எம் எஸ் சுப்புலட்சுமி பையோபிக்கில் ராஷ்மிகா மந்தனா

அடேங்கப்பா... சூர்யாவுக்கு இத்தனை நடிகைகள் ரசிகைகளா? ஜோதிகா போட்டோவுக்கு குவிந்த கமெண்ட்ஸ்!

ராகேஷ் தாரா — Wed, 16 Sep 2026 23:13:31 +0530

சூர்யா - ஜோதிகா ஜோடியின் 20 ஆண்டுகால திருமண வாழ்க்கை தற்போது சமூக வலைதளங்களில் பேசுபொருளாகியுள்ளது. குறிப்பாக, ஜோதிகா பகிர்ந்துள்ள திருமண கொண்டாட்ட புகைப்படங்களுக்கு திரையுலகைச் சேர்ந்த பல நடிகைகள் அன்பை வெளிப்படுத்தியிருப்பது ரசிகர்களின் கவனத்தை ஈர்த்துள்ளது.

20 ஆண்டுகளுக்கு முன்பு திருமணம் செய்துகொண்ட சூர்யா - ஜோதிகா, தங்களது 20-வது திருமண நாளை முன்னிட்டு மீண்டும் திருமண உறுதிமொழிகளை புதுப்பித்துக் கொண்டார்கள். குடும்பத்தினர், குழந்தைகள் மற்றும் நெருங்கிய நண்பர்கள் முன்னிலையில் நடைபெற்ற இந்த நிகழ்வின் புகைப்படங்கள் மற்றும் வீடியோக்களை ஜோதிகா சமூக வலைதளத்தில் பகிர்ந்தார். இந்த நிகழ்வை அவர் தங்களது உறவின் ‘The Sequel’ என குறிப்பிட்டிருந்தார்.

வெள்ளை நிற திருமண உடையில் ஜோதிகாவும், அவருக்கு இணையாக சூர்யாவும் இருக்கும் புகைப்படங்கள் இணையத்தில் வைரலாகி வருகின்றன. இரண்டு தசாப்தங்களை கடந்தும் இருவரும் தங்களது திருமண வாழ்க்கையை இப்படியான காதல் நிறைந்த தருணங்களுடன் கொண்டாடியிருப்பது ரசிகர்களை வெகுவாக கவர்ந்துள்ளது.

குவிந்த நடிகைகளின் கமெண்ட்ஸ்

இதற்கிடையே, ஜோதிகாவின் பதிவுக்கு திரையுலகைச் சேர்ந்த நடிகைகள் பலரும் தங்களது வாழ்த்துகளையும் அன்பையும் கமெண்ட்களாக பதிவிட்டுள்ளனர். காஜல் அகர்வால், அனுபமா பரமேஸ்வரன், சம்யுக்தா ஹெக்டே, ஆண்ட்ரியா ஜெர்மையா, சாயிஷா, ஸ்நேகா ரெட்டி, அபர்ணா பாலமுரளி, பார்வதி மற்றும் சஞ்சனா நடராஜன் உள்ளிட்டோர் கமெண்ட் செய்துள்ளனர்.

காஜல் அகர்வால் மற்றும் பார்வதி ஹார்ட் எமோஜிகளை பதிவிட, அனுபமா பரமேஸ்வரன் தொடர்ந்து மூன்று ஹார்ட்களை பதிவிட்டுள்ளார். சம்யுக்தா ஹெக்டே, “I liked this photo 16 timessss” என உற்சாகமாக கமெண்ட் செய்துள்ளார். ஆண்ட்ரியா “This is so beautiful” எனவும், சாயிஷா “Absolutely gorgeous!!!” எனவும் பதிவிட்டுள்ளனர். அபர்ணா பாலமுரளி மற்றும் ஸ்நேகா ரெட்டி உள்ளிட்டோரும் ஹார்ட் எமோஜிகள் மூலம் தங்களது அன்பை வெளிப்படுத்தியுள்ளனர்.

View this post on Instagram

A post shared by Jyotika (@jyotika)

சூர்யாவுக்கு இத்தனை ரசிகைகளா!

இந்த கமெண்ட்ஸ் தற்போது ரசிகர்களிடையே தனி கவனத்தை பெற்றுள்ள நிலையில், “அடேங்கப்பா... சூர்யாவுக்கு இத்தனை நடிகைகள் ரசிகைகளா?” என நெட்டிசன்கள் உற்சாகமாக பதிவிட்டு வருகின்றனர்.

சூர்யா - ஜோதிகாவின் திருமண கொண்டாட்ட புகைப்படங்கள் வைரலானதைத் தொடர்ந்து, தங்களது திருமண வாழ்க்கையும் இப்படியான அன்பும் புரிதலும் நிறைந்ததாக இருக்க வேண்டும் என பலரும் சமூக வலைதளங்களில் தங்களது விருப்பங்களை வெளிப்படுத்தி வருகின்றனர். ஜோதிகா பகிர்ந்துள்ள இந்த புகைப்படங்கள், 20 ஆண்டுகளைக் கடந்தும் தொடரும் அவர்களின் பயணத்தை ரசிகர்கள் மீண்டும் கொண்டாடும் தருணமாக மாறியுள்ளது.

தமிழர்கள் எடுக்க வேண்டிய படத்தை தெலுங்கு ஆட்கள் எடுக்கிறார்கள்..எம்.எஸ் பையோபிக் குறித்து சிவகுமார்

ராகேஷ் தாரா — Wed, 16 Sep 2026 23:00:18 +0530

மறைந்த கர்நாடக இசை கலைஞர் எம் எஸ் சுப்புலட்சுமியின் பையோபிக் இன்று அதிகாரப்பூர்வமாக அறிவிக்கப்பட்டுள்ளது. அல்லு அரவிந்த், ராக்லைன் வெங்கடேஷ் மற்றும் பன்னி வாசு ஆகிய மூவரும் இணைந்து இப்படத்தை தயாரிக்கின்றனர். ராஷ்மிகா மந்தனா எம் எஸ் சுப்புலட்சுமியாக இப்படத்தில் நடிக்க அனிருத் படத்திற்கு இசையமைக்கிறார். இன்று சென்னையில் நடைபெற்ற பட துவக்க விழாவில் உலகநாயகன் கமல்ஹாசன் கிளாப் அடித்து படத்தை தொடங்கி வைத்தார். நிகழ்ச்சியில் சிறப்பு விருந்தினராக கலந்துகொண்ட நடிகர் சிவகுமார் தமிழ் இசைக்கலைஞரான எம் எஸ் சுப்புலட்சுமியின் வாழ்க்கை வரலாற்றை தெலுங்கு திரையுலகைச் சேர்ந்தவர்கள் தயாரிப்பது குறித்து தனது அதிருப்தியை வெளிப்படுத்தினார்.

