movie-review

Mandaadi Review: மண்டாடி..! வெற்றிக்கோட்டை தாண்டினாரா சூரி? படகுபோட்டி ரசிகர்களை கவர்ந்ததா? விமர்சனம் இதோ

குலசேகரன் முனிரத்தினம் — Thu, 10 Sep 2026 13:11:17 +0530

Mandaadi Twitter Review: படகுப்போட்டியை மையமாக கொண்டு சூரி நடிப்பில் வெளியாகியுள்ள மண்டாடி திரைப்படத்தின் ட்விட்டர் விமர்சனத்தை இங்கே அறியலாம்.

சூரியின் மண்டாடி திரைப்படம் ரிலீஸ்

சூரி நடிப்பில் கடலில் நடைபெறும் படகுப்போட்டியை மையமாக கொண்டு, சுமார் 80 கோடி பட்ஜெட்டில் உருவாகியுள்ள மண்டாடி திரைப்படம் இன்று உலகம் முழுவதும் வெளியாகியுள்ளது. எல்ரெட் குமார் தயாரிப்பில் மதிமாறன் புகழேந்தி இயக்கத்தில் உருவாகியுள்ள இப்படத்திற்கு ஜி.வி. பிரகாஷ் இசையமைத்துள்ளார். சுஹாஸ், மஹிமா நம்பியார் மற்றும் சத்யராஜ் ஆகியோர் இந்த படத்தில் முக்கிய கதாபாத்திரங்களில் நடித்துள்ளனர்.

சூரியின் மண்டாடி - எப்படி இருக்கு?

பாய்மர படகுபோட்டியை கொண்டு விளையாட்டு கலந்த கமர்ஷியல் படமாக மண்டாடி உருவாகியுள்ளது. சூரி மற்றும் சுஹாஸ் ஆகியோர் தங்களது முழு திறமையை கொட்டி நடித்துள்ளதாக ரசிகர்கள் பாராட்டுகின்றன. ஃப்ளாஷ்பேக் காட்சிகள் சற்று மந்தமாக கதையின் வேகத்தை குறைக்கிறதாம். அதேநேரம், க்ளைமேக்ஸில் வரும் படகுப்போட்டி மற்றும் ஜிவி பிரகாஷின் இசை படத்தை தூக்கி நிறுத்துவதாக கூறப்படுகிறது.

சூரியின் மண்டாடி - திரைப்பட ட்விட்டர் விமர்சனம்

#Mandaadi - A MARVEL OF A MAKING! 🔥🌊

Huge kudos to director Mathimaran Pugazhendhi for nailing the nativity & authenticity. #Soori anna is brilliant he genuinely looks and lives like a man who has sailed these waters all his life! 👏🏆🏆🏆

Every actor fits perfectly. S.R.… pic.twitter.com/f5NJVipN2Q
— VJ Santhosh aka LavyyBoii (@VJSanthosh02) September 10, 2026

#Mandaadi 4/5 An edge-of-the-seat sports drama thriller from dir Mathimaran Pugazhendhi, packaged well, technically brilliant set in a milieu that’s new. The performances by the entire cast is convincing, the boat race moments are not only engaging but the CG work is noteworthy.… pic.twitter.com/l1r18oMihx
— sridevi sreedhar (@sridevisreedhar) September 10, 2026

#Mandaadi Review: Sureshot Blockbuster 💥🔥🔥🔥

Rating: 4/5 💥

First half mass gripping screenplay, Second half Flashback Portions Slightly slow but last 25+ Minutes Peak Theatrical experience🤩🥳

Hero Soori anna Fabulous Acting, Villain Suhas superb & Whole Cast Acting Really… pic.twitter.com/y1vlQm6yJn
— Jagadeesh (@senjipaiyan) September 10, 2026

#Mandaadi - Terrific climax boat stunt 💥💥💥 superb VFX and action . Blockbuster 🔥🔥 pic.twitter.com/f0TZIG640U
— .TM (@TM_Officialy) September 10, 2026

#Mandaadi — A raw, intense movie set against the backdrop of boat racing! 🌊🔥

Feels like a Vetrimaaran-style world...
The interval and climax boat race sequences are the major highlights.
Crisp runtime...

Soori delivers a solid performance! 👏🏻

WINNER 👍🏻 pic.twitter.com/b2QLXyrLdC
— Karthik Ravivarma (@Karthikravivarm) September 10, 2026

Sardar 2 Review: உளவாளி கார்த்தி சர்தார்-2வை காப்பாற்றினாரா? SJ சூர்யா மிரட்டினாரா? விமர்சனம் இதோ..!

குலசேகரன் முனிரத்தினம் — Thu, 10 Sep 2026 11:11:21 +0530

Sardar 2 Review: கார்த்தி இரட்டை வேடத்தில் நடித்து வெளியான சர்தார் 2 திரைப்படத்தின் ட்விட்டர் விமர்சனம் கீழே தொகுக்கப்பட்டுள்ளது.

கார்த்தியின் சர்தார் 2 - எப்படி இருக்கு?

கார்த்தி - இயக்குனர் மித்ரன் கூட்டணியில் கடந்த 2022ம் ஆண்டு வெளியாகி சூப்பர் ஹிட் அடித்த திரைப்படம் சர்தார். இந்திய ராணுவ உளவாளியை அடிப்படையாக கொண்டு உருவாக்கப்பட்ட இந்த திரைப்படத்திற்கு கிடைத்த மிகப்பெரிய வெற்றியை தொடர்ந்து, அந்த கூட்டணி மீண்டும் இணைந்து சர்தார் 2 திரைப்படத்தை உருவாக்கியுள்ளது. கார்த்தி இரட்டை வேடத்தில் நடிக்க, எஸ்.ஜே. சூர்யா வில்லனாக நடித்துள்ள இந்த படத்திற்கு சாம் சிஎஸ் இசையமைத்துள்ளார்.

சர்தார் 2 - திரைப்பட விமர்சனம்

தந்தை கதாபாத்திர கார்த்தி கடந்த காலத்தில் அழிக்க முயன்ற பயோ வெப்பன் ஆயுதத்தின் அச்சுறுத்தல், மீண்டு நிகழ்காலத்தில் வர காவல்துறையில் உள்ள மகனுடன் சேர்ந்து அதற்கு எப்படி தீர்வு காண்கிறார் என்பதே மையக்கருவாகும். உளவாளியை அடிப்படையிலான படத்திற்கு இந்த கதை போதுமானதாக இருந்தாலும், திரைக்கதை பலவீனமாக இருப்பதாக படம் பார்த்தவர்கள் குறிப்பிடுகின்றனர். பின்னனி இசை மற்றும் க்ராஃபிக்ஸ் காட்சிகளிலும் கூடுதல் கவனம் செலுத்தி இருக்கலாம் மற்றும் இரண்டாம் பாதி மிகப்பெரிய தொய்வை கொண்டிருப்பதாகவும் கூறப்படுகிறது. நல்ல கமர்ஷியல் படமாக கொடுப்பதற்கான அத்தனை வாய்ப்புகள் இருந்தும், அவை வீணடிக்கப்பட்டுள்ளதாக ரசிகர்கள் தெரிவித்து வருகின்றனர்.

சர்தார் 2 ட்விட்டர் விமர்சனம்:

Sardar 2 Review - AVERAGE !!

Decent Ideas on Paper, but the execution is BORING and PATIENCE TESTING😌. Very little excitement throughout, and it never really feels like a proper Spy Film.

Never Expected this from one of my fav PS MITHRAN#Sardar2 | #Karthi | pic.twitter.com/axqd6a9LK5
— Movie Buff (@moviesbuff_) September 10, 2026

#Sardar2 Review: Patience Tester — 2/5

Patience Ends Before The Mission Ends!#Karthi's Sardar 2 has a promising set-up. But is let down by its poor execution. Director PS Mithran’s narration feels amateurish, unconvincing and over-the-top, turning what could have been a slick… pic.twitter.com/IijiiGtGvR
— Sandeep Athreya (@SandeepAatreya) September 10, 2026

#Sardar2 Promising Ideas, Lifeless Execution!

