தமிழ்நாட்டின் மிகவும் பிரபலமான ஜவுளிக்கடைகளில் ஒன்றாக திகழ்வது சரவணா ஸ்டோர்ஸ். லெஜண்ட் சரவணா ஸ்டோர்சின் உரிமையாளரான லெஜண்ட் சரவணன் கடந்த சில ஆண்டுகளாக தனது கடைக்கான விளம்பரங்களுக்கு தானே நடித்தார். இதன்மூலம் அவர் மக்கள் மத்தியில் மிகவும் பிரபலம் ஆனார்.
பின்னர், நடிப்பின் மேல் ஆசை கொண்ட அவர் உல்லாசம் படத்தை இயக்கிய ஜேடி – ஜெர்ரி என்ற இரட்டை இயக்குனர்களின் இயக்கத்தில் தி லெஜண்ட் என்ற படத்தில் நடிப்பதாக அறிவிப்பு வெளியானது. இதையடுத்து, படத்தின் படப்பிடிப்பு நடைபெற்று வந்தது. இந்த படத்திற்கு பிரபல இசையமைப்பாளர் ஹாரிஸ் ஜெயராஜ் இசையமைத்துள்ளார். பிரபல ஒளிப்பதிவாளர் வேல்ராஜ் ஒளிப்பதிவு செய்துள்ளார்.
இந்த நிலையில், தி லெஜண்ட் படத்தில் சிங்கிள் டிராக் இன்று ரிலீசாகியுள்ளது. ஹாரிஸ் ஜெயராஜ் இசையில் வெளியாகியுள்ள “மொசலோ மொசலு” என்ற பாடல் இன்று வெளியாகியுள்ளது. ஹாரிஸ் ஜெயராஜ் தனது தரமான இசை மூலம் ஒரு துள்ளலான பாடலை ரசிகர்களுக்க விருந்தாக வைத்துள்ளார். இந்த பாடலை பிரபல பாடலாசிரியரும், கவிஞருமான விஜய் எழுதியுள்ளார். இந்த பாடலுக்கு ராஜூ சுந்தரம் நடனம் அமைத்துள்ளார்.
இளம் நடன கலைஞர்களுடன் படத்தின் நாயகன் லெஜண்ட் சரவணன் நடனமாடியுள்ளார். மிகவும் கலர்புல்லாக எடுக்கப்பட்டுள்ள இந்த பாடல் காட்சியில் நாயகன் லெஜண்ட் சரவணன் நடனமாட சிரமப்பட்டிருப்பது தெரிந்தாலும் இளைஞர்களின் துள்ளல் பாடல் போல இந்த பாடலை ஒளிப்பதிவாளர் வேல்ராஜ் காட்சிப்படுத்தியுள்ளார்.
தற்போது அண்ணாச்சி லெஜண்ட் சரவணாவின் இந்த பாடல் சமூக வலைதளங்களில் வைரலாகி வருகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்