இதில் என்ன பெருமை இருக்கிறது

சென்னையில் உள்ள தி மியூசிக் அகாடமியில் நடைபெறும் நிகழ்வில் பேசிய நடிகர் சிவகுமார் " உலக நாயகன் கமல்ஹாசன் முன்னிலையில் இந்த படத்தின் அறிவிப்பு வெளியாகியுள்ளது. இதில் வேடிக்கை என்னவென்றால் இந்த படத்தை தயாரிப்பவர்கள் அனைவரும் தெலுங்கு திரையுலகைச் சேர்ந்தவர்கள். நாம் செய்ய வேண்டிய விஷயத்தை அவர்கள் செய்துகொண்டிருக்கிறார்கள். அதில் என்ன பெருமிதம் இருக்கிறது அவர்களுக்கு நான் சல்யூட் அடித்துக்கொள்கிறேன். எம் எஸ் அம்மாவின் வாழ்க்கை வரலாற்றை நான் சிறுவயதில் படித்திருக்கிறேன். அந்த மாதிரியான மகத்தான ஒரு குரல் மீண்டும் இந்த மண்ணில் பிறப்பதற்கான வாய்ப்பு கிடையாது. எம் எஸ் அம்மா பாட்டு கேட்பதற்கு அவரது வீட்டில் வசதி இல்லை என்பதால் அவர் பார்க்கில் போய்தான் பாட்டு கேட்பார் என்று நான் கேள்வி பட்டிருக்கிறேன். அந்த மகத்தான அம்மாவின் வாழ்க்கை வரலாறை திரைப்படமாக எடுக்கிறார்கள் என்பதில் மிக மகிழ்ச்சி. அதற்கு அனிருத் இசையமைக்கப் போகிறார் என்பதிலும் ரொம்ப சந்தோஷம் . எல்லோருக்கும் வாழ்த்துக்கள் " என்று கூறினார்.

Telugu filmmakers and creators are doing the Tamil Film. Namma Seiya vendiyatha Avanga Seiranga.Salute.

- Sivakumar at the #MSBiopic launch pic.twitter.com/S8YKKE9abq
— Lenin - ʜɪꜰɪ ᴛᴀʟᴋɪᴇꜱ (@HiFiTalkies) September 16, 2026

அஜித்தின் ‘கிளாடியேட்டர்ஸ்’ ஆவணப்படத்தில் விஜய்.. லண்டன் சந்திப்பு காட்சிகள் இடம்பெறுகிறதா?

ராகேஷ் தாரா — Wed, 16 Sep 2026 17:15:11 +0530

அஜித்தின் மோட்டர் ஸ்போர்ட்ஸ் பயணத்தை மையமாகக் கொண்டு உருவாகியுள்ள ‘கிளாடியேட்டர்ஸ்’ ஆவணப்படத்தில், சமீபத்தில் லண்டனில் நடைபெற்ற அஜித் - விஜய் சந்திப்பு காட்சிகளும் இடம்பெறவுள்ளதாக தகவல் வெளியாகியுள்ளது. இதனால், அஜித் மற்றும் விஜய் ரசிகர்கள் மத்தியில் ஆவணப்படம் குறித்த எதிர்பார்ப்பு அதிகரித்துள்ளது.

கிளாடியேட்டர்ஸ் ஆவணப்படம்

அஜித்தின் மோட்டார் ஸ்போர்ட்ஸ் பயணத்தை மையமாக வைத்து ‘Gladiators: In Pursuit of Challenges’ என்ற பெயரில் இந்த ஆவணப்படம் உருவாகியுள்ளது. இயக்குநர் ஏ.எல். விஜய் இயக்கும் இப்படத்திற்கு ஜி.வி. பிரகாஷ் குமார் இசையமைத்துள்ளார். அஜித்தின் ரேசிங் அனுபவங்கள், போட்டிகளில் அவர் சந்தித்த சவால்கள், வெற்றிகள் மற்றும் பந்தயத்தின் மீதான அவரது ஆர்வம் ஆகியவை ஆவணப்படத்தில் இடம்பெறுகின்றன. சமீபத்தில் இதன் சிறப்பு டிரெய்லர் திரையரங்குகளில் வெளியிடப்பட்டது. 90 நிமிடங்கள் ஓடக்கூடிய ஆவணப்படமாக இது உருவாகியுள்ளதாக தகவல்கள் வெளியாகின.

முதல்வர் விஜயை சந்தித்த காட்சிகள்

டிரெய்லரில் அஜித்தின் ரேசிங் வாழ்க்கையைச் சேர்ந்த பல காட்சிகளுடன், அவரது குடும்பத்தினர் இடம்பெறும் தனிப்பட்ட தருணங்களும் இடம்பெற்றிருந்தன. இதனால், அஜித்தை நடிகராக மட்டுமல்லாமல், மோட்டார் ஸ்போர்ட்ஸ் மீது தீவிர ஆர்வம் கொண்டவராகவும் இந்த ஆவணப்படம் பதிவு செய்யும் என தெரிகிறது.

இதற்கிடையில், தமிழக முதல்வரும் நடிகருமான விஜய் லண்டன் சென்றிருந்த நிலையில், சில்வர்ஸ்டோன் பந்தயத் தளத்தில் அஜித்தை நேரில் சந்தித்தார். அஜித் பங்கேற்ற பந்தயத்தை விஜய் தொடங்கி வைத்ததுடன், இருவரும் கட்டித்தழுவி வாழ்த்துகளைப் பரிமாறிக்கொண்ட காட்சிகள் இணையத்தில் பரவலாக பகிரப்பட்டன.

இந்த சந்திப்பு நடைபெற்ற சூழலில், அஜித்தின் ‘கிளாடியேட்டர்ஸ்’ ஆவணப்படத்தில் இருவரும் சந்தித்த காட்சிகள் இடம்பெறவுள்ளதாக தகவல் வெளியாகியுள்ளது. ஏற்கனவே ஆவணப்படத்தின் டிரெய்லரில் விஜய் இடம்பெறும் ஒரு காட்சி இருப்பதாக செய்திகள் வெளியாகியிருந்த நிலையில், லண்டன் சந்திப்பு தொடர்பான புதிய காட்சிகளும் இணைக்கப்படுமா என்ற கேள்வி ரசிகர்கள் மத்தியில் எழுந்தது.

அஜித் - விஜய் இருவரும் ஆரம்ப காலத்தில் சில படங்களில் இணைந்து நடித்திருந்தாலும், பின்னர் தனித்தனி பாதையில் பயணித்தனர். இருவரது ரசிகர்களுக்கும் இடையே பல ஆண்டுகளாக நிலவி வந்த போட்டி சூழலுக்கு மத்தியில், லண்டனில் நடைபெற்ற இந்த சந்திப்பு கவனம் பெற்றது.