An interesting start dives straight into the story, but the over the top execution never really engages. PS Mithran comes up with a few promising ideas and a decent message, but the narration is childish and unconvincing. Film is…
— Venky Reviews (@venkyreviews) September 10, 2026

#Sardar2 - Karthi justifies d dual roles. SJ. Surya characterzn weak. Poor BGM, CGI. Gud thing is No Deviation from d core spy plot with unwanted songs/luv track. Antibiotics Message Nice. Convenient writing, 0 Logic, no twists, Lengthy & Pointless Action blocks. DISAPPOINTMENT!
— Christopher Kanagaraj (@Chrissuccess) September 10, 2026

‘பியார் பிரேமா கல்யாணம்’ விமர்சனம்: திருமணத்தில் ஆணும் பெண்ணும் ஏன் ஒரே மாதிரி இருக்கக்கூடாது?

ராகேஷ் தாரா — Sat, 22 Aug 2026 17:56:18 +0530

இயக்குநர் இளன் இயக்கத்தில் உருவாகியுள்ள ‘பியார் பிரேமா கல்யாணம்’ திரைப்படத்தில் இளன், சான்வே மெகன்னா, ராதிகா சரத்குமார், எம்.எஸ். பாஸ்கர், யோகி பாபு, கீதா கைலாசம் உள்ளிட்டோர் நடித்துள்ளனர். ‘பியார் பிரேமா காதல்’, ‘ஸ்டார்’ படங்களை இயக்கிய இளன், இப்படத்தின் மூலம் நடிகராகவும் அறிமுகமாகியுள்ளார். 2 மணி நேரம் 6 நிமிடங்கள் ஓடும் இப்படம், ஆகஸ்ட் 21ஆம் தேதி நெட்ஃபிளிக்ஸ் தளத்தில் நேரடியாக வெளியாகியுள்ளது.

பியார் பிரேமா கல்யாணம் கதை

படத்தின் கதை திருமணத்திற்குப் பிறகு ஒரு பெண் தனது வீட்டை விட்டு கணவரின் வீட்டிற்குச் செல்வதுதான் வழக்கமான நடைமுறை என்ற எண்ணத்தை கேள்விக்குள்ளாக்குகிறது. துபாயிலிருந்து சொந்த ஊருக்குத் திரும்பும் இளைஞனான இளன், திருமணத்துக்குப் பிறகு தனது மனைவி பவியுடன் புதிய வாழ்க்கையை தொடங்குகிறான். சமூக வலைதளங்களில் பிரபலமாக இருக்கும் பவி, தனது குடும்பத்துடன் இருக்கும் வீட்டை விட்டு வெளியேற விரும்பவில்லை. அதனால் திருமணத்திற்குப் பிறகு கணவனான இளனே மனைவியின் வீட்டில் சென்று வசிக்கிறார். இதிலிருந்து தொடங்குகிறது படத்தின் முக்கியமான பிரச்சினையும் நகைச்சுவையும்.

விமர்சனம்

மனைவியின் வீட்டில் வசிக்கும் ஆணாக இளன் எதிர்கொள்ளும் சூழல்கள் படத்தின் பெரும்பாலான நகைச்சுவைக்கு காரணமாகின்றன. வீட்டுப் பொறுப்புகள், உறவினர்களின் எதிர்பார்ப்புகள், வேலை தொடர்பான கேள்விகள் என இதுவரை பெரும்பாலும் பெண்கள் எதிர்கொள்ளும் சூழல்களை ஆண் கதாபாத்திரத்தின் வழியாக படம் காட்டுகிறது. இதன் மூலம் திருமணத்திற்குப் பிறகு பெண் தனது வீட்டை விட்டு செல்வது ஏன் இயல்பானதாக கருதப்படுகிறது என்ற கேள்வியை படம் முன்வைக்கிறது.

இந்த மையக்கருத்து படத்தின் மிகப்பெரிய பலமாக இருக்கிறது. பழக்கமான குடும்ப அமைப்பை தலைகீழாக மாற்றிப் பார்ப்பதால் உருவாகும் சிறிய சிறிய சங்கடங்கள் நல்ல நகைச்சுவையை உருவாக்குகின்றன. இளன் கதாபாத்திரம் தொடக்கத்தில் பொறுப்புகள் மீது அதிக அக்கறையில்லாதவராக இருந்தாலும், புதிய சூழலில் மெல்ல மாறத் தொடங்குவது கதைக்கு உணர்வுப்பூர்வமான பரிமாணத்தை கொடுக்கிறது. சான்வே மெகன்னா, பவியாக தனது தனிப்பட்ட விருப்பங்களையும் குடும்பத்தின் மீதான பாசத்தையும் இயல்பாக வெளிப்படுத்தியுள்ளார். இருவருக்கும் இடையிலான கெமிஸ்ட்ரியும் படத்தின் பலமாக அமைந்துள்ளது.

ராதிகா சரத்குமார், பவியின் தாயாக சிறப்பாக நடித்துள்ளார். எம்.எஸ். பாஸ்கர், யோகி பாபு உள்ளிட்ட துணை நடிகர்களும் குடும்பச் சூழலுக்கு தேவையான நகைச்சுவையை வழங்குகின்றனர். யுவன் சங்கர் ராஜாவின் இசை காதல் மற்றும் உணர்வுப்பூர்வமான காட்சிகளுக்கு கூடுதல் பலம் சேர்க்கிறது.

ஆனால் படத்தின் மையக்கருத்து எவ்வளவு சுவாரஸ்யமாக இருக்கிறதோ, அதற்கான திரைக்கதை தீர்வு அதே அளவுக்கு வலுவாக இல்லை . குறிப்பாக பாலின சமத்துவம் குறித்த முக்கியமான கேள்வியை எழுப்பும் படம், இறுதியில் அந்த விவாதத்தை முழுமையாக முன்னெடுக்காமல் பாதுகாப்பான முடிவை நோக்கிச் செல்வதாக தோன்றுகிறது

அதேபோல், சில காட்சிகள் சமூக வலைதளங்களில் வைரலாகும் வகையிலான உள்ளடக்கத்தை உருவாக்கும் நோக்கத்துடன் அமைக்கப்பட்டிருப்பது போல் தெரிகிறது, இதனால் சுவாரஸ்யமான மையக்கருத்தின் ஆழம் குறைகிறது. இருந்தாலும், படத்தின் முதல் பாதியில் வரும் குடும்ப நகைச்சுவை மற்றும் திருமண வாழ்க்கையை தலைகீழான கோணத்தில் பார்ப்பது போன்ற அம்சங்கள் ரசிக்க வைக்கின்றன.

மொத்தத்தில், ‘பியார் பிரேமா கல்யாணம்’ திருமணம் குறித்த வழக்கமான எதிர்பார்ப்புகளை மாற்றிப் பார்க்க முயற்சிக்கும் எளிமையான ரொமாண்டிக் காமெடி. அதன் மையக்கருத்து புதுமையாகவும் விவாதத்திற்குரியதாகவும் இருக்கிறது. ஆனால் அந்தக் கருத்தை இன்னும் ஆழமாக எடுத்துச் சென்றிருந்தால் படம் அதிக தாக்கத்தை ஏற்படுத்தியிருக்கும்.

Viswanath & Sons Review: விஸ்வநாத் அண்ட் சன்ஸ் விமர்சனம்... சூர்யாவின் படம் வெற்றியா? தோல்வியா?

