movie-review

ஜேசன் சஞ்சையிடம் பேசி இருக்கேன் அவர் இனிமையானவர் அவருக்கு மனமார்ந்த வாழ்த்துக்கள் - மதுரையில் நடிகர் அசோக் செல்வன் பேட்டி.

அருண் சின்னதுரை — Fri, 2 Oct 2026 14:58:26 +0530

சாமானிய மக்களின் கனவு தான் வீடு, வாடகை, EMi என்று ஓடிக்கொண்டிருக்கும் வாழ்க்கையில் கனவு காண்பதற்கு நமக்கு நேரமில்லை அப்படிப்பட்ட ஒரு நடுத்தர தம்பதியின் சொந்த வீடு வாங்கும் கனவுதான் இந்த படம் - மதுரையில் அசோக் செல்வன் பேட்டி.

சிறந்த ரசிகர்கள் மதுரை ரசிகர்கள், பழமையான பாரம்பரியம் கொண்டவர்கள் ரசனை மிகுந்தவர்கள் மதுரை ரசிகர்கள்

நடிகர் அசோக் செல்வன் நடிப்பில் அன்பில் அவன் திரைப்படம் இன்று வெளியாகி திரையரங்கில் ஓடிக்கொண்டிருக்கிறது. இந்நிலையில் மதுரையில் திரைப்படத்தின் முதல் நாள் முதல் கட்சியை பார்ப்பதற்காக நடிகர் அசோக் செல்வன் மதுரை செல்லூர் பகுதியில் உள்ள கோபுரம் திரையரங்குக்கு வருகை தந்து ரசிகர்களுடன் திரைப்படத்தை பார்த்தார். படத்தின் இடைவேளையில் செய்தியாளர்களை சந்தித்து நடிகர் அசோக் செல்வன் பேசுகையில்...," அன்பை கொட்டி தீர்ப்பவர்கள் மதுரை மக்கள் மதுரை மக்களின் அன்புக்கு நன்றி அன்பில் அவன் படத்திற்கு ரசிகர்களின் வரவேற்பு நன்றாக உள்ளது. ஒரு கமர்சியல் படத்தை ரசிகர்களுக்கு சுவாரசியமாக எந்த அளவுக்கு எடுக்க முடியுமோ அந்த அளவுக்கு அன்பில் அவன் படத்தை உருவாக்கி உள்ளோம்.

மதுரை ரசிகர்கள் தான் பழமையான பாரம்பரியம் கொண்டவர்கள்

சிறந்த ரசிகர்கள் மதுரை ரசிகர்கள் தான் பழமையான பாரம்பரியம் கொண்டவர்கள் ரசனை மிகுந்தவர்கள் மதுரை ரசிகர்கள். இந்த படத்தை அவர்கள் பாராட்டுவது மகிழ்ச்சியாக உள்ளது. மதுரை சார்ந்த கதைக்களம் கொண்ட படத்தில் விரைவில் நடிப்பேன். அதற்கான கதையை தேடிக் கொண்டிருக்கிறேன். ஜேசன் சஞ்சையிடம் பேசி இருக்கேன். அவர் இனிமையானவர் அவருக்கு மனமார்ந்த வாழ்த்துக்கள். இரண்டு படங்கள் ஒரே நாளில் வெளியாகும் போது, இது இதற்கு போட்டியான படம் என்று பேசுவார்கள். இன்று மூன்று படங்கள் வெளியாகிறது. எல்லா படமும் நல்லா போக வேண்டும், என்பது என்னுடைய ஆசை.

எங்க படத்தை தியேட்டரில் வந்து மக்கள் பார்க்க வேண்டும்

அதேபோல எங்க படத்தை தியேட்டரில் வந்து மக்கள் பார்க்க வேண்டும் என்பது பெரிய ஆசை. ஒவ்வொரு மனிதர்களுக்கும் ஒவ்வொரு கனவு உள்ளது. சாமானிய மக்களின் கனவு தான் வீடு. கனவு காண்பதற்கே பெரிய லக்சரியான ஒன்று தேவைப்படுகிறது . வாடகை, EMi என்று ஓடிக்கொண்டிருக்கும் வாழ்க்கையில் கனவு காண்பதற்கு நமக்கு நேரமில்லை அப்படிப்பட்ட ஒரு நடுத்தர தம்பதியின் சொந்த வீடு வாங்கும் கனவுதான் இந்த படம்.

Baththa Review: கேங்ஸ்டராக அசத்தினாரா விஜய் சேதுபதி? எப்படி இருக்கு அட்லீயின் பத்தா? திரைப்பட விமர்சனம்

குலசேகரன் முனிரத்தினம் — Thu, 1 Oct 2026 11:36:15 +0530

Baththa Twitter Review: இயக்குனர் அட்லீ தயாரிப்பில் விஜய் சேதுபதி நடிப்பில் கேங்ஸ்டர் திரைப்படமாக உருவாகியுள்ள பத்தா திரைப்படத்தை பாலாஜி தரணிதரன் இயக்கியுள்ளார்.

விஜய் சேதுபதியின் பத்தா..!

இயக்குனர் அட்லீ தயாரிப்பில் விஜய் சேதுபதி நடிப்பில் பாலாஜி தரணிதரன் இயக்கத்தில் உருவாகியுள்ள பத்தா திரைப்படம் இன்று உலகம் முழுவதும் வெளியாகியுள்ளது. கேங்ஸ்டர் கதைக்களத்தை மையமாக கொண்டுள்ள இந்த படத்திற்கு சாய் அபயங்கர் இசையமைத்துள்ளார். ரவுடியை மையமாக கொண்ட வழக்கமான கதையாக இல்லாமல் நகைச்சுவை, பாசம், நட்பு மற்றும் மனிதநேயம் ஆகியவற்றை கலந்து சொல்ல முயற்சிக்கிறது. குறிப்பாக விஜய் சேதுபதிக்கும் சிறுவன் சபரிக்கும் இடையிலான உறவு படத்தின் முக்கியமான அம்சமாக அமைந்துள்ளது.

படத்தின் கதை என்ன?

பத்தா என்ற ரவுடி பொதுமக்களுக்கு மிகப்பெரும் அச்சுறுத்தலாக இருந்து வருகிறார். எதிர்பாராத விதமாக ஒரு நிகழ்வில் 8 வயது சிறுவனால், பயன்படுத்தப்படாத பள்ளி கழிவறைக்குள் அந்த ரவுடி சிக்கிக் கொள்கிறார். ஒருவருக்கொருவர் முற்றிலும் அறிமுகம் இல்லாத நிலையில் சந்திக்கும் ரவுடிக்கும் சிறுவனுக்கும் இடையே மெதுவாக ஒரு வித்தியாசமான உறவு உருவாகிறது. இந்த உறவு எப்படி பத்தாவின் வாழ்க்கையையே மாற்றுகிறது என்பதுதான் கதையின் கருவாகும். இந்த படத்தை பார்த்த ரசிகர்கள் தங்களது சமூக வலைதளத்தில் பதிவிட்டு வருகின்றனர். அதன்படி, பத்தா திரைப்படம் எப்படி இருக்கிறது என்ற ட்விட்டர் விமர்சனம் கீழே வழங்கப்பட்டுள்ளது. சிலர் படம் நன்றாக இருப்பதாகவும், நகைச்சுவை காட்சிகள் ரசிக்கும்படி இருப்பதாகவும் குறிப்பிட்டுள்ளனர். அதேநேரம் சிலர் படம் ஒட்டவே இல்லை எனவும் கூறியுள்ளனர்.