அஜித் சில்வர்ஸ்டோனில் மிச்செலின் லீ மான்ஸ் கப் போட்டியின் LMP3 Pro/Am பிரிவில் பங்கேற்றார். அதே நிகழ்வில் விஜய் சிறப்பு விருந்தினராக கலந்து கொண்டு பந்தயத்தை தொடங்கி வைத்தார். இந்த சந்திப்பில் இருவரும் நீண்ட நேரம் உரையாடியதுடன், ஒருவரை ஒருவர் கட்டித்தழுவிய காட்சிகளும் ரசிகர்களின் கவனத்தை பெற்றன. விஜய் பின்னர் இந்த சந்திப்பு தொடர்பான வீடியோவையும் பகிர்ந்திருந்தார்.

இதனால், ஏற்கனவே அஜித்தின் பந்தயப் பயணத்தை மையமாகக் கொண்டிருந்த ஆவணப்படத்துடன், சமீபத்திய லண்டன் நிகழ்வும் இணைவது ரசிகர்களுக்கு கூடுதல் கவனத்தை ஏற்படுத்தியுள்ளது.

டி ராஜேந்தர் இசையில் முதல்முறை பாடிய இளையராஜா!

ராகேஷ் தாரா — Wed, 16 Sep 2026 16:52:43 +0530

கே. பாக்யராஜ் நடித்த கடைசி படமான'கன்னடத்து பைங்கிளி'-யை சாய் ரமணி இயக்க எம்.பி.எம். எண்டர்டெயின்மெண்ட் (MBM Entertainment) நிறுவனத்தின் சார்பில் இந்துமதி கோபி தயாரிக்க ஆர். கோபி வழங்குகிறார்

எம்.பி.எம். எண்டர்டெயின்மெண்ட் (MBM Entertainment) நிறுவனத்தின் சார்பில் இந்துமதி கோபி தயாரிப்பில் ஆர். கோபி வழங்கும் 'கன்னடத்து பைங்கிளி' திரைப்படத்தை 'சிங்கம் புலி', 'மொட்ட சிவா கெட்ட சிவா' படங்களை இயக்கிய சாய் ரமணி எழுதி இயக்கியுள்ளார்.

டி ராஜேந்தர் இசையில் பாடிய இளையராஜா

பன்முக வித்தகரான டி. ராஜேந்தர் இசையமைக்கும் இப்படத்தில் அவரது இசையில் முதல் முறையாக இசைஞானி இளையராஜா பாடியுள்ளார். மேலும், சமீபத்தில் மறைந்த நடிகரும் இயக்குநருமான கே. பாக்யராஜ் நடித்த கடைசி படமாக இது அமைந்துள்ளது. டி.ஆர். மற்றும் பாக்யராஜ் இணைந்து பணியாற்றிய ஒரே படம் 'கன்னடத்து பைங்கிளி' என்பதும் குறிப்பிடத்தக்கது. நாயகனின் தந்தையாக படம் முழுவதும் வரும் பாத்திரத்தில் சிறப்பான பங்களிப்பை பாக்யராஜ் வழங்கியுள்ளார்.

பாக்யராஜின் கடைசி திரைப்படம்

சுமார் 35 ஆண்டுகளுக்கு பிறகு பாக்யராஜும் அவரது மனைவி பூர்ணிமா பாக்யராஜும் இணைந்து நடித்த படமும் இது தான். அதுவும் கணவன் மனைவியாகவே நடித்துள்ளனர். இப்படத்தில் புதுமுகங்கள் அமல் அஜித், ஆதியா முதன்மை வேடங்களில் நடிக்கின்றனர். சிங்கம் புலி, புகழ், ஆதவன், லொள்ளு சபா ஜீவா உள்ளிட்டோர் முக்கிய பாத்திரங்களில் நடித்துள்ளனர். கூமாபட்டி தங்கபாண்டி, ஆட்டோக்காரன் தீபக் மற்றும் இடியாப்பம் சிவா உள்ளிட்ட ஐந்து பிரபல யூடியூபர்கள் இப்படத்தின் மூலம் சினிமாவில் அறிமுகமாகின்றனர். இவர்களுடன் ஸ்ரீகாந்த் ஐயங்கார் எனும் தெலுங்கில் பிரபலமாக இருக்கக்கூடிய நடிகர் அறிமுகம் ஆகிறார். கர்நாடகாவில் இருந்து ஸ்வேதா எனும் நடிகையும் அறிமுகமாகிறார்.

'பேராண்மை', 'மீகாமன்', 'வாகா' படங்களுக்கு ஒளிப்பதிவு செய்த எஸ். ஆர். சதீஷ் குமார் 'கன்னடத்து பைங்கிளி' திரைப்படத்திற்கு ஒளிப்பதிவு செய்துள்ளார். சண்டை பயிற்சி: பவர் பாண்டியன். இந்த படத்தின் ஃபர்ஸ்ட் லுக் டைட்டில் போஸ்டர் விரைவில் வெளியிடப்படும். தமிழ்நாடு-கர்நாடகா எல்லைப் பகுதியில் அமைந்துள்ள ஓசூரில் 1990களில் நடைபெற்ற உண்மை சம்பவத்தின் அடிப்படையில் கதை அமைக்கப்பட்டுள்ளது என இயக்குநர் சாய் ரமணி தெரிவித்தார். இந்த படத்தின் படப்பிடிப்பு முழுவதும் முடிவடைந்த நிலையில், தற்போது இறுதிக்கட்ட பணிகள் நடைபெற்று வருகின்றன.

ரூ.4.75 லட்சத்தில் உருவான படம்..‘16 வயதினிலே படத்தில் கமல், ரஜினியின் சம்பளம் எவ்வளவு தெரியுமா?

ராகேஷ் தாரா — Wed, 16 Sep 2026 16:30:03 +0530

தமிழ் சினிமாவின் முக்கியமான படைப்புகளில் ஒன்றாக பார்க்கப்படும் 16 வயதினிலே, இயக்குநர் பாரதிராஜாவின் திரைப்பயணத்தில் மட்டுமல்லாமல், கமல்ஹாசன், ரஜினிகாந்த், ஸ்ரீதேவி ஆகியோரின் திரைப்பயணத்திலும் முக்கிய திரைப்படமாக அமைந்தது. 1977-ம் ஆண்டு வெளியான இப்படத்தின் மூலமாக பாரதிராஜா இயக்குநராக அறிமுகமானார்.