ராஜேஷ். எஸ் — Fri, 14 Aug 2026 14:59:30 +0530

விஸ்வநாத் அண்ட் சன்ஸ் திரைப்பட விமர்சனம்: ‘கருப்பு’ படத்தின் மாபெரும் வெற்றிக்கு பிறகு சூர்யாவின் நடிப்பில் இன்று வெளியான திரைப்படம் 'விஸ்வநாத் அண்ட் சன்ஸ்'. 'லக்கி பாஸ்கர்' படத்திற்குப் பிறகு வெங்கி அட்லூரி இயக்கிய படம் இது. மமிதா பைஜு கதாநாயகியாக நடித்துள்ளார். ரவீனா டாண்டன் மற்றும் ராதிகா சரத்குமார் ஆகியோர் முக்கிய கதாபாத்திரங்களில் நடித்துள்ளனர். சூர்யதேவரா நாகவன்ஷி மற்றும் சாய் சௌஜன்யா தயாரித்த இப்படம் தெலுங்கு மற்றும் தமிழ் மொழிகளில் வெளியானது. இந்தப் படம் எப்படி இருக்கிறது?

கதை: சஞ்சய் விஸ்வநாத் (சூர்யா) ஒரு சர்வதேச துப்பாக்கி சுடும் வீரர். ஒரு பெரிய தொழிலதிபர். அவருக்கு 40 வயதுக்கு மேல் ஆகியும் இன்னும் திருமணம் ஆகவில்லை. அவரது தாய் (ராதிகா சரத் குமார்), தன் மகனுக்குத் திருமணம் ஆகி வாழ்க்கையில் நிலைபெற வேண்டும் என்று விரும்புகிறார். தன் தாய் தனக்கு ஒரு வாரிசு வேண்டும் என விரும்புகிறார் என்று மகன் நினைக்கிறார். வாடகைத் தாய் மூலம் பிறந்த வாரிசை அவர் வீட்டிற்கு அழைத்து வருகிறார். இருப்பினும், அந்தக் குழந்தைக்கு எலும்பு மஜ்ஜை செயலிழப்பு ஏற்படுகிறது. ஒரு வாடகைத் தாய் தேவைப்படுகிறார்.

சஞ்சய் விஸ்வநாத் அமெரிக்கா சென்று, மேடி ஜே என்ற மகேஸ்வரியை (மமிதா பைஜு) இந்தியாவிற்கு அழைத்து வருகிறார். குறும்புக்கார மேடியை எல்லோரும் விரும்புகிறார்கள். மேடி, சஞ்சய் விஸ்வநாத்தைக் காதலிக்கிறார். ஆனால்... அவரோ மறுத்துவிடுகிறார். தன்னை விட 20 வயது இளைய பெண்ணைத் திருமணம் செய்ய அவர் சம்மதிக்கவில்லை.

சஞ்சய் விஸ்வநாத் தனக்குத் திருமணம் செய்துகொள்ள விருப்பமில்லை என்று கூறுவதற்கான காரணம் என்ன? அவர் ஏன் தனது அத்தை அஞ்சலி தேவியிடம் (ரவீனா டாண்டன்) பேசவில்லை? மேடி எப்படி சஞ்சய் விஸ்வநாத்தின் மனதை மாற்றினார்? திரைப்படத்தைப் பார்த்தால் இதையெல்லாம் நீங்கள் தெரிந்துகொள்ளலாம்.

பகுப்பாய்வு: சூர்யாவுக்கு ஒரு பிரத்யேக ரசிகர் பட்டாளம் உண்டு. அதற்குக் காரணம் அவர் நடித்த படங்கள்தான். கஜினி முதல் கருப்பு வரை சூர்யாவின் சூப்பர் ஹிட் படங்களைப் பார்த்தால், அவற்றில் கதைக்கு முக்கியத்துவம் கொடுக்கும் படங்களே அதிகம். சோதனை முயற்சிப் படங்களும் உள்ளன. சூர்யா புதிய வகை கதைகளைக் கொண்ட படங்களை நடித்து வெற்றியும் பெற்றுள்ளார்.

லக்கி பாஸ்கர் படத்தின் வெற்றிக்குப் பிறகு, வெங்கி அட்லூரி இயக்கத்தில் சூர்யாவின் படம் அறிவிக்கப்பட்டபோது ரசிகர்களிடையே பெரும் எதிர்பார்ப்பு நிலவியது. இருப்பினும், தயாரிப்பாளர் நாக வம்சி, சூர்யா ஒரு கோடீஸ்வரர் கதாபாத்திரத்தில் காட்டப்படுவார் என்றும், இது ஒரு நல்ல குடும்ப படமாக அமையும் என்றும் கூறினார். சார், லக்கி பாஸ்கர் படத்தைப் போலல்லாமல், இயக்குனர் வெங்கி அட்லூரி ஒரு வலுவான வணிக பொழுதுபோக்கு படத்தை உருவாக்கியுள்ளார்.

விஸ்வநாத் அண்ட் சன்ஸ் திரைப்படத்தில், வெங்கி அட்லூரி ஒரு புதிய கதையைச் சொல்லவில்லை. அவர் புதிய உணர்ச்சிகளைக் காட்டவில்லை. ஆனால், படத்தின் ஆரம்பம் முதல் இறுதி வரை ஒவ்வொரு பார்வையாளருக்கும் பொதுவான உணர்ச்சிகள். அதாவது சென்டிமென்ட் மற்றும் நகைச்சுவை இருப்பதை அவர் உறுதி செய்தார். கதாபாத்திரம் வித்தியாசமானது. காட்சிகள் மிகவும் புதுமையாக இருக்கின்றன. எந்தப் பொறுப்பையும் ஏற்க விரும்பாத ஒரு பணக்காரர், எப்படிப் பொறுப்புகளை ஏற்க முன்வந்தார் என்பதே படத்தின் மையக்கரு.

விஸ்வநாத் அண்ட் சன்ஸ் படத்தின் ஆரம்பத்திலிருந்தே, வெங்கி அட்லூரி ஒரு இயக்குநராக இல்லாமல் ஒரு எழுத்தாளராகவே பார்வையாளர்களைக் கவர்ந்துள்ளார். அவர் எழுதிய வசனங்கள் மக்களைச் சிரிக்க வைக்கின்றன. உணர்ச்சிப்பூர்வமான காட்சிகள் அவர்களை அழ வைக்கின்றன. ஒவ்வொரு காட்சியிலும் அவர் தனது எழுத்துத் திறமையை வெளிப்படுத்தியுள்ளார். முதல் பாதி மிகவும் சுவாரஸ்யமாக இருக்கிறது. தர்க்கத்தைப் பற்றி நம்மைச் சிந்திக்க வைக்காமல், வெங்கி அட்லூரியின் எழுத்து மாயாஜாலம் நிகழ்த்தப்பட்டுள்ளது. இரண்டாம் பாதி தொடங்கிய பிறகு, நகைச்சுவைக்குப் பதிலாக உணர்ச்சிக்கு முக்கியத்துவம் கொடுக்கப்பட்டது. குடும்பக் காட்சிகள் மனதைத் தொடுகின்றன.

தொழில்நுட்ப ரீதியாக, 'விஸ்வநாத் அண்ட் சன்ஸ்' ஒரு உயர் மட்டத்தில் உள்ளது. நிமிஷ் ரவியின் ஒளிப்பதிவு இந்தப் படத்திற்கு ஒரு செழுமையான தோற்றத்தைக் கொடுத்துள்ளது. ஒவ்வொரு காட்சியும் வண்ணமயமாகவும் உயிரோட்டமாகவும் வடிவமைக்கப்பட்டுள்ளது. தயாரிப்பு வடிவமைப்பு மற்றும் படத்தொகுப்பு அனைத்தும் நன்றாக உள்ளன. பாடல்களை விட ஜி.வி. பிரகாஷ் குமாரின் பின்னணி இசை படத்திற்கு அதிக மதிப்பைச் சேர்த்துள்ளது.

