Jana Nayagan Audio Launch Live: ரசிகர்களுக்காக, நான் சினிமாவிலிருந்து விலகுகிறேன்... போங்க பேசிய விஜய்

Jana Nayagan Audio Launch LIVE Updates: ஜனநாயகன் விஜய்யின் சினிமா கேரியரில் கடைசிப்படம் என அறிவிக்கப்பட்டுள்ளது. மலேசியாவில் நடைபெறும் இப்படத்தின் இசை வெளியீட்டு விழா அப்டேட்டுகளை இங்கு காணலாம்.

Background

தமிழ் சினிமாவின் உச்ச நடிகரான விஜய்யின் ஜனநாயகன் படத்தின் இசை வெளியீட்டு விழா இன்று மலேசியாவில் கோலாகலமாக நடைபெறுகிறது. இயக்குநர் ஹெச்.வினோத் இயக்கத்தில் விஜய்யின் 69வது படமாக உருவாகியுள்ள ஜனநாயகன் படத்தை கே.வி.என் நிறுவனம் தயாரித்துள்ளது. இதில் ஹீரோயினாக பூஜா ஹெக்டே நடித்துள்ளார். வில்லனாக பாபி தியோல் இடம் பெற்றிருக்கிறார். இவர்களை தவிர மமிதா பைஜூ, நரேன், பிரியாமணி, பிரகாஷ்ராஜ், கௌதம் வாசுதேவ் மேனன், ரெபோ மோனிகா ஜான் உள்ளிட்டவர்களும் நடித்துள்ளனர். அனிருத் இப்படத்துக்கு இசையமைத்துள்ளார். ஜனநாயகன் படம் பொங்கல் வெளியீடாக 2026ம் ஆண்டு ஜனவரி 9ம் தேதி திரைக்கு வரும் என அறிவிக்கப்பட்டுள்ளது. இப்படம் விஜய்யின் சினிமா வாழ்க்கையில் கடைசி படம் என தெரிவிக்கப்பட்டுள்ளது. அதன்பின்னர் அவர் அரசியல் வாழ்க்கையில் முழுமையாக ஈடுபட உள்ளார். இந்த நிலையில் ஜனநாயகன் படத்தின் இசை வெளியீட்டு விழா மலேசியா தலைநகர் கோலாலம்பூரில் உள்ள சர்வதேச திறந்தவெளி மைதானத்தில் இன்று நடைபெறுகிறது. இந்த நிகழ்ச்சிக்காக விஜய்யின் பெற்றோர்கள், நடிகர்கள் நாசர், இயக்குநர்கள் அட்லீ, லோகேஷ் கனகராஜ், நெல்சன் உள்ளிட்ட பலரும் மலேசியா சென்றுள்ளனர். அதேபோல் பாடகர்கள் ஹரிஷ் ராகவேந்திரா, க்ரிஷ், அனுராதா ஸ்ரீராம், எஸ்பிபி சரண் போன்றோரும் மலேசியாவில் நடைபெறும் இசை வெளியிட்டு விழாவில் பாட உள்ளனர். விஜய்யின் கடைசி சினிமா நிகழ்ச்சி என்பதால் அவர் என்ன பேசப் போகிறார் என்ற எதிர்பார்ப்பு மேலோங்கி உள்ளது. 

27/12/2025 23:21:05

Jana Nayagan Audio Launch Live: கில்லி காலத்திலிருந்தே சிறந்த கெமிஸ்ட்ரி

பொதுவாக, சிறந்த கெமிஸ்ட்ரி ஹீரோவுக்கும் ஹீரோயினுக்கும் இடையேதான் இருக்கும். ஆனால் எனக்கு, அது கில்லி காலத்திலிருந்தே பிரகாஷ் ராஜ் சாருடன் எப்போதும் இருந்து வருகிறது. நன்றி, பிரகாஷ் ராஜ் சார்.