ரூ.4.75 லட்சத்தில் உருவான படம்

இன்றைய திரைப்படங்கள் பல கோடி ரூபாய் பட்ஜெட்டில் உருவாகும் நிலையில், 16 வயதினிலே சுமார் ரூ.4.75 லட்சம் செலவில் உருவானதாக குறிப்பிடப்படுகிறது. குறைந்த பட்ஜெட்டிலும் கதை, கதாபாத்திரங்கள் மற்றும் இயல்பான காட்சியமைப்பு மூலம் இப்படம் தனித்துவமான அடையாளத்தை பெற்றது.

கமல், ரஜினியின் சம்பளம்

படத்தில் சப்பாணியாக நடித்த கமல்ஹாசனுக்கு ரூ.27,000 சம்பளம் வழங்கப்பட்டதாக பாரதிராஜா பின்னர் தெரிவித்துள்ளார். பரட்டை கதாபாத்திரத்தில் நடித்த ரஜினிகாந்துக்கு ரூ.2,500 வழங்கப்பட்டதாகவும் அவர் கூறியுள்ளார். அப்போது இருவரும் இன்றைய அளவிலான முன்னணி நட்சத்திரங்களாக உயரவில்லை.

ஸ்டுடியோவை விட்டு கிராமத்துக்குள் சென்ற பாரதிராஜா

16 வயதினிலே திரைப்படத்தின் மிகப்பெரிய சிறப்புகளில் ஒன்று அதன் படப்பிடிப்பு. அந்த காலகட்டத்தில் பெரும்பாலான தமிழ் படங்கள் ஸ்டுடியோக்களில் படமாக்கப்பட்ட நிலையில், இப்படம் பெரும்பாலும் வெளிப்புற இடங்களிலேயே படமாக்கப்பட்டது. மைசூர், கோலேகல் உள்ளிட்ட பகுதிகளில் படப்பிடிப்பு நடைபெற்றது.

மெதுவாக ஓடிய ஸ்ரீதேவி

படத்தின் குறைந்த பட்ஜெட் காரணமாக ஸ்லோ மோஷன் காட்சிகளை படமாக்குவதற்கான கேமரா வசதி இல்லாததால், ‘செந்தூரப்பூவே’ பாடலில் ஸ்ரீதேவி சில காட்சிகளில் மெதுவாக ஓட வேண்டியிருந்தது

முதலில் ‘மயில்’.. பின்னர் ‘16 வயதினிலே’

படத்திற்கு முதலில் ‘மயில்’ என்றே பெயரிடப்பட்டிருந்தது. தேசிய திரைப்பட வளர்ச்சிக் கழகத்தின் நிதியுதவி கிடைக்காத நிலையில், தயாரிப்பாளர் எஸ்.ஏ. ராஜ்கண்ணு இப்படத்தை தயாரித்தார். பின்னர் படத்தின் பெயர் 16 வயதினிலே என மாற்றப்பட்டது.

விநியோகஸ்தர்கள் தயங்கிய படம்

படம் முடிந்த பிறகும் விநியோகஸ்தர்களிடம் எதிர்பார்த்த வரவேற்பு கிடைக்கவில்லை. இதனால் தயாரிப்பாளரே படத்தை வெளியிட்டார். பின்னர் 175 நாட்கள் திரையரங்குகளில் ஓடி வணிக ரீதியாகவும் வெற்றி பெற்றது.

இளையராஜாவின் இசை, பாரதிராஜாவின் கிராமிய காட்சியமைப்பு, கமல்ஹாசனின் சப்பாணி, ரஜினிகாந்தின் பரட்டை, ஸ்ரீதேவியின் மயில் என பல அம்சங்கள் இணைந்த 16 வயதினிலே, தமிழ் சினிமாவில் கிராமிய வாழ்க்கையை அணுகிய விதத்தில் புதிய பாதையை உருவாக்கிய படமாக இன்றும் நினைவுகூரப்படுகிறது.

“காதல் மட்டும் போதாது..” 20 ஆண்டுகால திருமண வாழ்க்கை குறித்து சூர்யா - ஜோதிகா சொல்வது என்ன?

ராகேஷ் தாரா — Wed, 16 Sep 2026 15:58:48 +0530

தமிழ் சினிமாவில் நட்சத்திர ஜோடியாக அறிமுகமாகி, பின்னர் வாழ்க்கைத் துணையாக இணைந்தவர்கள் சூர்யா - ஜோதிகா. கடந்த 2006-ம் ஆண்டு திருமணம் செய்துகொண்ட இவர்கள், 20 ஆண்டுகால திருமண வாழ்க்கையை நிறைவு செய்துள்ளனர். இதனை முன்னிட்டு இருவரும் குடும்பத்தினர் மற்றும் நண்பர்கள் முன்னிலையில் தங்களது திருமண உறுதிமொழிகளை மீண்டும் புதுப்பித்துள்ளனர். அவர்களது குழந்தைகள் தியா, தேவ் உள்ளிட்ட குடும்பத்தினரும் இந்த நிகழ்வில் பங்கேற்றுள்ளனர்.

கோலிவுட்டின் பல்வேறு நட்சத்திரங்களில் திருமண வாழ்க்கை பாதியில் முடிந்து போகும் நிலையில் 20 ஆண்டுகாலம் சூர்யா ஜோதிகா தங்களது திருமண வாழ்க்கையை உயிர்ப்புடன் வைத்து வருகிறார்கள். ஒரு ஆரோக்கியமான திருமண வாழ்க்கைக்கு முக்கியமான பல்வேறு விஷயங்களை இருவரும் பலமுறை பேசியிருக்கிறார்கள். மிக முக்கியமான அம்சங்களாக அவர்கள் இவற்றை குறிப்பிடுகிறார்கள்

திருமணத்தை விட முக்கியமானது நட்பு

அதில் தொடர்ந்து இடம்பெற்ற ஒரு கருத்து, “கணவன் - மனைவியாக இருப்பதைவிட நல்ல நண்பர்களாக இருப்பது” என்பதே

சுமார் 20 ஆண்டுகளுக்குப் பிறகும் தங்களுக்குள் நட்பு தொடர்வதற்கு ஒருவருக்கொருவர் மரியாதை கொடுப்பதும், தனிப்பட்ட இடத்தை மதிப்பதும் முக்கியம் என்று இருவரும் தெரிவித்துள்ளனர். ஒரே வீட்டில் இருப்பது மட்டுமல்லாமல், ஒருவருடைய எண்ணங்களையும் விருப்பங்களையும் மற்றொருவர் புரிந்துகொள்வதே உறவை வலுப்படுத்துவதாக அவர்கள் கூறியுள்ளனர்.