சஞ்சய் விஸ்வநாத் கதாபாத்திரத்தில் சூர்யாவின் தோற்றம் கைகொடுத்தது. அவர் ஒரு பணக்காரராக நடிக்கவில்லை. மிகவும் சாதாரணமாகத் தோன்றினார். சூர்யாவின் அழகான தோற்றமும் அவரது ஸ்டைலும் பார்வையாளர்களைக் கவர்ந்தன. மாமிதா பைஜுவின் நடிப்பு புத்திசாலித்தனமானது, மேலும் அவரது நடனம் அந்தக் கதாபாத்திரத்திற்கு கச்சிதமாகப் பொருந்தியது. மைத்துனர் கதாபாத்திரத்தில் சுனில் ரெட்டி, சூர்யாவைச் சிரிக்க வைத்தார். ராதிகா சரத்குமார், ரவீனா டாண்டன் மற்றும் பலர் கதாபாத்திரங்களுக்கு ஏற்ப நடித்திருந்தனர். சூர்யாவுடன் அனைவரின் காம்பினேஷன் காட்சிகளும் நன்றாக இருந்தன.

படத்தை பார்க்கலாமா?: விஸ்வநாத் அண்ட் சன்ஸ்... ஒரு நல்ல பொழுதுபோக்குத் திரைப்படம். இது மழைக்காலத்தில் வீசும் இதமான தென்றலைப் போன்றது. இது மனதிற்கு மகிழ்ச்சியைத் தருகிறது. வெங்கி அட்லூரி, இரண்டரை மணி நேரம் விஸ்வநாத்துடன் நம்மைப் பயணிக்க வைத்தார். சூர்யா மற்றும் மாமிதா பைஜுவின் நடிப்புடன், வெங்கி அட்லூரியின் வசனங்களும் காட்சிகளும் பொழுதுபோக்கையும் உணர்ச்சிகளையும் வழங்குகின்றன. இது குடும்பத்துடன் கண்டு ரசிக்க வேண்டிய ஒரு திரைப்படம். தவறவிடாதீர்கள்.

Vishwanath & Sons Review: தப்பித்தாரா சூர்யா?.. விஸ்வநாத் அண்ட் சன்ஸ் எப்படி இருக்கு?.. ட்விட்டர் விமர்சனம் இதோ!

பேச்சி ஆவுடையப்பன் — Fri, 14 Aug 2026 11:28:55 +0530

நடிகர் சூர்யா நடித்த விஸ்வநாத் அண்ட் சன்ஸ் படம் தியேட்டரில் வெளியாகியுள்ள நிலையில் அப்படத்தின் ட்விட்டர் விமர்சனத்தைக் காணலாம்.

விஸ்வநாத் அண்ட் சன்ஸ்

வாத்தி, லக்கி பாஸ்கர் படம் மூலம் தமிழ் சினிமா ரசிகர்களை கவர்ந்த இயக்குநர் வெங்கி அட்லூரி தற்போது சூர்யாவை வைத்து விஸ்வநாத் அண்ட் சன்ஸ் படத்தை இயக்கியுள்ளார். இப்படத்தில் மமிதா பைஜூ ஹீரோயினாக நடித்துள்ளார். மேலும் ரவீனா டாண்டன், ராதிகா சரத்குமார் உள்ளிட்டோரும் நடித்துள்ளனர். இப்படத்திற்கு ஜி.வி.பிரகாஷ்குமார் இசையமைத்துள்ளார். லக்கி பாஸ்கர் படமும், சூர்யா கடைசியாக நடித்த கருப்பு படம் மிகப்பெரிய அளவில் வெற்றி பெற்றதால் விஸ்வநாத் அண்ட் சன்ஸ் படத்தை ரசிகர்கள் பெரும் ஆவலுடன் எதிர்பார்த்து காத்திருந்தனர்.

ஏற்கனவே இந்தப் படத்தின் டீசர்களும் டிரெய்லரும் படத்தின் மீதான எதிர்பார்ப்பை அதிகரித்திருந்தன. தமிழ், தெலுங்கு ஆகிய இருமொழிகளில் உருவாகியுள்ள இப்படத்தின் ட்விட்டர் விமர்சனத்தை காணலாம்.

ரசிகர்கள் சொல்வது என்ன?

இதனிடையே விஸ்வநாத் அண்ட் சன்ஸ் படம் பார்த்த பலரும் சமூக வலைத்தளங்களில் தங்கள் கருத்துகளை தெரிவித்துள்ளனர்.

#VishwanathAndSons A Watchable, Clean Family Entertainer With a Good 1st Half but a Weak 2nd Half!

After a slow start, the first half feels refreshing and stays focused on the core plot with a good mix of fun and emotion. Just when you expect that flow to continue, the second…
— Venky Reviews (@venkyreviews) August 14, 2026

ஒரு பதிவில், “படம் மெதுவாக தொடங்கினாலும் முதல் பாதி செம ஜாலியாகவும், எனர்ஜெட்டிக்காவும் உள்ளது. இரண்டாம் பாதி பெரிதாக எடுபடாத துணைக்கதைகளுடன் செல்வதால் சற்று போரடிக்கிறது. கிளைமேக்ஸ் சிறப்பாக வந்துள்ளது. சூர்யா, மமிதா மற்றும் ராதிகா அனைவரும் சிறப்பான நடிப்பை வழங்கியுள்ளனர். வெங்கட் அட்லூரியின் வசன எழுத்துதான் படத்தின் மிகப்பெரிய பலமாக அமைந்துள்ளது.

#VishwanathAndSons good first half👌 Saradaga emotional ga vellipoyindhi👌 scenes between mamitha and radhika are very heartwarming❤️ @gvprakash bgm during the airport scene😍 families will love this for sure if second half maintains the same flow superhit for sure👍
— తేజ (@teja1409) August 13, 2026

#VishwanathAndSons - Excellent First Half, Followed by an Decent Second half🤝

A Complete Feel Good entertainer overloaded with Many Fun moment and a bit of emotional sequences👌

Providing an apt climax was the toughest one for the film, but it was perfectly mounted by… pic.twitter.com/qCsu1YcKEC
— AmuthaBharathi (@CinemaWithAB) August 14, 2026

இன்னொரு பதிவில், விஸ்வநாத் அண்ட் சன்ஸ் படம் நிச்சயம் பேமிலி ஆடியன்ஸ்க்கு பிடிக்கும். இரண்டாம் பாதியும் இதே வேகத்தில் தொடர்ந்திருந்தால் வசூலை அள்ளியிருக்கும். ஆனால் சற்று சறுக்கியுள்ளது. இருந்தாலும் படம் சூப்பர்ஹிட் தான்.

பல வேடிக்கையான தருணங்கள் மற்றும் சில உணர்ச்சிப்பூர்வமான காட்சிகளால் நிரம்பிய, மனதிற்கு இதமான ஒரு முழுமையான பொழுதுபோக்குத் திரைப்படம். பொருத்தமான ஒரு கிளைமேக்ஸை அமைப்பதுதான் இப்படத்திற்கு மிகவும் கடினமான ஒன்றாக இருந்திருக்கும் என நினைக்கிறேன். அதனை வெங்கி அட்லூரி சிறப்பாக கையாண்டுள்ளார்.

இந்த பதிவுகளால் படம் பார்க்க ஆவலுடன் காத்திருக்கும் சூர்யா ரசிகர்கள் மகிழ்ச்சியுடன் காத்திருக்கின்றனர்.