இதையும் படியுங்கள்: TN Govt: திமுக சம்பவம், CMDA முடித்த 101 திட்டங்கள்..! பராமரிப்பை ஏற்க மறுக்கும் மற்ற துறைகள் - பிரச்னை என்ன?

பத்தா திரைப்படம் எப்படி இருக்கு?

🍿🔥 #Baththa FIRST HALF!

A fun + emotional ride with a unique boy vs gangster conflict! 💥

🔥 #VijaySethupathi is back in form! The little boy was terrific! 👌

🎶 #SaiAbhyankkar’s SCORE — VERA LEVEL! ⭐🔥 pic.twitter.com/7HdTI9kwZa
— VS club 💥 (@VSClubX) October 1, 2026

#Baththa

Vijay Sethupathi is simply terrific!
A gangster story with the right mix of emotion, humour, friendship & redemption.

The unique premise keeps you engaged, while the VJS performance carries the film beautifully.

Worth watching in theatres! 💯#BaththaReview…
— RoflKanth (@roflkanth) October 1, 2026

Amazed how how VJS chose to fit in to play #Baththa ❤️✨

What started as a loud rowdy toned film, got more into a beautiful family drama loaded with fun & good moments.

When you enter the cinema hall with not much expectations & suddenly treated with a good film… it’s super… https://t.co/pY5RIx8YVd pic.twitter.com/akE5flNdI2
— Venkatramanan (@VenkatRamanan_) October 1, 2026

#Baththa First Half Review 🍿

- A Superb fun plus emotional show so far, with a unique boy vs gangster conflict..💥
- Performer #VijaySethupathi is back..👌 That little boy was terrific and emoted really well..🤝
- What a fantastic score from #SaiAbhyankkar..🔥 Bro is on a vera… pic.twitter.com/SqdcLl2RQ6
— Laxmi Kanth (@iammoviebuff007) October 1, 2026

Meesaya Murukku 2 Review: பார்ட் 2-வில் ஆரா ஃபார்ம் செய்தாரா ஹிப்ஹாப் ஆதி? மீசைய முறுக்கு எப்படி இருக்கு? விமர்சனம் இதோ

குலசேகரன் முனிரத்தினம் — Fri, 25 Sep 2026 11:37:25 +0530

Meesaya Murukku 2 Twitter Review: ஹிப்ஹாப் ஆதி நடிப்பில் வெளியாகியுள்ள மீசைய முறுக்கு திரைப்படம் எப்படி இருக்கிறது? என ட்விட்டரில் ரசிகர்கள் பகிர்ந்துள்ள கருத்துகளை இங்கே பார்க்கலாம்.

மீசைய முறுக்கு 2 எப்படி இருக்கு?

பாடகர், இசையமைப்பாளர் மற்றும் நடிகர் என பன்முகத்தன்மை கொண்ட ஹிப்ஹாப் ஆதி நடிப்பில், கடந்த 2017ம் ஆண்டு வெளியான மீசைய முறுக்கு திரைப்படம் கடந்த 2017ம் ஆண்டு வெளியாகி அமோக வரவேற்பு பெற்றது. இந்நிலையில் சுமார் 9 ஆண்டுகளுக்குப் பிறகு மீசைய முறுக்கு படத்தின் இரண்டாம் பாகத்தை இயக்கி நடித்துள்ளார். சைத்ரா, கேடிகா சர்மா மற்றும் ரம்யா ரங்கநாதன் என மூன்று நாயகிகள் நடித்துள்ள இந்த படத்தை, சுந்தர் சி தயாரித்துள்ளார். எந்தவித பின்புலமும் இல்லாத இளைஞர் ஒருவர், தனது இசை திறமையால் தனக்கான ஒரு அடையாளத்தை உருவாக்க முயற்சிக்கும்போது எதிர்கொள்ளும் பிரச்னைகளை கமர்ஷியல் கதைக்களத்தில் சொல்லுவிதமாக மீசைய முறுக்கு 2 திரைப்படம் உருவாகியுள்ளது.

மீசைய முறுக்கு 2 - ட்விட்டர் விமர்சனம்

மூன்று காலகட்டங்களில் அமைக்கப்பட்டுள்ள மீசைய முறுக்கு 2 திரைப்படத்தின் கதைக்களம், இளம் தலைமுறையினரை கவரும் வகையில் உருவாக்கப்பட்டுள்ளதாம். வழக்கமான கதைக்களமாகவே இருந்தாலும், ரசிக்கும் வகையில் திரைக்கதை உள்ளதாம். ஆரா மற்றும் பப்பாளி பழமே போன்ற பாடல்கள் கவனம் ஈர்க்கும் வகையில் படமாக்கப்பட்டுள்ளதாகவும் படம் பார்த்தவர்கள் குறிப்பிடுகின்றனர். முதல் பாதியில் சில சலிப்பு தட்டும் காட்சிகள் இருந்தாலும் ஒட்டுமொத்தமாக காமெடி, கமர்ஷியல் மற்றும் செண்டிமெண்ட் என மீசைய முறுக்கு 2 திரைப்படம் நல்ல கலவையில் அமைந்துள்ளதாம்.

#MeesayaMurukku2 [#ABRatings - 3.25/5]

- A Yet another Fun, emotional & Motivational Entertainer from HiphopTamizha in the same flavours of Part1🤞
- A Character from Part-1 played a cameo which worked very well & had a great response 😀. Film also has some High whistling…
— AmuthaBharathi (@CinemaWithAB) September 25, 2026

Yes, #MeesayaMurukku2 - 🏆🏆🏆🏆🏆🥇🥇🥇🔥🔥🔥🔥

Even though 1st half has some lagging portions, 2’nd half covered it well, and ppl can easily connect towards the story!

Sure Shot, HIT.#Aura10/10 - What a magic, Instagram get ready for digital traffic with reels content!…
— Ram Muthuram Cinemas (@RamCinemas) September 24, 2026

Meesaya Murukku 2 (First Half):
Starts with Gaana vibes and a mass intro for HipHop Tamizha 🔥Songs are the biggest strength of the film & pakka theatrical vibes. 📈Story is shown in 3 different timelines with 3 different versions of @hiphoptamizha. 1st half feels a bit slow…
— KARTHIK DP (@dp_karthik) September 25, 2026

New Movie Release: இந்த வீக் எண்டிற்கு குடும்பமாக தியேட்டருக்கு போய் எந்த படம் பார்க்கலாம்? 5 புதிய படங்கள் என்னென்ன?