சண்டைகள் வந்தாலும் உறவு இன்னும் நெருக்கமாகும்

எந்த திருமணத்திலும் கருத்து வேறுபாடுகள் இருக்கலாம் என்பதை சூர்யா - ஜோதிகா இருவரும் மறைத்ததில்லை. தங்களுக்குள்ளும் சண்டைகள் வருவதாகவும், ஆனால் அந்த சண்டைகளுக்குப் பிறகு ஒருவரை ஒருவர் இன்னும் நன்றாகப் புரிந்துகொள்வதாகவும் சூர்யா கூறியிருக்கிறார்.

தினமும் ஒரு காபி.. தவறாமல் வரும் ‘Missing you’ மெசேஜ்

தங்களது அன்றாட வாழ்க்கையில் இருக்கும் சிறிய விஷயங்களையும் ஜோதிகா பேட்டிகளில் பகிர்ந்துள்ளார். இருவரும் காலையில் ஒன்றாக காபி குடிப்பதை விரும்புவதாக அவர் தெரிவித்துள்ளார்.

வேலை காரணமாக ஒருவரால் அந்த நேரத்தில் வீட்டில் இருக்க முடியாத சூழ்நிலை ஏற்பட்டால், மற்றொருவருக்கு “Missing you” என குறுஞ்செய்தி அனுப்பும் பழக்கம் இருப்பதாகவும் ஜோதிகா கூறியுள்ளார். பெரிய விஷயங்களை மட்டுமல்லாமல், அன்றாட வாழ்க்கையின் சிறிய தருணங்களையும் பகிர்ந்துகொள்வது தங்களது உறவில் முக்கியமானதாக இருப்பதாக அவர் குறிப்பிட்டுள்ளார்.

ஜோதிகாவின் சினிமா பயணத்தில் சூர்யாவின் ஆதரவு

திருமணத்துக்குப் பிறகு சில ஆண்டுகள் சினிமாவில் இருந்து விலகியிருந்த ஜோதிகா, பின்னர் 36 வயதினிலே படத்தின் மூலம் மீண்டும் நடிக்கத் தொடங்கினார். இந்த முடிவில் சூர்யா தனக்கு அளித்த ஆதரவை அவர் பல்வேறு பேட்டிகளில் குறிப்பிட்டுள்ளார்.

மீண்டும் நடிக்க வேண்டும் என்று தன்னை ஊக்கப்படுத்தியதுடன், தான் தேர்வு செய்யும் கதைகளில் தன்னுடைய முடிவுகளை மதித்து சூர்யா துணையாக இருந்ததாகவும் ஜோதிகா தெரிவித்துள்ளார். திருமணத்துக்குப் பிறகும் தனது தனிப்பட்ட கனவுகளையும் தொழில் முடிவுகளையும் தொடர்வதற்கு அவர் கொடுத்த சுதந்திரம் முக்கியமானது என்றும் ஜோதிகா கூறியிருக்கிறார்.

“என்னுடைய இடத்தை அவர் மதிக்கிறார்”

திருமண வாழ்க்கையில் சமத்துவம் முக்கியம் என்பதை ஜோதிகா தொடர்ந்து வலியுறுத்தி வருகிறார். வீட்டில் இருவரும் சமமானவர்கள் என்ற எண்ணம் சூர்யாவிடம் இருப்பதாகவும், தனது தொழில் மற்றும் தனிப்பட்ட முடிவுகளில் அவர் தலையிடாமல் அவற்றை மதிப்பதாகவும் ஜோதிகா தெரிவித்துள்ளார்.

“திருமணம் என்பது Balance”

குழந்தைகள் பிறந்த பிறகு வேலை மற்றும் குடும்ப வாழ்க்கையை எப்படி சமநிலைப்படுத்துகிறார்கள் என்பதையும் ஜோதிகா வெளிப்படையாக பேசியுள்ளார்.

சூர்யா படப்பிடிப்புக்காக வெளியில் செல்லும் நேரங்களில் தான் குழந்தைகளுடன் இருப்பதாகவும், தான் படப்பிடிப்பில் இருக்கும்போது சூர்யா குழந்தைகளை கவனிப்பதாகவும் அவர் தெரிவித்துள்ளார். திருமணம் என்பது ஒருவரை ஒருவர் ஆதரிப்பது மட்டுமல்ல; இருவரும் தங்களது பொறுப்புகளை பகிர்ந்துகொள்வது என்றும் ஜோதிகா கூறியுள்ளார். அதனால் தான் “திருமணம் என்பது balance” என்று அவர் குறிப்பிட்டிருக்கிறார்.

தனது தவறுகளையும் ஒப்புக்கொண்ட சூர்யா

குடும்ப வாழ்க்கை குறித்து பேசும்போது, தனது தரப்பிலிருந்த குறைகளையும் சூர்யா வெளிப்படையாக ஒப்புக்கொண்டுள்ளார். குழந்தைகள் சிறியவர்களாக இருந்த காலத்தில் வேலை காரணமாக அதிக நேரம் வீட்டில் இருக்க முடியவில்லை என்றும், அந்த காலகட்டத்தில் ஜோதிகாவுக்கு தேவையான அளவு துணையாக இருக்கவில்லை என்பதை பின்னர் உணர்ந்ததாகவும் அவர் தெரிவித்துள்ளார்.

பணம் சம்பாதிப்பது மட்டுமே குடும்பத்திற்கான பங்களிப்பு அல்ல என்றும், குழந்தைகளை வளர்ப்பது மற்றும் குடும்பப் பொறுப்புகளில் இருவரும் பங்கேற்பது அவசியம் என்றும் சூர்யா கூறியிருக்கிறார்.

“காதலும் புரிதலும் முக்கியம்”

20 ஆண்டுகால திருமண வாழ்க்கையின் அடிப்படை குறித்து சூர்யாவிடம் கேட்கப்பட்டபோது, காதலும் புரிதலும் முக்கியம் என்று அவர் தெரிவித்துள்ளார். வாழ்க்கையில் சூழ்நிலைகள் மாறும்போது அதற்கேற்ப கற்றுக்கொள்ள வேண்டும் என சூர்யா தெரிவித்துள்ளார்

ஜோதிகாவைப் பொறுத்தவரை, காதலுடன் சேர்ந்து மரியாதையும் ஒருவரை ஒருவர் பாராட்டுவதும் முக்கியம். துணையின் முடிவுகளை மதிப்பதும், அவருக்கான தனிப்பட்ட இடத்தை கொடுப்பதும் நீண்டகால உறவில் முக்கியமானதாக இருப்பதாக அவர் கூறியுள்ளார்.

“அமைதியாக இருங்கள்.. கேளுங்கள்”

திருமணமான ஆண்களுக்கு சூர்யா சமீபத்தில் வழங்கிய நகைச்சுவையான அறிவுரையும் சமூக வலைதளங்களில் கவனம் பெற்றது. வீட்டில் அமைதி நிலவுவதற்கான முதல் விதி என்ன என்று கேட்கப்பட்டபோது, “அமைதியாக இருங்கள். கேளுங்கள். பேசாதீர்கள்” என்றார்.