JanaNayagan Review :400 கோடியில் உருவாக்கப்பட்ட இன்ஸ்டா ரீல்...ஜனநாயகன் திரைப்பட விமர்சனம்

ராகேஷ் தாரா — Thu, 23 Jul 2026 14:17:55 +0530

நீண்ட காத்திருப்புக்குப் பின் முதல்வர் விஜய் நடித்துள்ள ஜனநாயகன் திரைப்படம் இன்று உலகம் முழுவதிலும் உள்ள திரையரங்குகளில் வெளியாகியுள்ளது. விஜயின் கடைசி திரைப்படம் என்பதால் படம் எப்படி இருந்தாலும் ரசிகர்கள் இந்த படத்தை கொண்டாடப் போவது உறுதி. ஆனால் ரசிகர் மன நிலையை தவிர்த்து பார்த்தால் ஜனநாயகன் படத்தில் பாராட்டும் விதமாக வெகு சில விஷயங்களே இருக்கின்றன. கதையோ , வசனமோ , திரைக்கதையைவிட ஜனநாயகன் படத்தில் பாராட்டிற்குரிய ஒரு விஷயம் என்றால் அது படத்தின் தொழில்நுட்ப நேர்த்தி தான்.

ஜனநாயகன் கதை

நாயகனான தளபதி வெற்றிக் கொண்டான் கடந்த காலத்தில் ஒரு போலீஸ் அதிகாரியாக இருக்கிறார். தனது ஊர் மக்களின் நிலத்தை பறிக்க நினைக்கும் கார்பரேட் கும்பலை கொடூரமாக கொன்றழிக்கிறார். இதனால் தண்டனையாக மதுரைக்கு மாற்றல் செய்யப்படுகிறார். மதுரையில் கள்ளச்சாராயம் குடித்ததால் பலர் இறந்துவிட அவர்களின் இறப்புக்கு நியாயம் கேட்டு மக்கள் போராட்டத்தில் ஈடுபடுகிறார்கள். உள்ளூர் அரசியல்வாதியான பிரகாஷ் ராஜ் போராட்டத்தை கலைக்கிறார். நேர்மையான போலீஸ் அதிகாரியாக வரும் பாபி தியோல் பிரகாஷ் ராஜால் அவமானப்படுத்தப்பட்டு வில்லனாக மாறுகிறார். தளபதி வெற்றிக் கொண்டான் மீது பொய் குற்றம் சுமத்தி அவரை சிறைக்கு அனுப்புகிறார்கள். சிறையில் காவல் அதிகாரியாக வரும் கெளதம் மேனன் தளபதிக்கு நண்பராகிறார். விபத்தில் கெளதம் மேனன் இறந்துவிட அவரது மகள் மமிதா பைஜூவை விஜய் வளர்க்கிறார். கெளதம் மேனன் ஆசைப்பட்டது போல மமிதா பைஜூவை ராணுவத்தில் சேர தயார் செய்கிறார். இன்னொரு பக்கம் மிகப்பெரிய கார்பரேட் வில்லனாக திரும்பி வரும் பாபி தியோல் பல சதி திட்டங்களை தீட்டு ஆயுதங்களை இறக்கி இந்தியாவை அழிக்க திட்டமிடுகிறார். இந்த எல்லா பிரச்சனைகளையும் சமாளித்து தளபதி வெற்றிக் கொண்டான் மமிதா பைஜூவை ராணுவத்திற்கு தயார் படுத்தினாரா என்பது மீதிக் கதை.

கதையா முக்கியம்

ஒரே படத்திற்குள் இத்தனை கதைகள் இருந்தாலும் கதையாடா முக்கியம் என்பது போல் எல்லா காட்சிகளும் விஜயின் நாயக பிம்பத்தை உயர்த்திப் பிடிக்கவும் அவரது அரசியலை பிரச்சாரம் செய்வதற்காக மட்டுமே இடம்பெற்றுள்ளன. இடையிடையில் ஆக்‌ஷன் , நடனம் . பகவந்த் கேசரி படத்தின் கதையில் இருந்து ஒரு சிறைய பகுதியை மற்றும் எடுத்துக் கொண்டு எச் வினோத் கமர்சியல் ரீதியாக சில புதிய அம்சங்களை சேர்த்திருக்கிறார்.

ஆனால் படத்தின் தொடக்கம் முதல் இறுதி வரை ஒரு படம் பார்க்கும் அனுபவமே நமக்கு இருப்பதில்லை. தமிழக முதலமைச்சராக விஜய் பதவியேற்றப்பின் அவர் நிற்பது நடப்பது கூலிங் க்ளாஸ் அணிவது என எல்லாவற்றையும் சமூக வலைதளங்களில் தவெக ஆதரவாளர்கள் ரொமாண்டிசைஸ் செய்து வருவதை பார்த்து வருகிறோம். அதையே கொஞ்சம் கோடிக்கணக்கில் பட்ஜெட் போட்டு ஜனநாயகன் என்று எடுத்திருக்கிறார்கள். படம் ரிலீசாக தாமதமானதால் புதியாக சில ரீல்ஸ்களை சேர்க்கவும் அவகாசம் கிடைத்திருக்கிறது. மற்றபடி இந்த கதையில் ஆயிரக்கணக்கான அப்பாவி மக்கள் கொல்லப்படுவார்கள். மதக்கலவரங்கள் நடக்கும் , பெண்கள் பாலியல் வன்கொடுமை செய்யப்படுவார்கள் ஆனால் இதை எல்லாம் பார்த்து ஒரு துளி அனுதாபமும் வராது. ஏனால் அடுத்த காட்சியில் ராவண மவண்டா என்று தளபதி எண்ட்ரி கொடுப்பார். அதற்காக தொண்டையில் என்ர்ஜியை சேமித்து வைக்க வேண்டும்.

நாயகனின் கதாபாத்திரம் தனது விருப்பத்திற்கு ஏற்ற மாதிரி இல்லாவிட்டாலும் வில்லன் பாபி தியோலின் கதாபாத்திரத்தை கொஞ்சம் புதிதாக முயற்சித்திருக்கிறார் எச் வினோத். நகைச்சுவை நடிகர் இல்லாத குறையை பிரகாஷ் ராஜ் அவ்வப்போது தீர்த்து வைக்கிறார். மமிதா பைஜூ ஆக்‌ஷன் , எமோஷன் காட்சிகளில் மிகச்சரியான மீட்டரில் நடித்துள்ளார். பூஜா ஹெக்டே வழக்கம் போது தளபதிக்கு ப்ளான் போடும் சைடு ரோலில் வருகிறார்.

தொழில்நுட்ப நேர்த்தி

இந்த ரசிகர் கூச்சலுக்கு மத்தியில் ஜனநாயகன் படத்தின் தொழில்நுட்ப நேர்த்தி கவனம் பெறாமல் போகலாம். ஒளிப்பதிவில் சத்யன் சூரியன் படத்திற்கு ஒரு கிராஃபிக் தன்மையை கொண்டு வந்திருக்கிறார். ரோபோட்ஸ்களை வைத்து உருவாக்கப்பட்ட காட்சிகள் தத்ரூபமாக உருவாக்கப்பட்டுள்ளன. ஆக்‌ஷன் , கிராஃபிக்ஸ் காட்சிகள் ஹாலிவுட் தரத்தில் அமைந்துள்ளன. விஜய்க்கு கொள்கை பரப்பு செயலாளராக இல்லாமல் இருந்திருந்தால் எச் வினோத் இந்த பட்ஜெட்டில் சூப்பரான சைன்ஸ் ஃபிக்‌ஷன் படத்தை எடுத்திருக்கலாம்

அனிருத் இசை

படத்தின் தொடக்கம் முதல் க்ளைமேக்ஸ் வரை ஒற்றை ஆளாக அனிருத்தின் பின்னணி இசை மற்றும் பாடல்கள் இருக்கின்றன. ஆனால் காட்சிக்கு காட்சி ராவண மவண்டா என்று கத்துவதை கொஞ்சம் தவிர்த்திருக்கலாம்.

