விக்ரம் படத்தில் தன்னுடன் நடித்தது குறித்து நடிகர் சூர்யா ட்விட்டரில் வெளியிட்ட பதிவுக்கு நடிகர் கமல்ஹாசன் பதிலளித்துள்ளார்.
லோகேஷ் கனகராஜ் இயக்கத்தில் நடிகர்கள் கமல்ஹாசன், விஜய் சேதுபதி, பஹத் ஃபாசில், காளிதாஸ் ஜெயராம் உள்ளிட்ட பலர் நடித்துள்ள விக்ரம் படம் பெரும் எதிர்பார்ப்புகளுக்கிடையே நேற்று உலகம் முழுவதும் வெளியாகி ரசிகர்களிடையே பெரும் வரவேற்பை பெற்றுள்ளது.அனிருத் இசையமைத்துள்ள இந்த படத்தில் நடிகர் சூர்யா ரோலக்ஸ் என்ற கேரக்டரில் கெஸ்ட் ரோலில் நடித்துள்ளார்.
இவரே விக்ரம் படத்தின் 3 ஆம் பாகத்திற்கு லீடாக இருப்பார் என தெரிவிக்கப்பட்டுள்ள நிலையில் நான்கு ஆண்டுகளுக்கு பிறகு கமல்ஹாசனின் ஆக்ஷன் படம் வெளியானதாலும், படத்தின் அறிவிப்பு தொடங்கி பாடல் மற்றும் ட்ரெய்லர் வெளியீட்டு விழா, ப்ரோமோஷன் என அனைத்தும் மிக பிரமாண்டமாக நடந்ததால் மொத்த தென்னிந்திய திரையுலகமே மிகுந்த எதிர்பார்ப்பில் இருந்தது. சமூக வலைத்தளங்கள் முழுக்க விக்ரம்..விக்ரம்.. என்ற அளவுக்கு இந்த படத்தின் பேச்சுதான் உள்ளது. படமும் எதிர்பார்த்ததை விட சிறப்பாக உள்ளதாக படம் பார்த்த பலரும் தங்கள் விமர்சனங்களை பதிவிட்டு வருகின்றனர்.
இதனிடையே நடிகர் சூர்யா இன்று காலை ட்விட்டரில் பதிவு ஒன்றை வெளியிட்டுள்ளார். அதில் அன்பான கமல்ஹாசன் அண்ணா, எப்படி சொல்றது?.. உங்களுடன் திரையில் நடிக்கும் கனவு நனவானது. அதனை செய்ததற்கு நன்றி..இயக்குநர் லோகேஷ் கனகராஜின் அன்பை கண்டு வியக்கிறேன்” என பதிவிட்டார். இந்த பதிவு ரசிகர்களிடையே வைரலானது.
இந்நிலையில் சூர்யாவின் பதிவுக்கு நடிகர் கமல்ஹாசன் பதிலளித்துள்ளார். அவர் வெளியிட்டுள்ள ட்விட்டர் பதிவில், “ஆல் த வெரி பெஸ்ட் தம்பி...சாரி தம்பி சார்” என தெரிவித்துள்ளார். இதனை குறிப்பிட்டு பதிலளிக்கும் விதமாக சூர்யா “அண்ணா” என பதிவிட்டுள்ளார்.
ஏற்கனவே கமல் நடித்த மன்மதன் அம்பு படத்தில் சூர்யா ஒரு பாடலுக்கு ஆடியிருந்தாலும், விக்ரம் படத்தில் தான் சிறிது நேரமே வந்தாலும் ஒரு பவர் ஃபுல்லான கேரக்டரில் நடித்துள்ளார் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்