அதே நேரத்தில், இது வெறும் நகைச்சுவையான பதில் மட்டுமல்ல என்றும் சூர்யாவின் பல பேட்டிகளில் தெரிகிறது. துணையை கேட்பதும், புரிந்துகொள்வதும், அவருடைய கருத்துக்கு மதிப்பு கொடுப்பதும் திருமண வாழ்க்கையில் முக்கியம் என்ற கருத்தை அவர் தொடர்ந்து முன்வைத்து வருகிறார்.

Karthigai Deepam: ஊட்டிவிடும் கார்த்திக்.. ஏத்திவிடும் சந்திரகலா.. ரொமான்ஸும், பரபரப்பும்!

சுகுமாறன் — Wed, 16 Sep 2026 14:35:16 +0530

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம்.

கார்த்தியை தவறாக புரிந்து கொண்ட சாமுண்டீஸ்வரி:

இந்த சீரியலின் நேற்றைய எபிசோடில் சாமுண்டீஸ்வரி போலீஸ் கைது செய்ய கார்த்திக் சம்பந்தப்பட்ட குற்றவாளியை தேடிய நிலையில் இன்று நடக்கப்போவது என்ன என்பது குறித்து பார்க்கலாம் வாங்க.

அதாவது கார்த்திக் உண்மையான குற்றவாளியை கண்டுபிடித்து போலீஸ் ஸ்டேஷனில் ஒப்படைத்து சாமுண்டீஸ்வரியை விடுவிக்கிறான். ஆனாலும் சாமுண்டீஸ்வரி இதெல்லாம் கார்த்தியின் திட்டம் தான் என தவறாக புரிந்து கொள்கிறார்.

வருத்தப்படும் பரமேஸ்வரி:

இதையடுத்து வீட்டுக்கு வந்த கார்த்திக் நடந்த விஷயங்களை சொல்ல பரமேஸ்வரி பாட்டி வருத்தப்படுகிறார். மேலும் ரேவதி இன்னும் சாப்பிடவில்லை என்று தெரிந்து கார்த்திக் அவளுக்கு சாப்பாடு ஊட்டி விடுகிறான்.

அடுத்த நாள் காலையில் ரேவதிக்கு பெட் காஃபி கொடுத்து அவளை எழுப்பி கையில் அடிபட்டு இருப்பதால் பல் துலக்கி விடுகிறான். இதன் பிறகு கோவில் திருவிழாவிற்காக காப்பு கட்ட வேண்டும் எனவும் அதற்கு ராஜராஜன் வரவேண்டும் எனவும் ஊர் பெரியவர்கள் கார்த்தி இடம் சொல்கின்றனர்.

ஏத்திவிடும் சந்திரகலா:

மறுபக்கம் சந்திரகலா சாமுண்டீஸ்வரியிடம் காப்பு கட்டுவதற்கு மாமாவை அனுப்பி வைக்கக் கூடாது என சொல்லி ஏற்றி விடுகிறாள். சாமுண்டீஸ்வரியும் ராஜராஜனை அனுப்பக்கூடாது என முடிவுக்கு வருகிறாள்.

இப்படியான நிலையில் அடுத்ததாக நடக்கப்போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

Sardaar 2: 20 கோடி கூட வசூல் ஆகல... காத்து வாங்கும் சீட்டால் சர்தார் 2 கல்லாப்பெட்டி காலி!

சுகுமாறன் — Tue, 15 Sep 2026 21:24:26 +0530

தமிழ் திரையுலகின் முன்னணி நடிகர்களில் ஒருவர் கார்த்தி. இவரது நடிப்பில் கடந்த 2022ம் ஆண்டு வெளியான திரைப்படம் சர்தார். ப்ளாக்பஸ்டர் வெற்றி பெற்ற இந்த படத்தின் இரண்டாவது பாகம் கடந்த 10ம் தேதி ரிலீசானது.

படுதோல்வி அடைந்த சர்தார் 2:

மிகப்பெரிய எதிர்பார்ப்புடன் சூரியின் மண்டாடி படத்திற்கு போட்டியாக ரிலீசானது. படம் வெளியான முதல் நாளே எதிர்மறை விமர்சனங்கள் குவிந்ததால் படத்தின் வசூலை அது பெரியளவில் பாதித்தது. மேலும், மண்டாடி படத்திற்கு நல்ல வரவேற்பு கிடைத்து வருவதால் சர்தாரைக் காட்டிலும் மண்டாடியின் திரையரங்கு அதிகரித்து வருகிறது.

20 கோடியை கூட எட்டாத சர்தார் 2:

சர்தார் 2 படம் படம் வெளியாகி கடந்த இந்திய அளவில் வெறும் ரூபாய் 13 கோடி மட்டுமே வசூலைக் குவித்துள்ளது. உலகளவில் ரூபாய் 20 கோடி வசூலையே இதுவரை தாண்டவில்லை. தற்போது வரை சர்தார் 2 படம் நேற்று வரை ரூபாய் 19.85 கோடி வசூல் மட்டுமே குவித்துள்ளது. இன்றும் படத்திற்கு பெரியளவு வரவேற்பு கிடைக்கவில்லை. நாளுக்கு நாள் வசூல் சரிந்து வரும் நிலையில், நேற்று ரூபாய் 1.50 கோடி மட்டுமே வசூலை சர்தார் 2 குவித்தது.

சுமார் ரூபாய் 130 கோடி பட்ஜெட்டில் தயாரிக்கப்பட்ட இந்த படம் 20 கோடி ரூபாய் வரை மட்டுமே வசூலைக் குவித்திருப்பது படக்குழு மத்தியில் கவலையை உண்டாக்கியுள்ளது. படத்தின் பிற்பாதியில் திரைக்கதையில் தொய்வு இருந்ததாக ரசிகர்கள் கருத்து தெரிவித்திருந்தனர். சர்தார் 2 படத்தில் கார்த்தியுடன் எஸ்ஜே சூர்யா, மாளவிகா மோகனன், அஷிகா ரங்கநாத், ரஜிஷா விஜயன் நடித்துள்ளனர். சாம் சிஎஸ் இசையமைத்துள்ளார். விஜய் வேலுக்குட்டி படத்தொகுப்பு செய்துள்ளார்.

மாஸ் காட்டும் மண்டாடி:

சர்தார் 2 படத்திற்கு போட்டியாக வெளியான மண்டாடி படம் ரூபாய் 63 காேடி வசூலைக் குவித்துள்ளது. ரூபாய் 75 கோடி பட்ஜெட்டில் உருவாகிய இந்த படம் விரைவில் ரூபாய் 100 கோடி வசூலைக் குவிக்கும் என்று படக்குழு எதிர்பார்க்கிறது.