மொத்தத்தில் ஜனநாயகன் திரைப்படம் விஜய் தனது ரசிகர்களுக்கு கடைசியாக குட் பை சொல்வதற்கு ஏற்ற வகையில் அனைத்தும் கலந்த ஒரு படத்தை வழங்கியுள்ளார். அடுத்து எந்த நடிகரும் அரசியலுக்கு வரும் திட்டத்தில் இல்லாவிட்டால் எச் வினோத் ஒரு நல்ல படத்தை இயக்குவார் என்று எதிர்பார்க்கலாம்

The Odyssey Review: ”தி ஒடிஸி” எப்படி இருக்கு? நோலனின் காவியம் தெறிக்கிறதா? சோதிக்கிறதா - திரைப்பட விமர்சனம்

குலசேகரன் முனிரத்தினம் — Fri, 17 Jul 2026 10:16:49 +0530

The Odyssey Movie Twitter Review: க்றிஸ்டோபர் நோலனின் ”தி ஒடிஸி” திரைப்படம் பெரும் எதிர்பார்ப்புகளுக்கு மத்தியில் உலகம் முழுவதும் இன்று வெளியாகியுள்ளது.

”தி ஒடிஸி” திரைப்படம்

உலக புகழ்பெற்ற இயக்குனர்களின் ஒருவரான க்றிஸ்டோபர் நோலனின் இயக்கத்தில், வரலாற்று புனைவுக் கதையை மையமாக கொண்டு பிரமாண்ட பொருட்செலவில் உருவாகியுள்ள திரைப்படம் தான் தி ஒடிஸி. மேட் டேமன், டாம் ஹாலண்ட் உள்ளிட்ட பிரபல நட்சத்திரங்கள் இணைந்து நடித்துள்ள இத்திரைப்படத்தின் விளம்பரத்திற்காக நோலன் உள்ளிட்ட படக்குழுவினர் இந்தியாவிற்கு வருகை தந்து பல்வேறு ஊடகங்களுக்கு பேட்டி அளித்தனர். மும்பையில் படத்தின் சிறப்பு காட்சியும் திரையிடப்பட்டது. இந்நிலையில் பெரும் எதிர்பார்ப்புகளுக்கு மத்தியில் தி ஒடிஸி திரைப்படம் இன்று உலகம் முழுவதும் வெளியாகியுள்ள 70எம்எம் ஐமேக்ஸ் திரையரங்குகளுக்கான தரத்தில் இப்படம் ஒளிப்பதிவு செய்யப்பட்டுள்ளனது. ஆனாலும், அந்த தரத்தில் இப்படத்தை திரையிட உலகம் முழுவதும் வெறும் 40 திரையரங்குகள் மட்டுமே உள்ளன என்பது குறிப்பிடத்தக்கது.

”தி ஒடிஸி” திரைப்படம் எப்படி இருக்கு?

கிரேக்க வரலாற்றின் பழமையான பாடலான தி ஒடிஸியை அடிப்படையாக கொண்டு இந்த திரைப்படம் உருவாகியுள்ளது. கடவுள்களை மையமாக கொண்ட கதைக்களத்தை, மனித கதாபாத்திரங்களுக்கு ஏற்றதாக மாற்றி நோலன் இந்த படத்தை உருவாக்கியுள்ளார். போரை முடித்த பிறகு ஒடிசியஸ் கதாபாத்திரம் தனது படையுடன் எப்படி சொந்த நாடு திரும்புகிறது, அந்த பயணத்தி எதிர்கொள்ளும் சவால்களை தி ஒடிஸி திரைப்படம் விவாதிக்கிறது. படம் உருவாக்கப்பட்டுள்ள விதம், காட்சி அமைப்புகள், கடலில் மேற்கொள்ளும் பயணம் ஆகியவை கவனத்தை ஈர்ப்பதாக அமைந்துள்ளன. குறிப்பாக பின்னணி இசையை பலரும் பாராட்டுகின்றனர். அதேநேரம், பெரும்பாலான கதை வசனங்கள் மூலமாகவே கடத்தப்படுவதும், சில நீளமான காட்சிகளும் பார்வையாளர்களின் பொறுமையை சோதிக்கிறதாம். இருப்பினும் இறுதிகட்ட காட்சிகள் மெய்சிலிர்க்க வைத்து, ஒரு நல்ல படத்தை பார்த்த அனுபவத்தை தி ஒடிஸி திரைப்படம் வழங்குவதாக படத்தை பார்த்தவர்கள் சமூக வலைதளங்களில் பதிவிட்டு வருகின்றனர்.

”தி ஒடிஸி” திரைப்படம் - ட்விட்டர் விமர்சனம்

#TheOdyssey - Matt Damon is damn good, he steals the show. Himesh Patel gets solid role. Top Notch Making. Magical Visuals. Major portions r Drama; Unfortunately those r very Generic & Unexciting, Infact Tests patience. Adventures Scenes & Final Act r gud. AVERAGE Fantasy Flick!
— Christopher Kanagaraj (@Chrissuccess) July 17, 2026

The Odyssey - review

வழக்கம்போல நிறைய ஆஸ்கர்களை குவிக்கப்போகும் படம். கண்டிப்பா Sound design and original score க்கு தட்டித்தூக்கும்.. (படம் பார்க்க விருப்பம் இருக்கவங்க, Pls நல்ல sound quality இருக்க தியேட்டர்ல பாருங்க) குறிப்பா, குதிரை சிலை உள்ளே ஒளிந்து உள்ளே போய் சண்டை… pic.twitter.com/URCM3nUWxG
— பாக்டீரியா (@Bacteria_Offl) July 16, 2026

Text review:

Christopher Nolan’s #TheOdyssey reimagines the epic beautifully, in a way that’s both fantastical and deeply human

The era-defining director makes history with the first film shot entirely on IMAX cameras. He may have also made his best film yet.

The story is…
— Baradwaj Rangan (@baradwajrangan) July 16, 2026

Anbe Diana Review : அன்பே டயானா திரைப்பட விமர்சனம்

ராகேஷ் தாரா — Thu, 16 Jul 2026 15:44:29 +0530

ஜமா திரைப்படத்திற்குப் பிறகு இயக்குநர் பாரி இளவழகன் இயக்கி, கதாநாயகனாக நடித்துள்ள படம் அன்பே டயானா. ரம்யா ரங்கநாதன் கதாநாயகியாக நடித்துள்ள இந்தப் படத்தில் ரோஜா, சேத்தன், பரிதாபங்கள் கோபி உள்ளிட்டோர் முக்கிய கதாபாத்திரங்களில் நடித்துள்ளனர்.

அன்பே டயானா விமர்சனம்

படத்தின் முதல் பாதி முழுவதும் காதல், நட்பு, குடும்ப உறவுகள் மற்றும் பெரம்பூர் மக்களின் அன்றாட வாழ்க்கையை மையமாகக் கொண்டு நகர்கிறது. பெரம்பூரின் தெருக்கள், தேவாலயங்கள், ரயில்வே குடியிருப்புகள், உணவகங்கள் உள்ளிட்ட இடங்கள் கதையுடன் இயல்பாக இணைக்கப்பட்டுள்ளன. வடசென்னையை வழக்கமாக காட்டப்படும் வன்முறை பின்னணியில் இல்லாமல், அங்குள்ள மக்களின் வாழ்க்கை முறை, கலாச்சாரம் மற்றும் மனித உறவுகளுடன் பதிவு செய்திருப்பது படத்தின் முக்கிய அம்சமாக அமைந்துள்ளது.