சுகுமாறன் — Thu, 24 Sep 2026 15:55:51 +0530

தமிழ் சினிமாவைப் பொறுத்தமட்டில் ஒவ்வொரு வாரமும் புதிய படங்கள் வெளியாகி வருகிறது. இந்த வாரமும் புதிய படங்கள் வெளியாகிறது.

இந்த வாரம் குடும்பத்தினருடன் சென்று பார்க்க எந்தெந்த படங்கள் வெளியாகியுள்ளது? என்பதை கீழே காணலாம்.

1. டோரதி:

கார்த்திக் சுப்பராஜ் இயக்கத்தில் உருவாகியுள்ள டோரதி படம் நாளை வெளியாகிறது. மொத ராத்திரி படத்தில் கதாநாயகனாக நடித்த ரிஷிகாந்த், சனத் இந்த படத்தில் கதாநாயகனாக நடித்துள்ளனர். கீர்த்தி சுரேஷ் இந்த படத்தில் நாயகியாக நடித்துள்ளார். இளையராஜா இசையமைத்துள்ளார். இந்த படம் 1980 காலகட்ட பின்னணியில் உருவாகியுள்ளது. இந்த படம் நாளை வெளியாகிறது.

2. மீசைய முறுக்கு 2:

நடிகரும், இசையமைப்பாளருமான ஹிப் ஹாப் ஆதி இயக்கி நடித்துள்ள படம் மீசைய முறுக்கு 2. 2017ம் ஆண்டு முதல் பாகம் வெளியாகிய நிலையில் தற்போது 2ம் பாகம் வெளியாகிறது. 9 ஆண்டுகளுக்கு பிறகு தற்போது இந்த படத்தின் 2ம் பாகம் வெளியாகிறது. இந்த படத்திற்கும் ஹிப் ஹாப் ஆதியே இசையமைத்துள்ளார். இந்த படத்தின் பாடல்கள் ஏற்கனவே வெளியாகி வரவேற்பை பெற்றுள்ளது. இந்த படம் நாளை வெளியாகிறது.

3. அன்பில் அவன்:

தமிழ் திரையுலகின் முன்னணி நடிகர்களில் ஒருவர் அசோக் செல்வன். இவரும், ப்ரீத்தி முகுந்தனும் இணைந்து நடித்துள்ள படம் அன்பில் அவன். இந்த படத்தை கார்த்திகேயன் இயக்கியுள்ளார். கோவிந்த வசந்தா இசையமைத்துள்ளார். ஆக்ஷன் த்ரில்லரான இந்த படம் நாளை வெளியாகிறது.

4. லெனின் பாண்டியன்:

சிவாஜி கணேசனின் பேரன் தர்ஷன் கணேசன் கதாநாயகனாக அறிமுகமாகியுள்ள முதல் திரைப்படம் லெனின் பாண்டியன். இந்த படமும் நாளை வெளியாகிறது. இந்த படத்திற்கும் இளையராஜா இசையமைத்துள்ளார். இந்த படத்தை சத்யஜோதி பிலிம்ஸ் தயாரித்துள்ளது.

5.பாரடைஸ்:

தெலுங்கு திரையுலகின் மிகப்பெரிய நடிகர்களில் ஒருவர் நானி. இவரது நடிப்பில் உருவாகியுள்ள படம் பாரடைஸ். இந்த படம் இன்று வெளியாகியுள்ளது. பான் இந்தியா படமாக வெளியாகியுள்ள இந்த படத்தை ஸ்ரீகாந்த் ஓடேலா இயக்கியுள்ளார். மோகன் பாபு, கயாடு லோஹர், சோனாலி குல்கர்னி ஆகியோர் இந்த படத்தில் நடித்துள்ளனர். அனிருத் இசையமைத்துள்ளார்.

திரையரங்குகளில் கடந்த சில நாட்களுக்கு முன்பு வெளியான மண்டாடி படம் நன்றாக ஓடிக்கொண்டிருக்கிறது. இதுமட்டுமின்றி சர்தார் 2 படமும் சில திரையரங்குகளில் ஓடிக்கொண்டிருக்கிறது. மலையாள திரைப்படமான பெத்லேகம் குடும்ப யூனிட் படமும் ஓடிக்கொண்டிருக்கிறது.

இந்த வாரம் வெளியாகும் ஒவ்வொரு படமும் ஒவ்வொரு வகையிலான திரைப்படம் என்பதால் மிகப்பெரிய எதிர்பார்ப்பு ரசிகர்கள் மத்தியில் உள்ளது.

The Paradise Review : நானி நடித்துள்ள தி பாரடைஸ் திரைப்படம் எப்படி இருக்கு? விமர்சகர்கள் சொல்வது என்ன

ராகேஷ் தாரா — Thu, 24 Sep 2026 12:08:06 +0530

1980களின் செகந்திராபாத் பின்னணியில் உருவாகியுள்ள தி பாரடைஸ் படத்தில் , அடையாளம் மற்றும் உரிமைகள் மறுக்கப்பட்ட ஒரு பழங்குடியின சமூகத்தைச் சேர்ந்த ஜடால் என்ற கதாபாத்திரத்தில் நானி நடித்துள்ளார். அந்த சமூகத்தின் இருப்புக்காகவும் அடையாளத்துக்காகவும் நடைபெறும் போராட்டமே படத்தின் மையக் கதையாக அமைந்துள்ளது. நானியுடன் கயாடு லோஹர், ராகவ் ஜுயல், மோகன் பாபு, சோனாலி குல்கர்னி உள்ளிட்டோர் நடித்துள்ளனர். தாய்–மகன் உறவும் கதையின் முக்கிய உணர்வாக இடம்பெறுகிறது. அனிருத் ரவிச்சந்தர் இசையமைத்துள்ள இப்படத்தை சுதாகர் செருக்குரி தயாரித்துள்ளார். தமிழ், தெலுங்கு உள்ளிட்ட பல மொழிகளில் செப்டம்பர் 24, 2026 அன்று திரைப்படம் வெளியாகிறது

தி பாரடைஸ் திரைப்படத்தை சிறப்பு திரையிடலில் பார்த்த விமர்சகர்கள் படம் குறித்த தங்களது பார்வையை சமூக வலைதளத்தில் பதிவிட்டு வருகிறார்கள். பிரபல சினிமா விமர்சகரான கிரிஸ்டோபர் கனகராஜ் தி பாரடைஸ் படம் பற்றி இப்படி கூறியுள்ளார்.

"நானிக்கு மாஸ் அவதாரம் செட் ஆகவில்லை"

“மாஸ் அவதாரம் நானிக்கு பொருத்தமாக இல்லை. வில்லன் கதாபாத்திரம் காமெடியாக இருக்கிறது. கயாடு கதாபாத்திரம் வலுவில்லாமல் உள்ளது. அம்மா கதாபாத்திரமும் பலவீனமாக இருக்கிறது. பின்னணி இசை அதிக சத்தத்துடன் உள்ளது; எடிட்டிங்கும் மோசமாக இருக்கிறது. படத்தின் முதல் 20 நிமிடங்கள், இடைவேளை காட்சி மற்றும் KCR சம்பந்தப்பட்ட காட்சிகள் நன்றாக உள்ளன.