27/12/2025 23:14:53

Jana Nayagan Audio Launch Live: மாளிகையை கொடுத்த ரசிகர்கள்

நான் சினிமாவுக்குள் நுழைந்தபோது, ​​இந்தத் துறையில் ஒரு சிறிய மணல் வீடு கட்ட வேண்டும் என்பது எனது விருப்பமாக இருந்தது. ஆனால் நீங்கள் அனைவரும் எனக்கு ஒரு அரண்மனையைக் கொடுத்திருக்கிறீர்கள்

27/12/2025 23:13:53

Jana Nayagan Audio Launch Live: நண்பர் அஜித் நடித்த பில்லா

இலங்கைக்குப் பிறகு, மலேசியாவில் அதிக எண்ணிக்கையிலான தமிழர்கள் உள்ளனர். இங்கு படமாக்கப்பட்ட சில தமிழ் படங்களை நான் நினைவு கூர விரும்புகிறேன். நம்ம நண்பர் அஜித் நடித்த பில்லா படமும் இங்க தான்  எடுத்தாங்க, என்னுடைய காவலன், குருவி போன்ற எனது படங்களும் இங்குதான் எடுக்கப்பட்டது.

27/12/2025 22:14:42

Jana Nayagan Audio Launch Live: இது 100% தளபதி படம் - ஆடியோ லான்ச்சில் அதிரவிட்ட வினோத்

பலர் ஜனநாயகன் ஒரு ரீமேக் என்கிறார்கள்  சிலர் இது ஒரு பாதி ரீமேக் என்கிறார்கள்.அனைவருக்கும் நான் ஒன்று சொல்ல விரும்புகிறேன். இது 100% தளபதி படம். இது திரையரங்குகளில் கமர்சியல் விருந்தாக இருக்கும்.

27/12/2025 21:41:10

Jana Nayagan Audio Launch Live: "விஜய் என்மேல் வைத்த நம்பிக்கைதான் என் வாழ்க்கையை மாற்றியது" - இசையமைப்பாளர் அனிருத்

" எனக்கு அப்போது வெறும் 21 வயது தான். இரண்டு படங்களுக்கு இசையமைத்திருந்த எனக்கு கத்தி படத்திற்கு இசையமைக்கும் பெரிய வாய்ப்பை கொடுத்தார். அவர் என்மீது வைத்த நம்பிக்கை எல்லாவற்றையும் மாற்றியது.   கத்தி , மாஸ்டர் , பீஸ்ட் , லியோ , தற்போது ஜனநாயகன் ஆகிய அத்தனை படங்களின் பாடல்களும் வெற்றிபெற்றுள்ளன. அதற்கு காரணம் இந்த நபரின் மேல் இருக்கும் காதல் தான். எச் வினோத் உடன் எனக்கு இது முதல் படம். அவர் ரொம்பவும் இனிமையான மனிதர் " என அனிருத் பேசினார் .

27/12/2025 20:30:40

Jana Nayagan Audio Launch Live: நடக்கமுடியாத தந்தை எஸ்.ஏ.சி... அப்பாவை கட்டிப்பிடிக்க ஓடிச்சென்ற விஜய்

ஜனநாயகன் இசை வெளியீட்டில்  விஜயின் தந்தை எஸ்.ஏ சந்திரசேகர் பேசினார். பேசிமுடித்து தனது மகன் தூரத்தில் இருந்ததால் அவர் அங்கேயே நின்றார். தந்தையைப் பார்க்க விஜய் 800 மீட்டர் ரேம்ப் வாக்கில் குழந்தை போல் ஓடிச்சென்றார்

27/12/2025 20:23:08

Jana Nayagan Audio Launch Live: ' என் மகனின் உயிரை காப்பாற்றினார் விஜய்'...நடிகர் நாசர் உருக்கம்