கதாநாயகனாக நடித்துள்ள பாரி இளவழகன் தனது கதாபாத்திரத்தை எளிமையாக வெளிப்படுத்தியுள்ளார். ரம்யா ரங்கநாதன் ஆங்கிலோ-இந்திய பெண்ணின் தோற்றம், உடல்மொழி மற்றும் பேச்சு வழக்கை இயல்பாக திரையில் கொண்டு வந்துள்ளார். சேத்தன், ரோஜா, பரிதாபங்கள் கோபி உள்ளிட்டோரின் கதாபாத்திரங்கள் கதையின் ஓட்டத்திற்கு தேவையான பங்களிப்பை வழங்குகின்றன. குறிப்பாக தந்தை–மகன் உறவை மையமாகக் கொண்ட காட்சிகள் கதைக்கு கூடுதல் உணர்வை சேர்க்கின்றன.

பரத் சங்கரின் இசை மற்றும் பின்னணி இசை காட்சிகளின் உணர்வுகளை வலுப்படுத்துகின்றன. ஒளிப்பதிவு பெரம்பூரின் சூழலை இயல்பாக பதிவு செய்துள்ளது. காதல் காட்சிகள், நகைச்சுவை தருணங்கள் மற்றும் குடும்பக் காட்சிகள் கதையின் ஓட்டத்துடன் இணைந்து நகர்கின்றன. முதல் பாதி மெதுவாக நகர்ந்தாலும், இரண்டாம் பாதியில் கதையின் வேகம் அதிகரிக்கிறது.

குறிப்பாக கடைசி 20 முதல் 30 நிமிடங்களில் இடம்பெறும் திருப்பங்களும், உணர்வுபூர்வமான காட்சிகளும், நகைச்சுவை தருணங்களும் படத்திற்கு கூடுதல் பலம் சேர்க்கின்றன. கதாபாத்திரங்களுக்கு இடையேயான மோதல்கள் மற்றும் அவற்றின் தீர்வுகள் இறுதிக்கட்டத்தில் சுவாரஸ்யமாக அமைக்கப்பட்டுள்ளன.

மொத்தத்தில், அன்பே டயானா காதல், குடும்ப உறவுகள், மத வேறுபாடுகளைத் தாண்டிய மனித உறவுகள் மற்றும் வடசென்னையின் வாழ்க்கை முறையை மையமாகக் கொண்டு உருவாகியுள்ள திரைப்படம். முதல் பாதியில் காதல் மற்றும் குடும்ப பின்னணியுடன் நகரும் படம், இரண்டாம் பாதியில் உணர்வுபூர்வமான திருப்பங்களுடன் முடிவை நோக்கி நகர்கிறது. இசை, ஒளிப்பதிவு, நடிகர்களின் நடிப்பு மற்றும் பெரம்பூரின் இயல்பான சித்தரிப்பு ஆகியவை படத்தின் குறிப்பிடத்தக்க அம்சங்களாக உள்ளன.

நூறு சாமி திரைப்பட விமர்சனம்... மனதை உலுக்கும் கதையா ? விஜய் ஆண்டனி - சசியின் கூட்டணி வெற்றி பெற்றதா ?

ABP NADU — Mon, 6 Jul 2026 17:22:46 +0530

நூறு சாமி திரைப்பட விமர்சனம்... மனதை உலுக்கும் கதையா ? விஜய் ஆண்டனி - சசியின் கூட்டணி வெற்றி பெற்றதா ?

உண்மை சம்பவத்தை திரையில் கொண்டுவந்த சசி...!

விஜய் ஆண்டனி படம் என்றாலே அம்மா சென்டிமென்ட் மற்றும் குடும்ப கதைகள் வைத்துதான் திரைபடமே அமைகின. உணற்சியின் அடிப்படைய உருவான "பிச்சைக்காரன்1" "பிச்சைக்காரன் 2" "கோடியில் ஒருவன்"
'அண்ணாதுரை " போன்றவை குறிப்பிட்ட தக்கது. அதே போல் "நூறு சாமி " திரை படம் அமையுமா? என ரசிகர்கள் எதிர்பார்ப்பு

இயக்குநர் சசி - விஜய் ஆண்டனி கூட்டணி மீண்டும் இணைந்துள்ள 'நூறு சாமி' திரைப்படம் குடும்ப உறவுகள், விதவை மறுமணம் மற்றும் சமூகப் பார்வையை மையமாகக் கொண்ட உணர்வுபூர்வமான கதையைச் சொல்கிறது. இந்தப் படம் ரசிகர்களின் எதிர்பார்ப்பை பூர்த்தி செய்ததா?

கணவனை இழந்த 43 வயது பெண் ஒருவர், தன் பிள்ளைகளுக்காக தன் வாழ்க்கையையே தியாகம் செய்ய வேண்டும் என்று எதிர்பார்க்கும் இந்த சமூகத்தில், ஒரு பெண் என்பவள் வெறும் தாயாக மட்டுமே இருக்க வேண்டுமா? அவளுக்கென்று தனிப்பட்ட வாழ்க்கை இருக்கக் கூடாதா என்ற மிக முக்கியமான கேள்வியையும், கணவரை இழந்தவரின் மறுமணத்தையும் மையமாக வைத்து இயக்குநர் சசி இப்படத்தை உருவாக்கியுள்ளார். இது உண்மைச் சம்பவத்தை அடிப்படையாகக் கொண்டது .

கணவன் இழந்து ஒரு பெண்ணின் வாழ்க்கை

கணவனை இழந்த 43 வயதான "சுவாசிக்கா" இக்கதாப்பாத்திரத்தில் "செல்வி " விதைவநடித்துள்ளார்.
சிறுவயதிலேயே கணவனை இழந்த சுவாசிகா, தனது இரு மகன்களான அஜய் திஷான், சக்தி ஆகியோரை கஷ்டப்பட்டு வளர்க்கிறார். ஒருகட்டத்தில் மறுமணத்துக்கு ஆசைப்படும் சுவாசிகாவை பிள்ளைகள் வெறுக்கத் தொடங்க, அந்த ஆசையை குழிதோண்டி புதைக்கிறார்.

இரு பிள்ளைகளும் வளர்ந்து காதலிக்க தொடங்கும்போது, தன் தாயின் நியாயமான ஆசையை புரிந்து கொள்கிறார்கள். சுவாசிகாவின் மீதி வாழ்க்கை பிரகாசிக்க, அவருக்கு ஒரு திருமணத்தை நடத்த முடிவு செய்கிறார்கள்.மகன்களின் வற்புறுத்தலை ஏற்று விஜய் ஆண்டனியை சந்திக்கும் சுவாசிகா, அவரது நல்ல மனது பிடித்துப் போக அவரை 2-ம் திருமணம் செய்துகொள்ள முடிவு செய்கிறார். திருமணத்தை மகன் களே முன்னின்று நடத்த தயாராகிறார்கள்.

கணவன் இழந்து ஒரு பெண் "பூ, பொட்டு, நகைகள்" அணியக்கூடாது
வெள்ளை அல்லது மங்கலான ஆடைகள் மட்டுமே அணிய வேண்டும் குடும்ப விழாக்கள் மற்றும் சுபநிகழ்ச்சிகளில் பங்கேற்கக் கூடாது.

தனியாக வாழும் பெண்ணை தவறான பார்வையில் பார்ப்பது.மறுமணம் செய்ய விரும்பும்போது குடும்பம் மற்றும் சமூகத்திலிருந்து எதிர்ப்பு. தாயாக மட்டுமே வாழ வேண்டும்; தனிப்பட்ட வாழ்க்கை பற்றி யோசிக்கவே கூடாது

காலம் எப்பொழுது மாறும்.....

கட்டாகுஸ்தி 2: வீட்டு வேலை செய்யும் கணவன் லூசரா? விஷ்ணு விஷால் அதிரடி!