குறைகள்: காட்சிகளை அமைத்திருக்கும் விதம், கலர் டோன், அதிகப்படியான ஸ்லோ மோஷன் காட்சிகள், தொடர்பில்லாதது போல் தோன்றும் ஆக்‌ஷன் காட்சிகள், உணர்வில்லாத அம்மா–மகன் உறவு மற்றும் சரியாக அமையாத கதை நகர்வு. மொத்தத்தில் மோசமான அனுபவம்.”

#TheParadise - Mass Avatar doesnt suit Nani. Funny Villain, Dummy Kayadu, Weak Mom. Loud BGM & Worst Edits. Opening 20Mins, Interval Point & KCR Scenes Gud. Minus - Staging, ColorTone, SlowMotion Shots, Random Actions, Emotionless Mom-Son Bond, Improper Narration flow. BAD Watch!
— Christopher Kanagaraj (@Chrissuccess) September 23, 2026

"பொறுமையை சோதிக்கும் பாரடைஸ்"

மற்றொரு பிரபல விமர்சகரான வெங்கி ரிவியுஸ் தி பாரடைஸ் படம் குறித்து இப்படி கூறியுள்ளார் . 'தி பாரடைஸ்' பொறுமையை சோதிக்கும் செயற்கையான மாஸ் திரைப்படம்!

சுவாரஸ்யமான தொடக்கமும், ஓரளவு சிறப்பாக அமைந்துள்ள இடைவேளை காட்சியும் மட்டுமே முதல் பாதியில் கவனிக்க வைக்கும் அம்சங்களாக உள்ளன. இரண்டாம் பாதி அதைவிட மோசமாக அமைந்துள்ளது. அர்த்தமில்லாத எழுத்து, சலிப்பை ஏற்படுத்தும் கதை நகர்வு, போதிய உணர்வுப்பூர்வமான இணைப்பு இல்லாதது என படம் தடுமாறுகிறது.

படத்தில் சில காட்சிகள் நம்பிக்கை அளிக்கும் வகையில் இருந்தாலும், காட்சிகளை அமைத்திருக்கும் விதம், நடிப்பு, ஆக்‌ஷன் என அனைத்துமே செயற்கையாகவே தெரிகின்றன. அதனுடன், பலவீனமான எடிட்டிங் மற்றும் திடீர் கட்கள் படத்தை மேலும் குழப்பமாக்குகின்றன.

பாடல்களைத் தவிர, அனிருத்தின் பின்னணி இசை ஆச்சரியப்படும் வகையில் பலவீனமாக உள்ளது. மோசமான சவுண்ட் மிக்ஸிங்கும் படத்தின் அனுபவத்தை பாதிக்கிறது. அதிகப்படியான சத்தம் காரணமாக சில நேரங்களில் வசனங்களைக்கூட தெளிவாகப் புரிந்துகொள்ள முடியவில்லை.

இயக்குநர் ஒடேலா, கதை மற்றும் அதைச் செயல்படுத்திய விதம் இரண்டிலும் தடுமாறியுள்ளார். கிடைத்த மிகப்பெரிய வாய்ப்பை அவர் வீணடித்துவிட்டதாகத் தோன்றுகிறது. ‘தசரா’ படத்துக்குப் பிறகு அவர் இப்படியொரு படத்தை எப்படி உருவாக்கினார் என்பதே புரியாத ஒன்றாக உள்ளது.

நானி தனது பங்குக்கு முழு முயற்சியையும் கொடுத்திருந்தாலும், சரியாக உருவாக்கப்படாத இந்த உலகத்துக்கு அவருடைய கதாபாத்திரம் பொருத்தமாக இல்லை. மொத்தத்தில், நினைவில் நிற்காத திரைப்படமாகவும், நானியின் பலவீனமான படங்களில் ஒன்றாகவும் ‘தி பாரடைஸ்’ அமைந்துள்ளது.

#TheParadise A Patience Testing Artificial Mass Film!

An interesting start and decent interval are about the only portions that work in the first half. The second half is even worse with senseless writing, tedious narration, and barely any emotional connect. There are moments…
— Venky Reviews (@venkyreviews) September 23, 2026

Mandaadi Review: மண்டாடி..! வெற்றிக்கோட்டை தாண்டினாரா சூரி? படகுபோட்டி ரசிகர்களை கவர்ந்ததா? விமர்சனம் இதோ

குலசேகரன் முனிரத்தினம் — Thu, 10 Sep 2026 13:11:17 +0530

Mandaadi Twitter Review: படகுப்போட்டியை மையமாக கொண்டு சூரி நடிப்பில் வெளியாகியுள்ள மண்டாடி திரைப்படத்தின் ட்விட்டர் விமர்சனத்தை இங்கே அறியலாம்.

சூரியின் மண்டாடி திரைப்படம் ரிலீஸ்

சூரி நடிப்பில் கடலில் நடைபெறும் படகுப்போட்டியை மையமாக கொண்டு, சுமார் 80 கோடி பட்ஜெட்டில் உருவாகியுள்ள மண்டாடி திரைப்படம் இன்று உலகம் முழுவதும் வெளியாகியுள்ளது. எல்ரெட் குமார் தயாரிப்பில் மதிமாறன் புகழேந்தி இயக்கத்தில் உருவாகியுள்ள இப்படத்திற்கு ஜி.வி. பிரகாஷ் இசையமைத்துள்ளார். சுஹாஸ், மஹிமா நம்பியார் மற்றும் சத்யராஜ் ஆகியோர் இந்த படத்தில் முக்கிய கதாபாத்திரங்களில் நடித்துள்ளனர்.

சூரியின் மண்டாடி - எப்படி இருக்கு?

பாய்மர படகுபோட்டியை கொண்டு விளையாட்டு கலந்த கமர்ஷியல் படமாக மண்டாடி உருவாகியுள்ளது. சூரி மற்றும் சுஹாஸ் ஆகியோர் தங்களது முழு திறமையை கொட்டி நடித்துள்ளதாக ரசிகர்கள் பாராட்டுகின்றன. ஃப்ளாஷ்பேக் காட்சிகள் சற்று மந்தமாக கதையின் வேகத்தை குறைக்கிறதாம். அதேநேரம், க்ளைமேக்ஸில் வரும் படகுப்போட்டி மற்றும் ஜிவி பிரகாஷின் இசை படத்தை தூக்கி நிறுத்துவதாக கூறப்படுகிறது.