முதல் பாகத்தை இயக்கிய பி.எஸ். மித்ரனே இந்த படத்தையும் இயக்கியுள்ளார். படத்தின் கதையை பி.எஸ்.மித்ரன், ரத்னகுமார், ஆஷாமீரா ஐயப்பன், விக்னேஷ் முனியாண்டி எழுதியுள்ளனர். முதல் பாகத்தின் தொடர்ச்சியாகவே உருவான இந்த படத்தில் முனீஸ்காந்த், நாசர், ஆஷிஷ் வித்யார்த்தி, நிழல்கள் ரவி, பாலாஜி சக்திவேல் என பலரும் நடித்துள்ளனர். கார்த்தி இதற்கு முன்பு வெளியான வா வாத்தியார் படமும் படுதோல்வி அடைந்த நிலையில், இந்த படமும் தோல்வி அடைந்தது ரசிகர்கள் மத்தியில் வேதனையை உண்டாக்கியுள்ளது. கார்த்தி நடிப்பில் தற்போது மார்ஷல் படம் உருவாகி வருகிறது.

‘டூரிஸ்ட் ஃபேமிலி’க்காக சசிகுமாருக்கு விருது… ‘காந்தா’வுக்காக சமுத்திரக்கனிக்கு விருது!

ராகேஷ் தாரா — Tue, 15 Sep 2026 20:43:21 +0530

நட்பிலும், திரைப்பயணத்திலும் நீண்ட காலமாக இணைந்து பயணித்து வரும் சசிகுமாரும் சமுத்திரக்கனியும், ஒரே விருது விழாவில் தங்களது படைப்புகளுக்காக அங்கீகாரம் பெற்றிருப்பது ரசிகர்களிடையே மகிழ்ச்சியை ஏற்படுத்தியுள்ளது.

தமிழ், தெலுங்கு, மலையாளம், கன்னடம் உள்ளிட்ட பல மொழிகளில் தனது இயல்பான மற்றும் யதார்த்தமான நடிப்பால் தனக்கென ஒரு தனி அடையாளத்தை உருவாக்கியுள்ள சமுத்திரக்கனி, ‘காந்தா’ திரைப்படத்தில் தனது சிறப்பான நடிப்பிற்காக இந்த விருதை வென்றுள்ளார்.

ஒரு கதாபாத்திரத்தை வெறுமனே நடித்துக் காட்டாமல், அதன் உணர்வுகளையும் தன்மையையும் உள்வாங்கி இயல்பாக வெளிப்படுத்துவது சமுத்திரக்கனியின் தனிச்சிறப்பு. கதாபாத்திரங்களும் மொழிகளும் மாறினாலும், அவரது நடிப்பின் தனித்துவம் தொடர்ந்து நிலைத்து நிற்கிறது.

இந்த அங்கீகாரத்தை வழங்கிய SIIMA குழுவினருக்கும், நடுவர் குழுவினருக்கும் சமுத்திரக்கனி தனது மனமார்ந்த நன்றியைத் தெரிவித்துள்ளார். மேலும், ‘காந்தா’ படத்தின் இயக்குநர் செல்வமணி செல்வராஜ், தயாரிப்பாளர்கள் ராணா டகுபதி, துல்கர் சல்மான், பிரசாந்த் பொட்லூரி, ஜோம் வர்கீஸ் மற்றும் ஒட்டுமொத்த படக்குழுவினருக்கும் தனது நன்றியைத் தெரிவித்துள்ளார்.

நடிப்பில் தொடர்ந்து பல்வேறு மொழிகளில் பயணித்து வரும் சமுத்திரக்கனி, வெற்றிமாறன் இயக்கத்தில் சிம்பு நடிக்கும் ‘அரசன்’, மற்றும் ராஜன் வகையறா , முத்தையா இயக்கத்தில் அருண் விஜய் நடிக்கும் ‘இருளன்’, ராஷ்மிகா மந்தனா நடிக்கும் ‘மைசா’, பூஜா அபர்ணா கொல்லூரு இயக்கத்தில் அக்ஷய் கண்ணா நடிக்கும் ‘மகாகாளி’, மன்சு மனோஜ் உடன் டேவிட் ரெட்டி மற்றும் கோபிசந்த் மாலினேனி இயக்கத்தில் நந்தமூரி பாலகிருஷ்ணா நடிக்கும் ‘NBK 111’ உள்ளிட்ட பல்வேறு படங்களில் முக்கிய கதாபாத்திரங்களில் நடித்து வருகிறார்.

மேலும், பிரசாந்த் வர்மா இயக்கத்தில் உருவாகி வரும் ‘ஜெய் ஹனுமான்’ திரைப்படத்தில் ரிஷப் ஷெட்டி கதாநாயகனாக நடிக்க, சமுத்திரக்கனி முக்கிய கதாபாத்திரத்தில் நடித்து வருகின்றார் அதேபோல், பிரசாந்த் வர்மாவின் சினிமாட்டிக் யூனிவர்ஸில் உருவாகும் ‘மகாகாளி’ திரைப்படத்திலும் சமுத்திரக்கனி முக்கிய கதாபாத்திரத்தில் நடித்து வருகிறார்.

இதனிடையே, சமுத்திரக்கனி இயக்கி நடிக்கும் ‘School Bus’ திரைப்படத்தில் சசிகுமார்,கிச்சா சுதீப் , மிஷ்கின் முக்கிய கதாபாத்திரத்தில் நடிக்கிறார். கன்னடம் மற்றும் தெலுங்கில் ஏற்கனவே வெளியான அறிவிப்பைத் தொடர்ந்து, தமிழிலும் ‘School Bus’ திரைப்படம் குறித்த பிரம்மாண்டமான அறிவிப்பு விரைவில் வெளியாக உள்ளது.

எம் எஸ் சுப்புலட்சுமி பையோபிக்கில் ராஷ்மிகா மந்தனா

ராகேஷ் தாரா — Tue, 15 Sep 2026 20:40:38 +0530

சில குரல்கள் அவ்வப்போது கேட்கப்படும். சில குரல்கள் நினைவில் நிலைத்திருக்கும். ஆனால், ஒரு நாட்டின் ஆன்மாவோடு இரண்டறக் கலந்துவிடும் குரல்கள் வெகு சிலவே. அத்தகைய மகத்தான கலை ஆளுமைகளில் ஒருவர் பாரத ரத்னா எம்.எஸ். சுப்புலட்சுமி அம்மா.

