்டார்கள். அதற்கு நயன்தாரா அவங்க கிளினிக்ல ஒரு ரூல் வச்சிருக்காங்க , அதை நாம பின்பற்றனும் என கூறினார். அந்த குணம் எனக்கு மிகவும் பிடித்திருந்தது. நயன் தாரா மேமிற்கு ஆப்பிள் மற்றும் சாக்லேட் ஃபிலேவர் லிப்பாம் மிகவும் பிடிக்கும் .
எனக்கு விக்னேஷ் சிவன் நயன் தாரா ஜோடிகளை பார்க்கும் பொழுது மிகவும் பொருத்தமான ஜோடியாக தோன்றும் . ஒருவர் சொல்வதை மற்றவர் கேட்கும் விதம் அழகாக இருக்கும் . சில ஜோடிகள்தான் தங்கள் வாழ்நாளில் சண்டை போடாத ஜோடிகளாக இருப்பார்கள். அப்படித்தான் நீங்கள் இருவரும் என அவர்களிடமே கூறியிருக்கிறேன் . அவர்கள் இருவரும் சிரித்தார்கள் . “ என தெரிவித்துள்ளார் .