Jailer Rathamaarey Song: ஒட்டுமொத்த திரையுலமே எதிர்பார்த்து காத்திருக்கும் திரைப்படம் என்றால் அது திரையுலக சூப்பர் ஸ்டார் ரஜினிகாந்த் நடிப்பில் உருவாகியுள்ள ’ஜெய்லர்’ திரைப்படம். இயக்குநர் நெல்சன் திலீப்குமார் இயக்கத்தில் உருவாகியுள்ள இப்படத்திற்கு இசையமைப்பாளர் அனிருத் ரவிச்சந்திரன் இசையமைத்துள்ளார். ஏற்கெனவே இப்படத்தின் காவாலா மற்றும் ஹுக்கும் என இரண்டு பாடல்கள் வெளியாகி ரசிகர்கள் மத்தியில் மட்டுமல்லாது, இணையவாசிகள் மத்தியிலும் பெரும் வரவேற்பைப் பெற்றது.
இந்நிலையில் இப்படத்தின் ஆடியோ லான்ச் சென்னையில் உள்ள நேரு உள்விளையாட்டு அரங்கில் மிகவும் பிரமாண்டமாக நடைபெற்றது. அப்போது இப்படத்தின் மொத்த பாடல்களும் வெளியிடப்பட்டது. அதில் ரத்தமாரே என்ற பாடல் வித்தியாசமான மெலடியாக இந்த ஆல்பத்தில் அமைந்துள்ளது.
பாடல் மிகவும் மெலடியாக இருப்பதை வைத்து பார்க்கையில் பாடல் இண்ட்ரவல் ப்ளாக்கிற்குப் பின்னர் தான் வரும் என்பது தமிழ் சினிமாவின் விதி என்பதால் இப்பாடலும் அப்படித்தான் இடம் பெறும் என்பது கிட்டத்தட்ட உறுதியாகியுள்ளது. ஆக்ஷன் படமாக உருவாக்கப்பட்டுள்ள இப்படத்தில் ரத்தமாரே போன்ற மெலடியான பாடல் படத்தின் ஒன் - லைனை விளக்குவதாக உள்ளதாக கூறப்படுகிறது.
இயக்குனர் நெல்சன் இயக்கத்தில் ரஜினிகாந்த் நடித்துள்ள 'ஜெயிலர்' திரைப்படத்தின் இறுதிக்கட்ட பணிகள் மும்முரமாக நடைபெற்று வரும் நிலையில், நடிகர் ரஜினிகாந்த் அடுத்த மாதம் இமயமலைக்கு செல்ல இருப்பதாகத் தகவல் வெளியாகி உள்ளது. அவர் கடந்த 2010ஆம் ஆண்டு வரை தனது ஒவ்வொரு படத்தின் படப்பிடிப்பு முடிந்ததும், இமயமலைக்குச் செல்வதை வழக்கமாகக் கொண்டிருந்தார். உடல்நலக்குறைவு உள்ளிட்ட காரணங்களால் இடையில் சில ஆண்டுகளாக அவர் இமயமலை செல்லவில்லை எனக் கூறப்படுகிறது.
தற்போது ஜெயிலர் படத்தின் படபிடிப்பு முடிந்து இறுதிக்கட்ட பணிகள் நடந்து வரும் நிலையில், வரும் ஆகஸ்ட் 6-ஆம் தேதி இமயமலை செல்லும் ரஜினிகாந்த், அங்கு ஒரு வாரம் தங்கி, பத்ரிநாத், கேதர்நாத், பாபாஜி குகை உள்ளிட்ட புனித தலங்களுக்கு செல்ல உள்ளதாக கூறப்படுகிறது. ரஜினிகாந்த் மட்டும் தனியாக இமயமலை செல்கிறாராம்.