மொழி, எல்லை, தலைமுறை என அனைத்து வரம்புகளையும் கடந்து அவரது இசை பயணித்தது. கோடிக்கணக்கான மக்களின் உள்ளங்களில் பக்தியையும் உணர்வையும் விதைத்த அவரது குரல், இந்தியாவின் கலாச்சார அடையாளத்தின் அழியாத அங்கமாக மாறியது. அவர் மறைந்து பல ஆண்டுகள் கடந்த பின்னரும், அவரது இசை, வீடுகள், கோயில்கள், இசை அரங்குகள் என தொடர்ந்து ஒலித்துக் கொண்டிருக்கிறது.

இந்நிலையில், அவரது 110-வது பிறந்தநாளை முன்னிட்டு, எம்.எஸ். சுப்புலட்சுமி அம்மாவின் வாழ்க்கையை மையமாகக் கொண்ட பிரம்மாண்டமான பயோபிக் திரைப்படம் அதிகாரப்பூர்வமாக அறிவிக்கப்படுகிறது. சென்னையில் உள்ள தி மியூசிக் அகாடமியில் நடைபெறும் இந்த அறிவிப்பு, இந்திய பாரம்பரிய இசை வரலாற்றுடன் ஆழமாக தொடர்புடைய இந்த இடத்தை மேலும் சிறப்பிக்கிறது.

பல ஆண்டுகளின் முயற்சிக்கு கிடைத்த வெற்றி

இத்தகைய மிகப்பெரிய ஆளுமையின் வாழ்க்கையை திரையில் பதிவு செய்வது சாதாரணமான முயற்சி அல்ல. அவரது வாழ்க்கையை உண்மைத் தன்மையுடனும் உரிய மரியாதையுடனும் சொல்ல, தேவையான உரிமைகள், அனுமதிகள், இலக்கிய ஆதாரங்கள் மற்றும் குடும்பத்தினருடனான தொடர்புகள் என பல்வேறு பணிகள் பல ஆண்டுகளாக மேற்கொள்ளப்பட்டுள்ளன.

அந்த நீண்ட பயணம் தற்போது ஒரு முக்கியமான கட்டத்தை எட்டியுள்ளது. எம்.எஸ். சுப்புலட்சுமி அம்மாவின் வாழ்க்கை இனி சினிமா எனும் மொழியின் வழியாக உலகம் முழுவதும் சென்றடைய இருக்கிறது.

இரு தலைமுறைகளை இணைக்கும் இசைப் பாலம்

இந்தப் படத்தின் முக்கியமான சிறப்பம்சங்களில் ஒன்றாக, எம்.எஸ். சுப்புலட்சுமி அம்மாவின் காலத்தால் அழியாத இசை மரபை இன்றைய தலைமுறையுடன் இணைக்கும் முயற்சி அமைந்துள்ளது.

இன்றைய தலைமுறையின் முன்னணி இசை ஆளுமைகளில் ஒருவரான அனிருத் ரவிச்சந்தர் இப்படத்திற்கு இசையமைக்கிறார். இளைஞர்களை உடனடியாக ஈர்க்கும் வகையிலும், அதே நேரத்தில் உணர்வுபூர்வமான மற்றும் கலாச்சாரத் தொடர்பை தக்கவைக்கும் வகையிலும் இசையை உருவாக்கும் அனிருத்தின் பங்களிப்பு, எம்.எஸ். சுப்புலட்சுமியின் இசை உலகத்தையும் புதிய தலைமுறையையும் இணைக்கும் முக்கிய பாலமாக அமையும்.

எம்.எஸ். சுப்புலட்சுமியாக ராஷ்மிகா மந்தனா

இந்த பிரம்மாண்டமான பயணத்தின் மையக் கதாபாத்திரமாக ராஷ்மிகா மந்தனா, எம்.எஸ். சுப்புலட்சுமி அம்மாவின் கதாபாத்திரத்தில் நடிக்கிறார்.

புதிய தலைமுறையின் மிகவும் பிரபலமான நடிகைகளில் ஒருவரான ராஷ்மிகாவுக்கு, இசையையும் சினிமாவையும் தாண்டி இந்திய மக்களின் மனங்களில் இடம்பெற்ற ஒரு மாபெரும் ஆளுமையை திரையில் பிரதிபலிக்கும் மிகப்பெரிய பொறுப்பு வழங்கப்பட்டுள்ளது.

அவரது நடிப்பின் மூலம், உலகம் அறிந்த அந்த புகழ்பெற்ற குரலுக்குப் பின்னால் இருந்த பெண்ணை — அவரது உணர்வுகள், ஆசைகள், போராட்டங்கள், மனவலிமை மற்றும் ஆன்மிகப் பயணம் ஆகியவற்றை புதிய தலைமுறைக்கு நெருக்கமாகக் கொண்டு செல்லும் முயற்சி மேற்கொள்ளப்படுகிறது.

மகத்தான வாழ்க்கையை சொல்லும் நட்சத்திரக் கூட்டணி

எம்.எஸ். சுப்புலட்சுமி அம்மாவின் சாதனை வாழ்க்கையையும் மரபையும் அனைத்து தலைமுறை ரசிகர்களிடமும் கொண்டு சேர்க்கும் நோக்கில், தயாரிப்பாளர்கள் அல்லு அரவிந்த், ராக்லைன் வெங்கடேஷ் மற்றும் பன்னி வாசு ஆகிய மூவரும் இணைந்து இப்படத்தை தயாரிக்கின்றனர்.

தனித்துவமான கதை சொல்லல் பாணிக்காக அறியப்படும் கவுதம் தின்னனூரி இப்படத்தை இயக்குகிறார். இது வெறுமனே ஒரு பாடகியின் வாழ்க்கைக் கதை அல்ல.இசையை பக்தியாகவும், பக்தியை உணர்வாகவும், அந்த உணர்வை தலைமுறைகளை கடந்து வாழும் மரபாகவும் மாற்றிய ஒரு பெண்ணின் வாழ்க்கைக் கதை. எம்.எஸ். சுப்புலட்சுமியின் 110-வது பிறந்தநாளில் தொடங்கும் புதிய அத்தியாயம்

அவரது 110-வது பிறந்தநாளில் இந்தத் திரைப்படம் அறிவிக்கப்படுவது கூடுதல் முக்கியத்துவம் பெறுகிறது. இன்றும் உலகம் முழுவதும் எம்.எஸ். சுப்புலட்சுமி அம்மாவின் இசை மீண்டும் மீண்டும் கண்டறியப்பட்டு கொண்டிருக்கும் நிலையில், அவரது அசாதாரண வாழ்க்கைப் பயணத்தை வருங்கால தலைமுறைகளுக்காகப் பதிவு செய்து வழங்கும் பொறுப்பை சினிமா ஏற்றுக்கொள்கிறது.