ஜனநாயகன் இசை வெளியீட்டில் பேசிய நடிகர் நாசர் " படுத்த படுக்கையாக கிடந்த என் மகனின் உயிரை காப்பாறியவர் நீங்கள் தான். நடிகர் சங்க கட்டிடத்திற்கு கடன் கேட்டபோது ஒரு கோடி ரூபாய் கொடுத்தார். நீங்கள் தயவு செய்து மீண்டும் நடிக்க வரவேண்டும். நீங்கள் வந்தாலும் உங்களது முடிவை யாரும் விமர்சிக்க மாட்டார்கள். அப்படி விமர்சித்தாலும் நீங்கள் அதை பொறுமையாக கையாள்வீர்கள் " என நாசர் கூறினார்

27/12/2025 20:00:10

Jana Nayagan Audio Launch Live: எமோஷனலாகி விஜயை கட்டிபிடித்து முத்தம் கொடுத்த அட்லீ

ஜனநாயகன் இசை வெளியீட்டில் பேசிய இயக்குநர் அட்லீ "என்னுடைய வெற்றி , புகழுக்கு காரணம்  விஜய் அண்ணா தான் . அண்ணா என்னை அணுகியபோது 50 படங்களில் நடித்திருந்தார். நான் வெறும் உதவி இயக்குநராக இருந்தேன். அவருக்காக ஒரு படம் இயக்கச் சொன்னார். வேறு யாரும் அப்படி செய்ய மாட்டார்கள்" என்று பேசி முடித்த  அட்லீ மேடையில் ஓடிவந்து நடிகர் விஜயை  கட்டிப்பிடித்தார் தோளில் முத்தமிட்டார்.

27/12/2025 19:58:49

Jana Nayagan Audio Launch Live: நம்ம ரெண்டு பேர் உறவ விட அந்த படம் பெருசா..நெல்சனிடம் விஜய் சொன்ன வார்த்தை

ஜனநாயகன் இசை வெளியீட்டில் பேசிய இயக்குநர் நெல்சன் " இந்த கூட்டத்தை பார்ப்பதற்கு அர்ஜெண்டினா உலக கோப்பை கால்பந்து விளையாட்டை பார்ப்பது போல் இருக்கிறது. விஜயுடன் இன்னொரு படம் பண்ணதான் எனக்கு ஆசை. பீஸ்ட் படத்தில் நான் சில தவறுகளை செய்திருந்தேன். பீஸ்ட் படத்திற்கு கலவையான விமர்சனங்கள் வந்தபோது விஜய் எனக்கு தொடர்ந்து ஃபோன் செய்து நான் ஓக்கேவாக இருக்கிறேனா என்று பார்த்துகொண்டே இருந்தார். 'உனக்கும் எனக்கும் இருக்க இந்த உறவே ஒரு படம்தான நம்ம நட்பை விட அந்த படம் பெருசா ' என விஜய் என்னிடம் சொன்னார்

27/12/2025 19:57:10

Jana Nayagan Audio Launch Live: விஜய் அண்ணாகிட்ட ஒன்னுதான் கேக்கனும்..இயக்குநர் லோகேஷ் கனகராஜ் பேச்சு

ஜனநாயகன் இசை வெளியீட்டில் பேசிய இயக்குநர் லோகேஷ் கனகராஜ் " மாஸ்டர் மற்றும் லியோ என்னுடைய கரியரில் முக்கியமான படங்கள். இதுதான் உங்கள் கடைசி படம் என்று சொன்னது கொஞ்சம் வருத்தமாக இருக்கிறது அண்ணா. உங்கள் எதிர்கால ஆசைகளுக்கு வாழ்த்துகள். விஜய் அண்ணாவிடம் ஒரு விஷயம் கேட்க வேண்டும் என்றால் அது லியோ 2 படத்திற்கு டேட்ஸ் தான். நான் அப்படி கேட்டு அவர் பிளடி ஸ்வீட் என்று பதில் சொல்லியிருப்பார் " என்று லோகேஷ் பேசினார். 

27/12/2025 19:53:43

Jana Nayagan Audio Launch Live: ஜனநாயகன் இசை வெளியீட்டில் ரசிகர் கைது !