அருண் சின்னதுரை — Sat, 4 Jul 2026 22:13:50 +0530

ஜனநாயகன் பிரச்சனை முடிவுக்கு வந்தது மகிழ்ச்சி, ஜனநாயகன் தமிழகத்தின் பெரிய கொண்டாட்டமாக இருக்கப்போகிறது: நடிகர் விஷ்ணு விஷால் பதில்.

‘கட்டா குஸ்தி’

கடந்த 2022-ஆம் ஆண்டு விஷ்ணு விஷால், ஐஸ்வர்யா லட்சுமி நடிப்பில் வெளியான ‘கட்டா குஸ்தி’ படம் பேசிய கருத்துகளும், சுவாரஸ்யமான திரைக்கதையும் பெரிதும் பாராட்டப்பட்டது. தற்போது அந்தக் கதையின் தொடர்ச்சியாக இரண்டாம் பாகம் வெளியாகி ரசிகர்களிடையே நல்ல வரவேற்பு பெற்று வருகிறது. இந்நிலையில் மதுரை வெற்றி திரையரங்கிற்கு வருகை தந்த நடிகர் விஷ்ணு விஷால் இயக்குனர் உள்ளிட்ட பட குழுவினருக்கு மதுரை ரசிகர்கள் உற்சாக வரவேற்பு அளித்தனர். அதனைத் தொடர்ந்து திரைப்பட முடிவில் ரசிகர்களுடன் கலந்துரையாடிய நடிகர் விஷ்ணு விஷால் கில்லி படத்தின் அப்படி போடு பாடலுக்கு குழந்தைகளுடன் நடனம் ஆடி மகிழ்ந்தார்.

தொடர்ந்து செய்தியாளர்களை சந்தித்து பேசுகையில், மதுரை மக்களிடையே கட்டா குஸ்தி 2 படத்திற்கு நல்ல வரவேற்பு கிடைத்து மிகவும் மகிழ்ச்சியாக இருக்கிறது. பார்ட் 1 படத்தை விட பார்ட் 2 பொதுமக்கள் இடையே வரவேற்பை பெற்றுள்ளது. இதை கேட்கும் போது மிகவும் மகிழ்ச்சியாக உள்ளது.

மதுரை மக்கள் முன்னிலையில் டான்ஸ் ஆடியது எப்படி உள்ளது?

முதல் படம் முதல் தற்போது வரை எனக்கு அனைத்தும் ஞாபகம் இருக்கிறது. 17 வருடம் தமிழ் சினிமாவில் இருந்து விட்டேன், அதற்கு முழு காரணம் வெண்ணிலா கபடி குழு தான். கட்டா குஸ்தி பாகம் ஒன்றை ரிலீஸ் செய்தபோது பயமாக இருந்தது. தற்போது கட்டா குஸ்தி 2 படம் நன்றாக இருக்கிறது என்று ரிப்போர்ட் வந்தது, இன்று மக்களை சந்தித்தபோது மகிழ்ச்சியாக எமோஷனலாக உள்ளது. மதுரை எப்போதும் நல்ல படங்களுக்கு சப்போர்ட் இருக்கும். ரசிகர்கள் ஆட வேண்டும் என்று கேட்டார்கள் யார் முன்னிலையில் நான் ஆடியது கிடையாது, குழந்தைகளுடன் ஆடியது மகிழ்ச்சியாக உள்ளது. வாழ்க்கையில் சினிமாவில் நல்ல விஷயங்களை சொல்லிக் கொடுக்க வேண்டும், கெட்ட விஷயங்களை சொல்லிக் கொடுத்து விடக்கூடாது. நடிக்கும் அனைத்து படத்திலும் மெசேஜ் வைக்க முடியாது. பொழுதுபோக்குக்குள் நல்ல மெசேஜ் வைக்க முடியும் என்றால் அது நன்றாக இருக்கும். காலம் காலமாக ஆண்கள் தான் எல்லாம் என்ற நினைப்பு அனைவரிடமும் இருக்கிறது. பார்ட் 1 கதை கேட்கும் போது எனக்கு இந்த கதை மிகவும் பிடித்திருந்தது. நல்ல படங்கள் மக்களிடம் சென்றடைய வேண்டும் மக்கள் என்ஜாய் செய்யும் போது நல்ல மெசேஜ் சொல்ல வேண்டும். அதையும் மக்கள் அக்சப்ட் பண்ணினால் நன்றாக இருக்கும்.

அம்மா அப்பா பிரியக் கூடாது என்பது குழந்தையின் பார்வை.

வீட்டு கணவன் வீட்டிலிருந்து வீட்டு வேலைகளை பார்ப்பது குழந்தைகளை பார்ப்பது சமையல் செய்வது என்று செய்யும் போது இந்த சமூகம் அந்த கணவனை லூசராக பார்க்கிறது. கணவன்கள் இந்த வேலையெல்லாம் செய்யலாமே என்று கேள்வி கேட்கும் சொசைட்டி அதே கணவன், இந்த வேலையை செய்தால் இந்த சமூகம் கணவனை லூசராக பார்க்கிறது. வீட்டில் இருந்து வேலை பார்ப்பது ஒரு சூப்பர் பவர். வீட்டில் இருந்து அனைத்து வேலைகளையும் பார்ப்பது அவ்வளவு எளிது கிடையாது. சின்ன வயதிலிருந்தே எங்க அம்மாவை நான் பார்க்கிறேன் எங்க அம்மா எனது குடும்பத்தை அப்படி தாங்கி இருக்கிறார். வீட்டில் இருக்கும் பெண்கள் என்றால் யார் என்பதை காட்ட வேண்டும் என்று நினைத்தோம். இந்த மாதிரி கதாபாத்திரம் எடுத்து செய்யும் போது பெருமையாகவும் சந்தோஷமாகவும் இருக்கிறது. சினிமா ரசிகர்கள் இதை ஏற்றுக் கொள்ளும் போது எனக்கு மிகவும் மகிழ்ச்சியாக இருக்கிறது. இதற்கு நான் இயக்குநரை தான் பாராட்ட வேண்டும். ஒரு அம்மா அப்பா பிரியக் கூடாது என்பது குழந்தையின் பார்வை.

ரீல்ஸ் மூலம் படமும் ஹிட் ஆகிறது ஆட்சியும் மாறுகிறதே என்பது தொடர்பான கேள்விக்கு,

டெக்னாலஜி மாறும் டைம் மாறும் டெக்னாலஜி உடன் சில விஷயம் மாறும், மாற்றம் ஒரு பெர்மனண்ட் அதில் எந்த மாற்றமும் இல்லை. லைப் மாறும் போது நாம் மாறிக்கொள்ள வேண்டும், ஒரு வருஷம் இரண்டு வருஷத்துக்கு முன்பு ரீலில் படம் எடுத்தோம் தற்போது டிஜிட்டலில் படம் எடுக்கிறோம். தற்போது நடப்பது ரீல்ஸ் யுகம் அதை நாம் அக்செப்ட் செய்ய வேண்டும். அது பொருத்து நாம் வாழ வேண்டும் ரீல்ஸ் மட்டும்தான் வாழ்க்கை கிடையாது, ரீல்சைத் தாண்டி வாழ்க்கை உள்ளது அதை நாம் என்ஜாய் செய்ய வேண்டும். ஜனநாயகன் படத்திற்கு மிகவும் காத்துக் கொண்டிருக்கிறோம், ஜனநாயகன் படம் முதல்வர் விஜய் சாரின் கடைசி படம், அதை திரையரங்கில் பார்ப்பதற்கு காத்துக் கொண்டிருக்கிறேன். சில காரணங்களுக்காக மிஸ் ஆகிவிட்டது, எனக்கு தெரிந்து விஜய் சாரின் ஜனநாயகம் படம் பயங்கரமான செலிப்ரேஷன் ஆக இருக்கப்போகிறது. நானும் அதற்காக காத்துக் கொண்டிருக்கிறேன்.