Just In
நடிகர் விஜயுடன் இணைந்து எப்போது நடிக்கப் போகிறீர்கள்? - கமல் கலகல பதில்...
நடிகர் விஜயுடன் இணைந்து எப்போது நடிக்கப் போகிறீர்கள் என்று கேட்ட கேள்விக்கு பதில் அளித்த கமல்ஹாசன்...
ஜூன் மாதத்தில் வெளியாக இருக்கும் கமல்ஹாசனின் விக்ரம் திரைப்படத்துக்கான ப்ரோமோ நிகழ்வுகளில் பங்கேற்று வருகின்றனர் படக்குழுவினர். அந்த வரிசையில் அண்மையில் மலேஷியாவில் நடைபெற்ற படத்துக்கான ப்ரோமோவில் பங்கேற்றார் நடிகர் கமல்ஹாசன். அதில் செய்தியாளர் ஒருவர் நடிகர் விஜயுடன் இணைந்து எப்போது நடிக்கப் போகிறீர்கள் என்று கேட்ட கேள்விக்கு பதில் அளித்த கமல்ஹாசன் விஜய்யின் கால்ஷீட் கிடைக்கும்போது அதுபற்றி யோசிக்கலாம் எனத் தெரிவித்தார்.
செய்தியாளர் சந்திப்பில் செய்தியாளர் ஒருவர்,'உலகநாயகன் தளபதி கூட எப்போ நடிக்கப் போறாரு?’, எனக் கேட்கவும். பதில் அளித்த கமல்ஹாசன்,,‘அது தளபதி ஐயாவோட கால்ஷீட் கிடைக்கும்போது பாக்கலாம்’ என பதில் அளித்தார்.
இதுதவிர விக்ரம் பட பிரோமோஷன் வீடியோ ஒன்று தற்போது சமூக வலைதளங்களில் வைரலாகி வருகிறது.
ரசிகர்களிடம் மிகப்பெரிய எதிர்பார்ப்பை ஏற்படுத்தியிருக்கும் விக்ரம் படம் வரும் ஜூன் 3 ஆம் தேதி வெளியாக உள்ளது. இந்த படம் தொடர்பான ப்ரோமோஷன் வேலைகள் அசுரவேகத்தில் நடந்து வரும் நிலையில், படத்தை பிரோமோட் செய்யும் விதமாக வீடியோ ஒன்று வெளியாகியுள்ளது.
அதில், “ பஞ்ச தந்திரம் படத்தில் கமல்ஹாசனுடன் ஒன்றாக நடித்த நடிகர்கள் ஜெயராம், ரமேஷ் அரவிந்த், யூகி சேது, ஸ்ரீமன் ஆகியோர் இடம்பெற்றிருக்கிறார்கள். வீடியோவில் காலையில் பேப்பரை பார்க்கும் யூகி, மீதமுள்ள மூவருக்கு கால் செய்து, கமல் படம் பேப்பரில் முதல் பக்கத்தில் வந்திருக்கிறது. என்ன இது என்று கேட்கிறார். இதைக்கேள்விப்பட்ட பிறர், கமலிடமே போன் செய்து கேட்கலாம் என்று கூற,.. கமலுக்கு கால் போகிறது.. அவர் ஹலோ என்கிறார். தொடர்ந்து விக்ரம் படத்தின் டிக்கெட் புக்கிங் வரும் 29 ஆம் தேதி ஓப்பன் ஆகிறது என்ற அறிவிப்புடன் அந்த வீடியோ முடிகிறது. இந்த வீடியோ தற்போது சமூக வலைதளங்களில் வைரலாகி வருகிறது. மேலும்
கமல்ஹாசன் நடிப்பில் வரும் ஜூன் மாதம் 3 ஆம் தேதி வெளியாக இருக்கும் திரைப்படம் ‘விக்ரம்’. இயக்குநர் லோகேஷ் கனகராஜ் இயக்கத்தில், அனிருத் இசையில் உருவாகியிருக்கும் இந்தப்படத்தின் டீஸர், மேக்கிங் வீடியோக்கள் சமூக வலைதளங்களில் வெளியாகி ரசிகர்கள் மத்தியில் நல்ல வரவேற்பை பெற்றது. இதனைத்தொடர்ந்து, கடந்த 15ஆம் தேதி படத்தின் ஆடியோ நிகழ்ச்சி பிரம்மாண்டமாக நடைபெற்றது.
இதில் டிரெய்லரும் ரிலீஸ் செய்யப்பட்டது. இந்த டிரெய்லர் ரசிகர்களை வெகுவாக கவர்ந்து ட்ரெண்டிங்கிலும் முதலிடம் பிடித்தது. டிரெய்லர் வெளியானபோதே, படத்தில் சூர்யா நடித்துள்ளதாக ரசிகர்கள் கணித்தனர். 'விக்ரம்' படத்தில் சூர்யா முக்கிய கதாபாத்திரத்தில் நடித்துள்ளார் என்றும், அவர் க்ளைமாக்ஸில் ஒரு கேமியோ வேடத்தில் காணப்படுவார் என்றும் செய்திகள் பரவின.