மீண்டும் மாஸா வரப்போகிறார் குணசேகரன் என்பதை எதிர்நீச்சல் நீரியல் புரோமோவில் கூறப்பட்டுள்ளது.
சன் டிவியில் ஒளிபரப்பாகும் எதிர்நீச்சல் சீரியலுக்கு ரசிகர்கள் ஏராளம். ஆணாதிக்கம் மற்றும் அடக்கு முறைக்கு எதிராக போராடும் குடும்ப பெண்களின் வாழ்க்கையை கூறும் இந்த சீரியலில் ஒவ்வொரு கேரக்டரும் பெரிதாக மக்களை கவர்ந்தது. டிஆர்பியிலும் எதிர்நீச்சல் சீரியல் முன்னணியில் இருந்து வந்தது.
இந்த நிலையில் துரதிர்ஷ்டவசமாக எதிர்நீச்சல் சீரியலில் ஆதி குணசேகரனாக முக்கிய ரோலில் நடித்த மாரிமுத்து கடந்த 8ம் தேதி மாரடைப்பால் உயிரிழந்தார். அவரது இழப்பு திரைத்துறையில் ஈடு செய்ய முடியாத பேரிழப்பாக அமைந்தது. எதிர்நீச்சல் சீரியலின் பிரதான கேரக்டராக இருந்த ஆதிகுணசேகரனை கட்சிதமாக தனது நடிப்பில் காட்டி ஏராளமான ரசிகர்களை பெற்றிருந்தார் மாரிமுத்து. அவரது மறைவு திரைத்துறை மட்டும் இல்லாமல் ரசிகர்களையும் அதிர்ச்சி அடைய செய்துள்ளது. எதிர்நீச்சல் சீரியலின் அடுத்த குணசேகரன் யார் என்ற கேள்வியையும் ரசிகர்கள் வைத்து வந்தனர்.
ஆனால், ஆதிகுணசேகரன் கேரக்டரையும் யாராலும் மாற்றியமைக்க முடியவில்லை என்பது சீரியல் வட்டாரத்தில் கூறப்பட்டது. ஆதிகுணசேகரன் இல்லாமல் சீரியல் பார்க்க விரும்பவில்லை என்றும் ரசிகர்கள் கூறி வந்தனர். மாரிமுத்து இறப்பால், ஆதிகுணசேகரன் கடிதம் எழுதி வைத்து விட்டு வீட்டை விட்டு வெளியேறுவதாக இயக்குநர் காட்டி இருப்பார். ஆதிகுணசேகரனை அவரது தம்பிகள் தேடி அலைவது இதுவரை வந்த எபிசோடுகளில் காட்டப்பட்டது.
இந்த நிலையில் ஆதிகுணசேகரின் ரீ எண்ட்ரி புரோமோவை சீரியல் நிர்வாகம் வெளியிட்டுள்ளது. அதில், ஈஸ்வரி, ஜனனியிடம் அவர் எப்போது வருவார் என கேட்பதும், அதற்கு ஈஸ்வரி, குணசேகரன் ஏற்கெனவே கிளம்பி விட்டார் வந்து கொண்டிருக்கிறார். நாம் எதையும் சமாளிக்க தயாராக இருக்க வேண்டும் என கூறுகிறார். இதற்கிடையே குணசேகரன் நடந்து வருவது போன்ற காட்சிகளும், பின்னணியில் ஜெயிலர் படத்தின் ஜுஜுபி பாடலான களவாணி கண்ணையா பாடலும் இடம்பெற்றுள்ளது.
மாஸ் எண்ட்ரியாக ஆதிகுணசேகரன் வருவார் என்ற கேப்ஷனையும் எதிர்நீச்சல் சீரியல் வெளியிட்டுள்ளது. இதனால், ஆதிகுணசேகரன் யாராக இருக்கும் என்ற எதிர்பார்ப்பும் அதிகரித்துள்ளது. இதற்கு முன்னதாக ஆதிகுணசேகரன் கேரக்டரில் வேல ராமமூர்த்தியை நடிக்க வைக்க அணுகியதாகவும், அவரே ஆதிகுணசேகரனாக வருவார் என்ற தகவல்களும் பரவி வருகின்றன. இதனால் ஆதிகுணசேகரனி பார்க்க ரசிகர்கள் ஆவலுடன் காத்திருக்கின்றனர்.
மேலும் படிக்க: Bigg boss 7 Tamil: கூல் சுரேஷ் முதல் பவா செல்லதுரை வரை... இவங்க எல்லாரும் தான் பிக்பாஸ் சீசன் 7 போட்டியாளர்களா!