சூரியின் மண்டாடி - திரைப்பட ட்விட்டர் விமர்சனம்

#Mandaadi - A MARVEL OF A MAKING! 🔥🌊

Huge kudos to director Mathimaran Pugazhendhi for nailing the nativity & authenticity. #Soori anna is brilliant he genuinely looks and lives like a man who has sailed these waters all his life! 👏🏆🏆🏆

Every actor fits perfectly. S.R.… pic.twitter.com/f5NJVipN2Q
— VJ Santhosh aka LavyyBoii (@VJSanthosh02) September 10, 2026

#Mandaadi 4/5 An edge-of-the-seat sports drama thriller from dir Mathimaran Pugazhendhi, packaged well, technically brilliant set in a milieu that’s new. The performances by the entire cast is convincing, the boat race moments are not only engaging but the CG work is noteworthy.… pic.twitter.com/l1r18oMihx
— sridevi sreedhar (@sridevisreedhar) September 10, 2026

#Mandaadi Review: Sureshot Blockbuster 💥🔥🔥🔥

Rating: 4/5 💥

First half mass gripping screenplay, Second half Flashback Portions Slightly slow but last 25+ Minutes Peak Theatrical experience🤩🥳

Hero Soori anna Fabulous Acting, Villain Suhas superb & Whole Cast Acting Really… pic.twitter.com/y1vlQm6yJn
— Jagadeesh (@senjipaiyan) September 10, 2026

#Mandaadi - Terrific climax boat stunt 💥💥💥 superb VFX and action . Blockbuster 🔥🔥 pic.twitter.com/f0TZIG640U
— .TM (@TM_Officialy) September 10, 2026

#Mandaadi — A raw, intense movie set against the backdrop of boat racing! 🌊🔥

Feels like a Vetrimaaran-style world...
The interval and climax boat race sequences are the major highlights.
Crisp runtime...

Soori delivers a solid performance! 👏🏻

WINNER 👍🏻 pic.twitter.com/b2QLXyrLdC
— Karthik Ravivarma (@Karthikravivarm) September 10, 2026

Sardar 2 Review: உளவாளி கார்த்தி சர்தார்-2வை காப்பாற்றினாரா? SJ சூர்யா மிரட்டினாரா? விமர்சனம் இதோ..!

குலசேகரன் முனிரத்தினம் — Thu, 10 Sep 2026 11:11:21 +0530

Sardar 2 Review: கார்த்தி இரட்டை வேடத்தில் நடித்து வெளியான சர்தார் 2 திரைப்படத்தின் ட்விட்டர் விமர்சனம் கீழே தொகுக்கப்பட்டுள்ளது.

கார்த்தியின் சர்தார் 2 - எப்படி இருக்கு?

கார்த்தி - இயக்குனர் மித்ரன் கூட்டணியில் கடந்த 2022ம் ஆண்டு வெளியாகி சூப்பர் ஹிட் அடித்த திரைப்படம் சர்தார். இந்திய ராணுவ உளவாளியை அடிப்படையாக கொண்டு உருவாக்கப்பட்ட இந்த திரைப்படத்திற்கு கிடைத்த மிகப்பெரிய வெற்றியை தொடர்ந்து, அந்த கூட்டணி மீண்டும் இணைந்து சர்தார் 2 திரைப்படத்தை உருவாக்கியுள்ளது. கார்த்தி இரட்டை வேடத்தில் நடிக்க, எஸ்.ஜே. சூர்யா வில்லனாக நடித்துள்ள இந்த படத்திற்கு சாம் சிஎஸ் இசையமைத்துள்ளார்.

சர்தார் 2 - திரைப்பட விமர்சனம்

தந்தை கதாபாத்திர கார்த்தி கடந்த காலத்தில் அழிக்க முயன்ற பயோ வெப்பன் ஆயுதத்தின் அச்சுறுத்தல், மீண்டு நிகழ்காலத்தில் வர காவல்துறையில் உள்ள மகனுடன் சேர்ந்து அதற்கு எப்படி தீர்வு காண்கிறார் என்பதே மையக்கருவாகும். உளவாளியை அடிப்படையிலான படத்திற்கு இந்த கதை போதுமானதாக இருந்தாலும், திரைக்கதை பலவீனமாக இருப்பதாக படம் பார்த்தவர்கள் குறிப்பிடுகின்றனர். பின்னனி இசை மற்றும் க்ராஃபிக்ஸ் காட்சிகளிலும் கூடுதல் கவனம் செலுத்தி இருக்கலாம் மற்றும் இரண்டாம் பாதி மிகப்பெரிய தொய்வை கொண்டிருப்பதாகவும் கூறப்படுகிறது. நல்ல கமர்ஷியல் படமாக கொடுப்பதற்கான அத்தனை வாய்ப்புகள் இருந்தும், அவை வீணடிக்கப்பட்டுள்ளதாக ரசிகர்கள் தெரிவித்து வருகின்றனர்.

சர்தார் 2 ட்விட்டர் விமர்சனம்:

Sardar 2 Review - AVERAGE !!

Decent Ideas on Paper, but the execution is BORING and PATIENCE TESTING😌. Very little excitement throughout, and it never really feels like a proper Spy Film.

Never Expected this from one of my fav PS MITHRAN#Sardar2 | #Karthi | pic.twitter.com/axqd6a9LK5
— Movie Buff (@moviesbuff_) September 10, 2026

#Sardar2 Review: Patience Tester — 2/5

Patience Ends Before The Mission Ends!#Karthi's Sardar 2 has a promising set-up. But is let down by its poor execution. Director PS Mithran’s narration feels amateurish, unconvincing and over-the-top, turning what could have been a slick… pic.twitter.com/IijiiGtGvR
— Sandeep Athreya (@SandeepAatreya) September 10, 2026

#Sardar2 Promising Ideas, Lifeless Execution!

An interesting start dives straight into the story, but the over the top execution never really engages. PS Mithran comes up with a few promising ideas and a decent message, but the narration is childish and unconvincing. Film is…
— Venky Reviews (@venkyreviews) September 10, 2026

#Sardar2 - Karthi justifies d dual roles. SJ. Surya characterzn weak. Poor BGM, CGI. Gud thing is No Deviation from d core spy plot with unwanted songs/luv track. Antibiotics Message Nice. Convenient writing, 0 Logic, no twists, Lengthy & Pointless Action blocks. DISAPPOINTMENT!
— Christopher Kanagaraj (@Chrissuccess) September 10, 2026

‘பியார் பிரேமா கல்யாணம்’ விமர்சனம்: திருமணத்தில் ஆணும் பெண்ணும் ஏன் ஒரே மாதிரி இருக்கக்கூடாது?

ராகேஷ் தாரா — Sat, 22 Aug 2026 17:56:18 +0530

இயக்குநர் இளன் இயக்கத்தில் உருவாகியுள்ள ‘பியார் பிரேமா கல்யாணம்’ திரைப்படத்தில் இளன், சான்வே மெகன்னா, ராதிகா சரத்குமார், எம்.எஸ். பாஸ்கர், யோகி பாபு, கீதா கைலாசம் உள்ளிட்டோர் நடித்துள்ளனர். ‘பியார் பிரேமா காதல்’, ‘ஸ்டார்’ படங்களை இயக்கிய இளன், இப்படத்தின் மூலம் நடிகராகவும் அறிமுகமாகியுள்ளார். 2 மணி நேரம் 6 நிமிடங்கள் ஓடும் இப்படம், ஆகஸ்ட் 21ஆம் தேதி நெட்ஃபிளிக்ஸ் தளத்தில் நேரடியாக வெளியாகியுள்ளது.

