சரிபோதா சனிவாரம்
நானி , எஸ்.ஜே சூர்யா மற்றும் பிரியங்கா மோகன் நடித்து இன்று திரையரங்கில் வெளியாகியிருக்கும் படம் சரிபோதா சனிவாரம் . அபிராமி , அதிதி பாலன் , பி சாய்குமார் , சுபலேகா சுதாகர் உள்ளிட்டவர்கள் இப்படத்தில் நடித்துள்ளார். விவேக் ஆத்ரேயா இப்படத்தை இயக்கியுள்ளார். தமிழில் இப்படம் சூர்யாஸ் சேட்டர்டே என வெளியாகியுள்ளது. கோபத்தைக் கட்டுபடுத்த முடியாதவன் நாயகன் சூர்யா ( நானி). அவனது அம்மா அவனிடம் ஒரு சத்தியம் வாங்குகிறார் வாரத்தில் ஆறு நாட்கள் தனது கோபத்தை கட்டுப்படுத்தி சனிக்கிழமை ஒரு நாள் மட்டும் தன் கோபத்தை வெளிப்படுத்திக் கொள்ளலாம். மறுபக்கம் அப்பாவி மக்களை அடித்து லஞ்சம் வாங்கும் போலீஸாக வருகிறார் தயாநந்த் (எஸ்.ஜே.சூர்யா). இந்த இருவருக்கும் இடையில் நடக்கும் மோதலை ஆக்ஷன் படமாக எடுத்துள்ளார் இயக்குநர். நானியின் 31 ஆவது படமாக 90 கோடி ரூபாய் பட்ஜெட்டில் உருவாகி இருக்கும் இப்படத்தைப் பார்த்த ரசிகர்கள் ட்விட்டரில் என்ன விமர்சனம் தெரிவித்துள்ளார்கள் என பார்க்கலாம்
சரிபோதா சனிவாரம் படத்தின் கதை
சிறப்பான தொடக்கமும் சிறப்பான க்ளைமேக்ஸும் கொண்ட ஒரு படமாக நானியின் இப்படம் அமைந்துள்ளதாக ட்விட்டர் விமர்சன தளம் ஒன்று கூறியுள்ளது. நடிப்பு மற்றும் படத்தின் ஆக்ஷன் காட்சிகள் படத்திந் மிகப்பெரிய பலம் என்று மேலும் பலர் தெரிவித்து வருகிறார்கள்.
படத்தின் முதல் பாதியை கண்டிப்பாக திரையரங்கில் தவறவிடக் கூடாதது எனவும் இரண்டாம் பாதியில் திரைக்கதை கொஞ்சம் தொய்வடைவதாக மற்றொரு ரசிகர் தெரிவித்துள்ளார்.