லெஜண்ட் படத்தைத் தொடர்ந்து அருள் சரவணன் துரை செந்தில்குமார் இயக்கியுள்ள லீடர் படத்தில் நடித்துள்ளார். தனது மூன்றாவது படத்தையும் துரை செந்தில்குமார் இயக்கவிருப்பதாக முன்னதாக அவர் தெரிவித்திருந்தார். இந்த படத்தில் தான் மூன்று ஆக்ஷன் கதாபாத்திரங்களில் நடிக்க இருப்பதாக லெஜண்ட் சரவணன் தெரிவித்துள்ளார்.
லெஜண்ட் சரவணன் என்று ரசிகர்களால் அறியப்படும் அருள் சரவணன் சரவணா ஸ்டோர்ஸின் உரிமையாளர் ஆவார். சிறு வயதில் இருந்தே நடிகனாக வேண்டும் என்கிற ஆசை இருந்தாலும் தனது தந்தையின் தொழிலை கையிலெடுத்தார். தற்போது 55 வயதில் தனது சிறு வயது ஆசையான நடிப்பை தொடர்ந்து வருகிறார். கடந்த 2022 அம் ஆண்டு லெஜண்ட் படத்தின் மூலம் நாயகனாக அறிமுகமானார். இந்த படத்தில் இவரது நடிப்பு ரசிகர்களால் ட்ரோல் செய்யப்பட்டாலும் இதனால் அவர் சோர்வடையவில்லை.
தற்போது துரை செந்தில்குமார் இயக்கத்தில் அவர் நடித்துள்ள ஆக்ஷன் திரைப்படம் லீடர். இந்த படத்தில் மகளைக் காப்பாற்றும் தந்தையாக ஆக்ஷனின் கலக்கியிருக்கிறார் சரவணன். அண்மையில் படத்தின் டீசர் வெளியாகி படத்தில் ஆக்ஷன் காட்சிகள் பெரிதும் பாராட்டுக்களைப் பெற்றன. இப்படத்தில் பாயல் ராஜ்புத் கதாநாயகியாக நடித்துள்ளார். ஷாம், ஆண்ட்ரியா ஜெரேமியா, லால், பிரபாகர், அம்ரிதா ஐயர், விடிவி கணேஷ் மற்றும் பலர் முக்கிய வேடங்களில் நடித்துள்ளார்கள். ஜிப்ரான் வைபோதாவின் இசையும், ஒளிப்பதிவாளர் எஸ். வெங்கடேஷின் ஒளிப்பதிவு செய்துள்ளார். பிரதீப் இ. ராகவ் படத்தொகுப்பு மற்றும் மகேஷ் மேத்யூ சண்டை காட்சிகள் வடிவமைத்துள்ளார்.
அடுத்த படத்தில் மூன்று ரோல்
லீடர் படத்தைத் தொடர்ந்து தனது மூன்றாவது படத்தையும் துரை செந்தில்குமார் இயக்கவிருப்பதாக லீடர் படத்தின் டீசர் வெளியீட்டின் போது சரவணன் தெரிவித்திருந்தார். தற்போது இந்த படத்தில் தான் மூன்று ஆக்ஷன் கதாபாத்திரங்களில் நடிக்க இருப்பதாக அவர் தெரிவித்துள்ளார். இது குறித்து லெஜண்ட் சரவணன் கூறுகையில் " என் அடுத்த படத்தில் நான் ஒரு டிரிபிள் ஆக்ஷன் கதாபாத்திரத்தில் நடிக்கிறேன். இது எனது மூன்றாவது படம், மேலும் இது எனக்கு மிகவும் சவாலானது. இதன் கதைக்களம் மிகவும் புதுமையானது, இது போன்ற ஒரு டிரிபிள் ஆக்ஷன் திரைப்படக் கதையை இதுவரை யாரும் செய்ததில்லை. படத்திற்கான திரைக்கதை பணிகள் தற்போது நடைபெற்று வருகின்றன. " என்று அவர் தெரிவித்தார்.
லீடர் திரைப்படம் ஏப்ரம் மாதம் தமிழ் , தெலுங்கு , இந்தி , மலையாளம் , கன்னடம் ஆகிய மொழிகளில் உலகம் முழுவதும் வெளியாக இருக்கிறது.