பியார் பிரேமா கல்யாணம் கதை

படத்தின் கதை திருமணத்திற்குப் பிறகு ஒரு பெண் தனது வீட்டை விட்டு கணவரின் வீட்டிற்குச் செல்வதுதான் வழக்கமான நடைமுறை என்ற எண்ணத்தை கேள்விக்குள்ளாக்குகிறது. துபாயிலிருந்து சொந்த ஊருக்குத் திரும்பும் இளைஞனான இளன், திருமணத்துக்குப் பிறகு தனது மனைவி பவியுடன் புதிய வாழ்க்கையை தொடங்குகிறான். சமூக வலைதளங்களில் பிரபலமாக இருக்கும் பவி, தனது குடும்பத்துடன் இருக்கும் வீட்டை விட்டு வெளியேற விரும்பவில்லை. அதனால் திருமணத்திற்குப் பிறகு கணவனான இளனே மனைவியின் வீட்டில் சென்று வசிக்கிறார். இதிலிருந்து தொடங்குகிறது படத்தின் முக்கியமான பிரச்சினையும் நகைச்சுவையும்.

விமர்சனம்

மனைவியின் வீட்டில் வசிக்கும் ஆணாக இளன் எதிர்கொள்ளும் சூழல்கள் படத்தின் பெரும்பாலான நகைச்சுவைக்கு காரணமாகின்றன. வீட்டுப் பொறுப்புகள், உறவினர்களின் எதிர்பார்ப்புகள், வேலை தொடர்பான கேள்விகள் என இதுவரை பெரும்பாலும் பெண்கள் எதிர்கொள்ளும் சூழல்களை ஆண் கதாபாத்திரத்தின் வழியாக படம் காட்டுகிறது. இதன் மூலம் திருமணத்திற்குப் பிறகு பெண் தனது வீட்டை விட்டு செல்வது ஏன் இயல்பானதாக கருதப்படுகிறது என்ற கேள்வியை படம் முன்வைக்கிறது.

இந்த மையக்கருத்து படத்தின் மிகப்பெரிய பலமாக இருக்கிறது. பழக்கமான குடும்ப அமைப்பை தலைகீழாக மாற்றிப் பார்ப்பதால் உருவாகும் சிறிய சிறிய சங்கடங்கள் நல்ல நகைச்சுவையை உருவாக்குகின்றன. இளன் கதாபாத்திரம் தொடக்கத்தில் பொறுப்புகள் மீது அதிக அக்கறையில்லாதவராக இருந்தாலும், புதிய சூழலில் மெல்ல மாறத் தொடங்குவது கதைக்கு உணர்வுப்பூர்வமான பரிமாணத்தை கொடுக்கிறது. சான்வே மெகன்னா, பவியாக தனது தனிப்பட்ட விருப்பங்களையும் குடும்பத்தின் மீதான பாசத்தையும் இயல்பாக வெளிப்படுத்தியுள்ளார். இருவருக்கும் இடையிலான கெமிஸ்ட்ரியும் படத்தின் பலமாக அமைந்துள்ளது.

ராதிகா சரத்குமார், பவியின் தாயாக சிறப்பாக நடித்துள்ளார். எம்.எஸ். பாஸ்கர், யோகி பாபு உள்ளிட்ட துணை நடிகர்களும் குடும்பச் சூழலுக்கு தேவையான நகைச்சுவையை வழங்குகின்றனர். யுவன் சங்கர் ராஜாவின் இசை காதல் மற்றும் உணர்வுப்பூர்வமான காட்சிகளுக்கு கூடுதல் பலம் சேர்க்கிறது.

ஆனால் படத்தின் மையக்கருத்து எவ்வளவு சுவாரஸ்யமாக இருக்கிறதோ, அதற்கான திரைக்கதை தீர்வு அதே அளவுக்கு வலுவாக இல்லை . குறிப்பாக பாலின சமத்துவம் குறித்த முக்கியமான கேள்வியை எழுப்பும் படம், இறுதியில் அந்த விவாதத்தை முழுமையாக முன்னெடுக்காமல் பாதுகாப்பான முடிவை நோக்கிச் செல்வதாக தோன்றுகிறது

அதேபோல், சில காட்சிகள் சமூக வலைதளங்களில் வைரலாகும் வகையிலான உள்ளடக்கத்தை உருவாக்கும் நோக்கத்துடன் அமைக்கப்பட்டிருப்பது போல் தெரிகிறது, இதனால் சுவாரஸ்யமான மையக்கருத்தின் ஆழம் குறைகிறது. இருந்தாலும், படத்தின் முதல் பாதியில் வரும் குடும்ப நகைச்சுவை மற்றும் திருமண வாழ்க்கையை தலைகீழான கோணத்தில் பார்ப்பது போன்ற அம்சங்கள் ரசிக்க வைக்கின்றன.

மொத்தத்தில், ‘பியார் பிரேமா கல்யாணம்’ திருமணம் குறித்த வழக்கமான எதிர்பார்ப்புகளை மாற்றிப் பார்க்க முயற்சிக்கும் எளிமையான ரொமாண்டிக் காமெடி. அதன் மையக்கருத்து புதுமையாகவும் விவாதத்திற்குரியதாகவும் இருக்கிறது. ஆனால் அந்தக் கருத்தை இன்னும் ஆழமாக எடுத்துச் சென்றிருந்தால் படம் அதிக தாக்கத்தை ஏற்படுத்தியிருக்கும்.

Viswanath & Sons Review: விஸ்வநாத் அண்ட் சன்ஸ் விமர்சனம்... சூர்யாவின் படம் வெற்றியா? தோல்வியா?

ராஜேஷ். எஸ் — Fri, 14 Aug 2026 14:59:30 +0530

விஸ்வநாத் அண்ட் சன்ஸ் திரைப்பட விமர்சனம்: ‘கருப்பு’ படத்தின் மாபெரும் வெற்றிக்கு பிறகு சூர்யாவின் நடிப்பில் இன்று வெளியான திரைப்படம் 'விஸ்வநாத் அண்ட் சன்ஸ்'. 'லக்கி பாஸ்கர்' படத்திற்குப் பிறகு வெங்கி அட்லூரி இயக்கிய படம் இது. மமிதா பைஜு கதாநாயகியாக நடித்துள்ளார். ரவீனா டாண்டன் மற்றும் ராதிகா சரத்குமார் ஆகியோர் முக்கிய கதாபாத்திரங்களில் நடித்துள்ளனர். சூர்யதேவரா நாகவன்ஷி மற்றும் சாய் சௌஜன்யா தயாரித்த இப்படம் தெலுங்கு மற்றும் தமிழ் மொழிகளில் வெளியானது. இந்தப் படம் எப்படி இருக்கிறது?