ஜனநாயகன் இசை வெளியீட்டில் தமிழக வெற்றிக் கழகத்தில் கொடியை ஏந்திய ரசிகர் மலேசிய காவல்துறையினரால் கைது செய்யப்பட்டுள்ளார். அரசியல் சார்ந்த விஷயங்களை தவிர்க்கும் படி ரசிகர்களுக்கு முன்பே எச்சரிக்கப்பட்டிருந்தது குறிப்பிடத் தக்கது 

27/12/2025 19:11:33

Jana Nayagan Audio Launch Live: இது என்ன ஃபுட்பால் மேட்ச் மாதிரி இருக்கு..கலகலப்பாக பேசிய இயக்குநர் நெல்சன்

ஜனநாயகன் இசை வெளியீட்டு நிகழ்ச்சியில் பேசிய இயக்குநர் நெல்சன் மைதானத்தில் இருக்கும் கூட்டத்தைப் பார்க்கையில் அர்ஜெண்டினா கால்பந்து விளையாட்டை பார்ப்பது போல் இருப்பதாக கூறினார் 

27/12/2025 19:02:05

Jana Nayagan Audio Launch Live: மலேசிய சாதனை புத்தகத்தில் இடம்பிடித்த ஜனநாயகன் இசை வெளியீடு

மலேசிய சாதனை புத்தகத்தில் ஜனநாயகன் படத்தின் இசை வெளியீடு நிகழ்ச்சி இடம்பிடித்துள்ளது. மலேசியாவில் நடந்த நிகழ்ச்சியில் அதிக பங்கேற்பாளர்கள் கலந்துகொண்ட நிகழ்ச்சியாக ஜனநாயகன் இசை வெளியீடு சாதனை படைத்துள்ளது 

27/12/2025 18:47:11

Jana Nayagan Audio Launch Live: விஜய்க்கு பாட்டு பாடி இன்ப அதிர்ச்சி கொடுத்த அம்மா ஷோபா

ஜனநாயகன் இசை வெளியீட்டு விழாவில் தனது மகன் விஜய்க்கு இன்ப அதிர்ச்சி கொடுத்துள்ளார் அவரது அண்ணை ஷோபா . சிவகாசி படத்தில் இருந்து அவர் பாடிய 'கோடம்பாக்கம் ஏரியா' பாடலை பாடகர் திப்புவுடன் இணைந்து அவர் பாடியுள்ளார் 

27/12/2025 18:37:13

Jana Nayagan Audio Launch Live: 'இங்க வேணாம் பா..' தவெக தவெக என கத்திய ரசிகர்களுக்கு விஜய் கோரிக்கை

சற்று நேரத்திற்கும் விஜய் மேடைக்கு வந்துள்ளார். 80 ஆயிரம் ரசிகர்கள் சூழந்த  அரங்கத்தில் அமைக்கப்பட்டுள்ள நடைமேடையில் சென்று தனது ரசிகர்களுக்கு வணக்கம் தெரிவித்தார் விஜய். விஜயைப் பார்த்ததும் ரசிகர்கள் தவெக தவெக என கத்த தொடங்கினர்.இங்க வேணாம் என தனது ரசிகர்களுக்கு அன்பு கோரிக்கை வைத்துள்ளார் விஜய் 

27/12/2025 18:21:49

Jana Nayagan Audio Launch Live: 80 ஆயிரம் ரசிகர்கள் பேரொளி..மாஸ் என்ட்ரி கொடுத்த விஜய்

80 ஆயிரம் ரசிகர்கள் திரண்டிருக்க தளபதி விஜய் ரேம்ப் வாக் பாதையில் நடந்து தனது ரசிகர்களுக்கு வணக்கம் தெரிவித்தார். 

