ஹாட்ரிக் அடித்த சன் பிக்ச்சர்ஸ்
அடுத்தடுத்து மூன்று ரஜினி படங்களை தயாரித்துள்ளது சன் பிக்ச்சர்ஸ் நிறுவனம் . கடந்த ஆண்டு ஜெயிலர் திரைப்படம் வசூல் வேட்டை நடத்தியதைத் தொடர்ந்து இந்த ஆண்டு கூலி மற்றும் ஜெயிலர் 2 ஆகிய இரு படங்களை தயாரித்துள்ளது. இதில் கூலி படத்தின் படப்பிடிப்பு பணிகள் நிறைவடைந்துள்ள நிலையில் ஜெயிலர் 2 படத்தின் படப்பிடிப்பு தீவிரமாக நடைபெற்று வருகிறது.
கூலி அப்டேட்
லோகேஷ் கனகராஜ் இயக்கியுள்ள கூலி படத்தில் நாகர்ஜூனா , உபேந்திரா , சத்யராஜ் , செளபின் சாஹிர் , ஸ்ருதி ஹாசன் , ஆமீர் கான் , பூஜா ஹெக்டே , ஆகியோர் நடித்துள்ளார்கள். அனிருத் இசையமைத்துள்ளார். கடந்த ஆண்டு ஜூலை மாதம் தொடங்கிய படத்தின் படப்பிடிப்பு 2025 ஆம் ஆண்டு மார்ச் மாதம் நிறைவுபெற்றது. வரும் ஆகஸ்ட் 14 ஆம் தேதி கூலி திரைப்படம் உலகெங்கிலும் வெளியாக இருக்கிறது. கூலி படம் வெளியாக இன்னும் 100 நாட்களே இருக்கும் நிலையில் படத்தின் ப்ரோமோஷன் வேலைகளை தொடங்கியுள்ளது சன் பிக்ச்சர்ஸ். அதன்படி இன்று கூலி படத்தின் க்ளிம்ப்ஸ் வீடியோ ஒன்றை வெளியிட்டுள்ளது.