கெளதம் ராம் கார்த்திக் நடிப்பில் அதிரடி அரசியல் ஆக்ஷன் படமாக உருவாகி வரும் Bloody Politics திரைப்படம் தற்போது இரண்டாம் கட்ட படப்பிடிப்புக்கு அதிகாரப்பூர்வமாக நகர்ந்து, சீராக முன்னேறி வருகிறது. இந்தப் படம், ஏற்கனவே ரசிகர்களின் மத்தியில் பெரும் எதிர்பார்ப்பை உருவாக்கியுள்ளது.
படக்குழுவிற்கு உற்சாகம் அளிக்கும் ஒரு சிறப்பு தருணமாக, சமூக திரைப்பட இயக்குநர் ராஜு முருகன், இந்தப் படத்தின் படப்பிடிப்பு தளத்திற்கு நேரில் விஜயம் செய்தார். தனது உதவி இயக்குநராக இருந்த தீனா ராகவன், இந்தப் படத்தின் மூலம் இயக்குநராக அறிமுகமாகும் நிலையில், அவருக்கு தனது வாழ்த்துகளையும் ஆதரவையும் ராஜு முருகன் தெரிவித்தார். இவர்களுக்கிடையேயான நீண்டகால படைப்பாற்றல் உறவையும், பரஸ்பர நம்பிக்கையையும் இந்த விஜயம் வெளிப்படுத்தியது.
முன்னதாகவே வெளியான Bloody Politics படத்தின் டைட்டில் டீசர் ரசிகர்களிடம் வலுவான தாக்கத்தை ஏற்படுத்தியது. கவுதம புத்தருக்குச் சொந்தமானதாகக் கூறப்படும் சிந்தனையூட்டும் வரியுடன் தொடங்கிய அந்த டீசர், தீவிரமான அரசியல் களத்தையும் வலுவான கதையையும் முன்வைத்தது. அதில் இடம்பெற்ற தீவிரமான காட்சிகள், ஆக்ஷன் தருணங்கள் மற்றும் ராஜு முருகன் எழுதிய அழுத்தமான வசனங்கள், படத்திற்கான எதிர்பார்ப்பை மேலும் உயர்த்தின.
இந்தப் படத்தில் கெளதம் ராம் கார்த்திக் கதாநாயகனாக நடிக்க, அஞ்சனா நேதுரன் கதாநாயகியாக நடிக்கிறார். இவர்களுடன் செல்வராகவன், P. வாசு, A. வெங்கடேஷ் உள்ளிட்ட பலர் முக்கிய கதாபாத்திரங்களில் நடிக்கின்றனர்.
கணேஷ் K. பாபு தனது தயாரிப்பு நிறுவனமான Draft by GKB மூலம் இந்தப் படத்தை தயாரிக்கிறார். சஞ்சய் முத்துக்குமார்.V இணை தயாரிப்பாளராக உள்ளார். தொழில்நுட்பக் குழுவில் ஒளிப்பதிவாளராக பிரதீப் காளிராஜா , இசையமைப்பாளராக சாம் C. S., எடிட்டராக தீபக் S, கலை இயக்குநராக த. ராமலிங்கம் பணியாற்றுகின்றனர்.
இரண்டாம் கட்ட படப்பிடிப்பு தற்போது வேகமாக நடைபெற்று வரும் நிலையில், ஏற்கனவே உருவாகியுள்ள வலுவான எதிர்பார்ப்புடன் Bloody Politics ஒரு தீவிரமான மற்றும் கவனம் பெறக்கூடிய அரசியல் திரைப்படமாக உருவெடுத்து வருகிறது.