27/12/2025 18:09:16

Jana Nayagan Audio Launch Live : மலேசியா போக முடியலையா..ஜனநாயகன் ஆடியோ லாஞ்சை நீங்களும் பார்க்கலாம்..இப்படிதான்

மலேசியாவில் நடைபெறும் ஜனநாயகன் இசை வெளியீடு நிகழ்ச்சியை ரசிகர்கள் இப்போது தொலைக்காட்சியிலும் பார்க்கலாம். ஜனநாயகன் படத்தின் சேட்டலைட் ரிலீஸ் உரிமையை Zee தமிழ் தொலைக்காட்சி வாங்கியுள்ளது. இசை வெளியீடு நிகழ்ச்சி வரும் ஜனவரி மாதம் 3 ஆம் தேதி 6 மணி நேர காணொளியாக தொலைக்காட்சியில் ஒளிபரப்பாக இருக்கிறது . 

27/12/2025 17:43:58

Jana Nayagan Audio Launch Live: ஒரு மணி நேரம் தாமதமாக தொடங்கிய ஜனநாயகன் இசை வெளியீடு

மலேசிய நேரப்படி மாலை 3 மணிக்கு துவங்க இருந்த ஜனநாயகன் இசை வெளியீடு நிகழ்ச்சி மழைக்காரணமாக ஒரு மணி நேரம் தாமதமாக துவங்கியுள்ளது.

27/12/2025 16:03:23

Jana Nayagan Audio Launch Live: வேலையை காட்டிய ரசிகர்கள்..மலேசியாவில் தவெக கோஷம்

ஜனநாயகன் இசை வெளியீடு நடைபெறும் இடத்தில் நடிகர் விஜய் வருகை தந்துள்ளார். இந்த நிகழ்ச்சி முழுக்க முழுக்க சினிமா சார்ந்தே இருக்க வேண்டும் அரசியல் விஷயங்களோ , கட்சி சார்ந்த பொருட்களுக்கோ அனுமதி இல்லை என மலேசியா அரசு முன்கூட்டியே ரசிகர்களை எச்சரித்திருந்தது. தற்போது மைதானத்தில் ரசிகர்கள் தவெக தவெக என கோஷமிடத் தொடங்கியுள்ளார்கள் 

27/12/2025 15:05:17

Jana Nayagan Audio Launch Live : நீல நிற கோட்டில் கூலான லுக்கில் வந்த விஜய் ...

இசை வெளியீட்டு நிகழ்ச்சிக்கு அடுத்தடுத்த  நட்சத்திரங்கள் வருகை தந்து வருகிறார்கள். நிகழ்ச்சியின் நாயகன் விஜய் தற்போது நீல நிற கோட்டில் செம கூலான லுக்கில் மைதானத்திற்கு வருகை தந்துள்ளார்

27/12/2025 15:00:03

Jana Nayagan Audio Launch Live: பிரியாவிடை கொடுக்க வந்த ஒரு லட்சம் ரசிகர்கள்...கண்ணு கலங்க போகுது

ஜனநாயகன் இசை வெளியீடு நிகழ்ச்சிக்கு கிட்ட 85 முதல் 90 ஆயிரம் ரசிகர்கள் வருகை தந்துள்ளதாக தகவல்கள் தெரிவிக்கின்றன.  ரூ 2000 முதல்  7000 வரை இந்த நிகழ்ச்சிக்கான டிக்கெட் கட்டணம் வசூலிக்கப்பட்டுள்ள போதிலும் மைதானம் நிறையும் அளவு கூட்டம் திரண்டுள்ளது . 

27/12/2025 14:15:13

Jana Nayagan Audio Launch Live: ஆரம்பமே தடை..இசை வெளியீட்டில் குறுக்கிட்ட மழை

ஜனநாயகன் படத்தின் இசை வெளியீடு மலேசியாவில் கோலாகலமாக சற்று நேரத்தில் முன்பு தொடங்கியது. முதல் பாடலாக துள்ளாத மனமும் துள்ளும் படத்தின் 'மேகமாய் வந்து போகிறேன்' பாடலுடன் நிகழ்ச்சியை தொடங்கியுள்ளார்கள். நிகழ்ச்சி தொடங்கிய ஒரு சில நிமிடத்திற்குள் மழை குறுக்கிட்டுள்ளது. ஆயிரக்கணக்கான மக்கள் மழையில் நனைந்தபடி நிகழ்ச்சியில் கலந்துகொண்டுள்ளார்கள். 