கதை: சஞ்சய் விஸ்வநாத் (சூர்யா) ஒரு சர்வதேச துப்பாக்கி சுடும் வீரர். ஒரு பெரிய தொழிலதிபர். அவருக்கு 40 வயதுக்கு மேல் ஆகியும் இன்னும் திருமணம் ஆகவில்லை. அவரது தாய் (ராதிகா சரத் குமார்), தன் மகனுக்குத் திருமணம் ஆகி வாழ்க்கையில் நிலைபெற வேண்டும் என்று விரும்புகிறார். தன் தாய் தனக்கு ஒரு வாரிசு வேண்டும் என விரும்புகிறார் என்று மகன் நினைக்கிறார். வாடகைத் தாய் மூலம் பிறந்த வாரிசை அவர் வீட்டிற்கு அழைத்து வருகிறார். இருப்பினும், அந்தக் குழந்தைக்கு எலும்பு மஜ்ஜை செயலிழப்பு ஏற்படுகிறது. ஒரு வாடகைத் தாய் தேவைப்படுகிறார்.

சஞ்சய் விஸ்வநாத் அமெரிக்கா சென்று, மேடி ஜே என்ற மகேஸ்வரியை (மமிதா பைஜு) இந்தியாவிற்கு அழைத்து வருகிறார். குறும்புக்கார மேடியை எல்லோரும் விரும்புகிறார்கள். மேடி, சஞ்சய் விஸ்வநாத்தைக் காதலிக்கிறார். ஆனால்... அவரோ மறுத்துவிடுகிறார். தன்னை விட 20 வயது இளைய பெண்ணைத் திருமணம் செய்ய அவர் சம்மதிக்கவில்லை.

சஞ்சய் விஸ்வநாத் தனக்குத் திருமணம் செய்துகொள்ள விருப்பமில்லை என்று கூறுவதற்கான காரணம் என்ன? அவர் ஏன் தனது அத்தை அஞ்சலி தேவியிடம் (ரவீனா டாண்டன்) பேசவில்லை? மேடி எப்படி சஞ்சய் விஸ்வநாத்தின் மனதை மாற்றினார்? திரைப்படத்தைப் பார்த்தால் இதையெல்லாம் நீங்கள் தெரிந்துகொள்ளலாம்.

பகுப்பாய்வு: சூர்யாவுக்கு ஒரு பிரத்யேக ரசிகர் பட்டாளம் உண்டு. அதற்குக் காரணம் அவர் நடித்த படங்கள்தான். கஜினி முதல் கருப்பு வரை சூர்யாவின் சூப்பர் ஹிட் படங்களைப் பார்த்தால், அவற்றில் கதைக்கு முக்கியத்துவம் கொடுக்கும் படங்களே அதிகம். சோதனை முயற்சிப் படங்களும் உள்ளன. சூர்யா புதிய வகை கதைகளைக் கொண்ட படங்களை நடித்து வெற்றியும் பெற்றுள்ளார்.

லக்கி பாஸ்கர் படத்தின் வெற்றிக்குப் பிறகு, வெங்கி அட்லூரி இயக்கத்தில் சூர்யாவின் படம் அறிவிக்கப்பட்டபோது ரசிகர்களிடையே பெரும் எதிர்பார்ப்பு நிலவியது. இருப்பினும், தயாரிப்பாளர் நாக வம்சி, சூர்யா ஒரு கோடீஸ்வரர் கதாபாத்திரத்தில் காட்டப்படுவார் என்றும், இது ஒரு நல்ல குடும்ப படமாக அமையும் என்றும் கூறினார். சார், லக்கி பாஸ்கர் படத்தைப் போலல்லாமல், இயக்குனர் வெங்கி அட்லூரி ஒரு வலுவான வணிக பொழுதுபோக்கு படத்தை உருவாக்கியுள்ளார்.

விஸ்வநாத் அண்ட் சன்ஸ் திரைப்படத்தில், வெங்கி அட்லூரி ஒரு புதிய கதையைச் சொல்லவில்லை. அவர் புதிய உணர்ச்சிகளைக் காட்டவில்லை. ஆனால், படத்தின் ஆரம்பம் முதல் இறுதி வரை ஒவ்வொரு பார்வையாளருக்கும் பொதுவான உணர்ச்சிகள். அதாவது சென்டிமென்ட் மற்றும் நகைச்சுவை இருப்பதை அவர் உறுதி செய்தார். கதாபாத்திரம் வித்தியாசமானது. காட்சிகள் மிகவும் புதுமையாக இருக்கின்றன. எந்தப் பொறுப்பையும் ஏற்க விரும்பாத ஒரு பணக்காரர், எப்படிப் பொறுப்புகளை ஏற்க முன்வந்தார் என்பதே படத்தின் மையக்கரு.

விஸ்வநாத் அண்ட் சன்ஸ் படத்தின் ஆரம்பத்திலிருந்தே, வெங்கி அட்லூரி ஒரு இயக்குநராக இல்லாமல் ஒரு எழுத்தாளராகவே பார்வையாளர்களைக் கவர்ந்துள்ளார். அவர் எழுதிய வசனங்கள் மக்களைச் சிரிக்க வைக்கின்றன. உணர்ச்சிப்பூர்வமான காட்சிகள் அவர்களை அழ வைக்கின்றன. ஒவ்வொரு காட்சியிலும் அவர் தனது எழுத்துத் திறமையை வெளிப்படுத்தியுள்ளார். முதல் பாதி மிகவும் சுவாரஸ்யமாக இருக்கிறது. தர்க்கத்தைப் பற்றி நம்மைச் சிந்திக்க வைக்காமல், வெங்கி அட்லூரியின் எழுத்து மாயாஜாலம் நிகழ்த்தப்பட்டுள்ளது. இரண்டாம் பாதி தொடங்கிய பிறகு, நகைச்சுவைக்குப் பதிலாக உணர்ச்சிக்கு முக்கியத்துவம் கொடுக்கப்பட்டது. குடும்பக் காட்சிகள் மனதைத் தொடுகின்றன.

தொழில்நுட்ப ரீதியாக, 'விஸ்வநாத் அண்ட் சன்ஸ்' ஒரு உயர் மட்டத்தில் உள்ளது. நிமிஷ் ரவியின் ஒளிப்பதிவு இந்தப் படத்திற்கு ஒரு செழுமையான தோற்றத்தைக் கொடுத்துள்ளது. ஒவ்வொரு காட்சியும் வண்ணமயமாகவும் உயிரோட்டமாகவும் வடிவமைக்கப்பட்டுள்ளது. தயாரிப்பு வடிவமைப்பு மற்றும் படத்தொகுப்பு அனைத்தும் நன்றாக உள்ளன. பாடல்களை விட ஜி.வி. பிரகாஷ் குமாரின் பின்னணி இசை படத்திற்கு அதிக மதிப்பைச் சேர்த்துள்ளது.

