கமல்ஹாசன் நடிக்கும் இந்தியன் 2 படத்தின் ட்ரெய்லர் வெளியாகும் தேதியை படக்குழு அறிவித்துள்ளது. இதனால் கமல் ரசிகர்கள் மகிழ்ச்சியடைந்துள்ளனர்.
லைகா புரொடக்ஷன்ஸ் தயாரிக்கும் இந்தியன் 2 படத்தை ஷங்கர் இயக்கியுள்ளார். இது 1996 ஆம் ஆண்டு வெளியான இந்தியன் படத்தின் தொடர்ச்சியாகும். அனிருத் இப்படத்துக்கு இசையமைத்துள்ள இந்தியன் 2 படத்தில் பிரியா பவானி ஷங்கர், ரகுல் ப்ரீத் சிங், காஜல் அகர்வால், சித்தார்த், பாபி சிம்ஹா, மனோபாலா, விவேக் உள்ளிட்ட பலரும் நடித்துள்ளனர். இந்த படம் ஜூலை 12 ஆம் தேதி வெளியாகும் என அறிவிக்கப்பட்டுள்ளது.
ஜூன் 1 ஆம் தேதி இந்தியன் 2 படத்தின் இசை வெளியீட்டு விழா சென்னை நேரு உள்விளையாட்டரங்கில் பிரமாண்டமாக நடைபெற்றது. இந்நிலையில் ஜூன் 25 ஆம் தேதி இப்படத்தின் ட்ரெய்லர் வெளியாகும் என அறிவிக்கப்பட்டுள்ளது.