Karuppu: திமுக ஆட்சியில இருந்து இருந்தா சூர்யா சீன வெச்சி இருப்பாரா? ஸ்டாலின் கேமியோ? கருப்பு படத்தால் உபிக்கள் ஆவேசம்

Karuppu: சூர்யா நடிப்பில் வெளியான கருப்பு திரைப்படத்தின் போஸ்ட் க்ரெடிட் சீன், திமுக மற்றும் அக்கட்சி தலைவர் ஸ்டாலினை கிண்டலடிப்பதாக நெட்டிசன்கள்கள் பேச தொடங்கியுள்ளனர்.

கருப்பு திரைப்பட போஸ்டர்

Source : social media/x

Karuppu: சூர்யா நடிப்பில் வெளியான கருப்பு திரைப்படத்தின் போஸ்ட் க்ரெடிட் சீன், தற்போது இணையத்தில் பேசுபொருளாகியுள்ளது.

கருப்பு திரைப்படத்தால் புதிய சர்ச்சை:

ஆர்.ஜே. பாலாஜி இயக்கத்தில் சூர்யா நடிப்பில் உருவான கருப்பு திரைப்படம் பல்வேறு சர்ச்சைகள் மற்றும் தடைகளுக்கு மத்தியில் கடந்த 15ம் தேதி வெளியானது. கோர்ட் ட்ராமைவை அடிப்படையாக கொண்டு மாஸ் கமர்சியல் படமாக வெளியான இந்த திரைப்படம், பொதுமக்களிடையே நல்ல வரவேற்பை பெற்றுள்ளது. முதல் நாளிலேயே 20 கோடிக்கும் அதிகமான வசூலை ஈட்டிய நிலையில், வார இறுதி நாட்களிலும் நல்ல வசூலை ஈட்டும் என எதிர்பார்க்கப்படுகிறது. நீண்ட நாட்களுக்குப் பிறகு திரையரங்குகளில் வெளியாகி நல்ல வரவேற்பை பெற்ற சூர்யாவின் படமாக கருப்பு கருதப்படுகிறது. இந்நிலையில் இப்படத்தின் போஸ்ட் க்ரெடிட் சீன் தற்போது இணையத்தில் பேசுபொருளாகியுள்ளது.

திமுக மீது மறைமுக அட்டாக்:

கருப்பு திரைப்படத்தின் இரண்டாம் பாகத்திற்கு லீட் கொடுக்கும் வகையில், போஸ்ட் க்ரெடிட் சீன் ஒன்று இப்படத்தில் உள்ளது. அதில் முதலமைச்சர் கருப்பையா காந்தி எனும் ஆர்.ஜே. பாலாஜியின் கதாபாத்திரம் சட்டமன்றத்தில் உரையாற்றுகிறது. அப்போது, “1958 முதல் தற்போது வரை 8 முறை சட்ட கமிஷன் அமைக்கப்பட்டுள்ளது. ஆனால் மாநில அரசு, மத்திய அரசு என எந்த அரசுமே நீதித்துறை கேட்டதை செய்து கொடுத்ததே இல்லை. பரிசீலனையில் மட்டுமே வைத்துள்ளனர். ஏனெறால் குட்கா விற்றது, கிட்னி திருடியது, லாக்கப்பில் இறந்தது என, சட்டமன்ற உறுப்பினர்கள் 234 பேரில் 170 பேர் மீது வழக்கு உள்ளது. இப்போது நீதித்துறை கேட்டால் நாம் சட்டமன்றத்திற்கு உள்ளே அல்ல, சிறையின் உள்ளே தான் இருப்போம். நீதித்துறை வழக்கு கோப்புகளுக்குள்ளேயே மூழ்கடித்து திணறடித்து பிரச்னைக்குள்ளே வைத்திருக்க வேண்டும். அப்போது தான் அவர்கள் நம்மை சீண்டமாட்டார்கள்” என ஆர்.ஜே.பாலாஜி பேசியுள்ளார்.

கருப்பு படத்தில் ஸ்டாலின் கேமியோ?

தொடர்ந்து நீதித்துறையின் கோரிக்கைகளை நிறைவேற்றலாமா? வேண்டாமா? என ஒரு வாக்கெடுப்பு நடைபெறுகிறது. அதில் ஆளுங்கட்சி மற்றும் எதிர்க்கட்சி என இரண்டு கட்சிகளில் இருந்து 233 பேர் நிறைவேற்ற வேண்டாம் என வாக்களிக்கின்றனர். அப்போது, தேமுதிகவுடன் கூட்டணி பேச்சுவார்த்தை முடிந்ததை ஸ்டாலின் செய்கை மூலம் உணர்த்தியதை போன்றே ஆர்.ஜே.பாலாஜி செய்து காட்டுகிறார்.  மற்றொரு கதாபாத்திரமானது ஸ்டாலின் அணிந்திருக்க கூடியதை போன்ற மிகப்பெரிய மோதிரத்தை அணிந்து, தீர்மானம் நிறைவேற்றப்பட்டதை மேசையை தட்டி வரவேற்றுள்ளது. கிட்னி திருட்டு மற்றும் லாக்கப் மரணங்கள் போன்றவை கடந்த திமுக ஆட்சியின் போது மிகப்பெரிய பிரச்னைகளாக பேசப்பட்டன. அதனை உணர்த்தும் விதமாகவே வசனங்கள் அமைக்கப்பட்டுள்ளதோடு, தங்களுக்கான பிரச்னைகள் என வந்துவிட்டால் பரம எதிரியுடன் கூட அரசியல் கட்சிகள் கூட்டணி அமைக்கும் என்பதை காட்டும் விதமாகவும் கருப்பு படத்தின் போஸ்ட் க்ரெடிட் சீன் அமைந்துள்ளது.

திமுக ஆட்சியில் இருந்தால்..!

திமுக ஆட்சியில் இருந்து இருந்தால் இந்த வசனங்களும், காட்சிகளும் கருப்பு படத்தில் இடம்பெற்று இருக்குமா? அப்படியே இருந்து இருந்தால் இந்த படம் வெளியாகி இருக்குமா? என நெட்டிசன்கள் கடுமையாக விமர்சித்து வருகின்றனர். அதிமுக ஆட்சி காலத்தின் போது அரசின் குறைகளை சுட்டிக் காட்டிய சூர்யா, திமுக ஆட்சி காலத்தில் அமைதி காத்தார். இப்போது திமுக ஆட்சியில் இருந்து அகற்றப்பட்டதுமே, அவர்களை மறைமுகமாக விமர்சிக்கும் விதமான காட்சிகளை சூர்யா இடம்பெறச் செய்துள்ளார் என ஒரு தரப்பினர் சாடி வருகின்றனர்.