27/12/2025 14:04:33

Jana Nayagan Audio Launch Live: கோலாகலமாக தொடங்கிய ஜனநாயகன் இசை வெளியீட்டு விழா!

மலேசியாவில் உள்ள புக்கிட் ஜலீல் மைதானத்தில் விஜய் நடித்துள்ள ஜனநாயகன் படத்தின் இசை வெளியீட்டு விழா கோலாகலமாக தொடங்கியது. அவரது படத்தில் இடம்பெற்ற பாடல்கள் அடங்கிய இசை நிகழ்ச்சி நடைபெற்று வருகிறது. 

27/12/2025 13:51:00

Jana Nayagan Audio Launch Live: 2 ஆண்டுகளுக்குப் பின் சினிமா நிகழ்வில் விஜய்

லியோ படத்துக்குப் பின் விஜய் 2 ஆண்டுகள் இடைவெளிக்குப் பின் மீண்டும் சினிமா மேடையில் உரையாற்றப் போகிறார். ஜனநாயகன் படம் அவரின் கடைசிப் படம் என்பதால் என்ன பேசப்போகிறார் என்ற எதிர்பார்ப்பு எழுந்துள்ளது. 

27/12/2025 13:19:50

Jana Nayagan Audio Launch Live: ஜனநாயகன் இசை வெளியீட்டு விழா.. நிரம்பி வழியும் மைதானம்!

மலேசியாவில் விஜய் நடித்துள்ள  ஜனநாயகன் படத்தின் இசை வெளியீட்டு விழா புக்கிட் ஜலீல் மைதானத்தில் நடக்கவுள்ள நிலையில் அங்கு ரசிகர்கள் குவிய தொடங்கியுள்ளனர்.

27/12/2025 13:03:51

Jana Nayagan Audio Launch Live: விஜய்யை கொண்டாட வருகை தந்த இயக்குநர்கள்!

விஜய்யின் கடைசிப் படமான ஜனநாயகன் ஆடியோ வெளியீட்டு விழாவில் சிறப்பு விருந்தினர்களாக அட்லீ, லோகேஷ் கனகராஜ், நெல்சன் திலீப் குமார் உள்ளிட்ட இயக்குநர்கள் கலந்து கொள்கின்றனர்.

27/12/2025 12:29:07

Jana Nayagan Audio Launch Live: ஜனநாயகன் இசை வெளியீட்டு விழா.. ஆட்டம், பாட்டம்.. கொண்டாட்டம்

ஜனநாயகன் இசை வெளியீட்டு விழா நடைபெறும் மலேசியாவின் கோலாலம்பூர் புக்கிட் ஜலீல் மைதானம் முன்பு விஜய்யின் ரசிகர்கள் மேளதாளம் முழங்க ஆட்டம் பாட்டத்துடன் கொண்டாட்டத்தில் ஈடுபட்டு வருகின்றனர். 

27/12/2025 12:20:45

Jana Nayagan Audio Launch Live: ஜனநாயகன் ஆடியோ ரிலீஸ் நிகழ்ச்சி.. மலேசியாவில் களைகட்டிய திருவிழா

ஜனநாயகன் படத்தின் இசை வெளியீட்டு விழாவை முன்னிட்டு மலேசியா முழுவதும் படத்தின் வரவேற்பு பதாகைகள் வைக்கப்பட்டுள்ளது. பலரும் விஜய்யை காணும் ஆர்வத்தில் நிகழ்ச்சி நடைபெறும் இடத்தில் கூடியுள்ளனர்.