ஜூனியர் என்.டி.ஆர் -லக்ஷ்மி தம்பதியும், இயக்குநர் பிரசாந்த் நீல் -லிகிதா தம்பதியும் தங்களது திருமண நாளை ஒன்றாக கொண்டாடியுள்ளனர்.
ஜூனியர் என்.டி.ஆர் -லக்ஷ்மி தம்பதிக்கும், இயக்குநர் பிரசாந்த் நீல் -லிகிதா தம்பதிக்கும் நேற்றைய தினம் (மே 5) திருமண நாள். இந்தக் கொண்டாட்டத்தில் 4 பேரும் மகிழ்ச்சியை கலந்துகொண்டுள்ளனர்
ஜாலிப்பதிவு
இது குறித்து தனது இன்ஸ்டாகிராம் பக்கத்தில் பதிவிட்டுள்ள ஜூனியர் என்.டி.ஆர், “நீங்கள் திருமண நாள்களை பகிரும் போது, அது கொண்டாட்டத்திற்கான அழைப்பு விடுக்கும் நாளாக மாறுகிறது என்று பதிவிட்டு இருக்கிறார். அத்துடன் தாங்கள் ஒன்றாக எடுத்துக்கொண்ட புகைப்படத்தையும் அவர் அதில் இணைத்திருக்கிறார். இந்தப்புகைப்படம் தற்போது சமூகவலைதளங்களில் வைரலாகி வருகிறது.
பிரசாந்த் நீலின் பட்டியலில் அடுத்ததாக சலார், கே.ஜி.எஃப் 2 உள்ள நிலையில் ஜூனியர் என்.டி. ஆரின் 31 வது படத்தையும் இயக்க இருக்கிறார். இந்தப்படத்தை ஜூனியர் என்.டி.ஆர் மைத்ரி மூவி மேக்கர்ஸ் நிறுவனத்துடன் இணைந்து தயாரிக்கிறார்.
பிரசாந்த் நீல் பேட்டி
இது குறித்து பிங்க் வில்லா இணையதளத்திற்கு பேசியுள்ள பிரசாந்த் நீல், “ அடுத்த வருடம் இந்தப்படம் திரையரங்குளில் வெளியாகும். இந்தப்படத்தை இயக்க நான் மிகவும் ஆவலாக இருக்கிறேன். நான் கடந்த 15, 20 வருடங்களாக என்.டி.ஆரின் ஃபேனாக இருக்கிறேன். இந்தப் படத்திற்கான ஸ்கிரிப்ட் வேலைகளை தொடங்கும் முன் ஜூனியர் என்.டி.ஆரை கிட்டத்தட்ட 10 க்கும் மேற்பட்ட முறை சந்தித்தேன். அவரை இன்னும் நன்றாக புரிந்து கொள்ள விரும்பினேன். இப்படித்தான் என்னுடைய எல்லா நடிகர்களை அணுகுவேன்.” என்று பேசியுள்ளார்.