சஞ்சய் விஸ்வநாத் கதாபாத்திரத்தில் சூர்யாவின் தோற்றம் கைகொடுத்தது. அவர் ஒரு பணக்காரராக நடிக்கவில்லை. மிகவும் சாதாரணமாகத் தோன்றினார். சூர்யாவின் அழகான தோற்றமும் அவரது ஸ்டைலும் பார்வையாளர்களைக் கவர்ந்தன. மாமிதா பைஜுவின் நடிப்பு புத்திசாலித்தனமானது, மேலும் அவரது நடனம் அந்தக் கதாபாத்திரத்திற்கு கச்சிதமாகப் பொருந்தியது. மைத்துனர் கதாபாத்திரத்தில் சுனில் ரெட்டி, சூர்யாவைச் சிரிக்க வைத்தார். ராதிகா சரத்குமார், ரவீனா டாண்டன் மற்றும் பலர் கதாபாத்திரங்களுக்கு ஏற்ப நடித்திருந்தனர். சூர்யாவுடன் அனைவரின் காம்பினேஷன் காட்சிகளும் நன்றாக இருந்தன.

படத்தை பார்க்கலாமா?: விஸ்வநாத் அண்ட் சன்ஸ்... ஒரு நல்ல பொழுதுபோக்குத் திரைப்படம். இது மழைக்காலத்தில் வீசும் இதமான தென்றலைப் போன்றது. இது மனதிற்கு மகிழ்ச்சியைத் தருகிறது. வெங்கி அட்லூரி, இரண்டரை மணி நேரம் விஸ்வநாத்துடன் நம்மைப் பயணிக்க வைத்தார். சூர்யா மற்றும் மாமிதா பைஜுவின் நடிப்புடன், வெங்கி அட்லூரியின் வசனங்களும் காட்சிகளும் பொழுதுபோக்கையும் உணர்ச்சிகளையும் வழங்குகின்றன. இது குடும்பத்துடன் கண்டு ரசிக்க வேண்டிய ஒரு திரைப்படம். தவறவிடாதீர்கள்.

Vishwanath & Sons Review: தப்பித்தாரா சூர்யா?.. விஸ்வநாத் அண்ட் சன்ஸ் எப்படி இருக்கு?.. ட்விட்டர் விமர்சனம் இதோ!

பேச்சி ஆவுடையப்பன் — Fri, 14 Aug 2026 11:28:55 +0530

நடிகர் சூர்யா நடித்த விஸ்வநாத் அண்ட் சன்ஸ் படம் தியேட்டரில் வெளியாகியுள்ள நிலையில் அப்படத்தின் ட்விட்டர் விமர்சனத்தைக் காணலாம்.

விஸ்வநாத் அண்ட் சன்ஸ்

வாத்தி, லக்கி பாஸ்கர் படம் மூலம் தமிழ் சினிமா ரசிகர்களை கவர்ந்த இயக்குநர் வெங்கி அட்லூரி தற்போது சூர்யாவை வைத்து விஸ்வநாத் அண்ட் சன்ஸ் படத்தை இயக்கியுள்ளார். இப்படத்தில் மமிதா பைஜூ ஹீரோயினாக நடித்துள்ளார். மேலும் ரவீனா டாண்டன், ராதிகா சரத்குமார் உள்ளிட்டோரும் நடித்துள்ளனர். இப்படத்திற்கு ஜி.வி.பிரகாஷ்குமார் இசையமைத்துள்ளார். லக்கி பாஸ்கர் படமும், சூர்யா கடைசியாக நடித்த கருப்பு படம் மிகப்பெரிய அளவில் வெற்றி பெற்றதால் விஸ்வநாத் அண்ட் சன்ஸ் படத்தை ரசிகர்கள் பெரும் ஆவலுடன் எதிர்பார்த்து காத்திருந்தனர்.

ஏற்கனவே இந்தப் படத்தின் டீசர்களும் டிரெய்லரும் படத்தின் மீதான எதிர்பார்ப்பை அதிகரித்திருந்தன. தமிழ், தெலுங்கு ஆகிய இருமொழிகளில் உருவாகியுள்ள இப்படத்தின் ட்விட்டர் விமர்சனத்தை காணலாம்.

ரசிகர்கள் சொல்வது என்ன?

இதனிடையே விஸ்வநாத் அண்ட் சன்ஸ் படம் பார்த்த பலரும் சமூக வலைத்தளங்களில் தங்கள் கருத்துகளை தெரிவித்துள்ளனர்.

#VishwanathAndSons A Watchable, Clean Family Entertainer With a Good 1st Half but a Weak 2nd Half!

After a slow start, the first half feels refreshing and stays focused on the core plot with a good mix of fun and emotion. Just when you expect that flow to continue, the second…
— Venky Reviews (@venkyreviews) August 14, 2026

ஒரு பதிவில், “படம் மெதுவாக தொடங்கினாலும் முதல் பாதி செம ஜாலியாகவும், எனர்ஜெட்டிக்காவும் உள்ளது. இரண்டாம் பாதி பெரிதாக எடுபடாத துணைக்கதைகளுடன் செல்வதால் சற்று போரடிக்கிறது. கிளைமேக்ஸ் சிறப்பாக வந்துள்ளது. சூர்யா, மமிதா மற்றும் ராதிகா அனைவரும் சிறப்பான நடிப்பை வழங்கியுள்ளனர். வெங்கட் அட்லூரியின் வசன எழுத்துதான் படத்தின் மிகப்பெரிய பலமாக அமைந்துள்ளது.

#VishwanathAndSons good first half👌 Saradaga emotional ga vellipoyindhi👌 scenes between mamitha and radhika are very heartwarming❤️ @gvprakash bgm during the airport scene😍 families will love this for sure if second half maintains the same flow superhit for sure👍
— తేజ (@teja1409) August 13, 2026

#VishwanathAndSons - Excellent First Half, Followed by an Decent Second half🤝

A Complete Feel Good entertainer overloaded with Many Fun moment and a bit of emotional sequences👌

Providing an apt climax was the toughest one for the film, but it was perfectly mounted by… pic.twitter.com/qCsu1YcKEC
— AmuthaBharathi (@CinemaWithAB) August 14, 2026

இன்னொரு பதிவில், விஸ்வநாத் அண்ட் சன்ஸ் படம் நிச்சயம் பேமிலி ஆடியன்ஸ்க்கு பிடிக்கும். இரண்டாம் பாதியும் இதே வேகத்தில் தொடர்ந்திருந்தால் வசூலை அள்ளியிருக்கும். ஆனால் சற்று சறுக்கியுள்ளது. இருந்தாலும் படம் சூப்பர்ஹிட் தான்.

பல வேடிக்கையான தருணங்கள் மற்றும் சில உணர்ச்சிப்பூர்வமான காட்சிகளால் நிரம்பிய, மனதிற்கு இதமான ஒரு முழுமையான பொழுதுபோக்குத் திரைப்படம். பொருத்தமான ஒரு கிளைமேக்ஸை அமைப்பதுதான் இப்படத்திற்கு மிகவும் கடினமான ஒன்றாக இருந்திருக்கும் என நினைக்கிறேன். அதனை வெங்கி அட்லூரி சிறப்பாக கையாண்டுள்ளார்.

இந்த பதிவுகளால் படம் பார்க்க ஆவலுடன் காத்திருக்கும் சூர்யா ரசிகர்கள் மகிழ்ச்சியுடன் காத்திருக்கின்றனர்.