தமிழில் பிரபல தயாரிப்பு நிறுவனமாக விளங்கும் ட்ரீம் வாரியர்ஸ் நிறுவனம் , சிறந்த படங்களை வழங்கி வருகிறது,
சகுனி
ஜோக்கர்
காஷ்மோரா
கூட்டத்தில் ஒருவன்
தீரன் அதிகாரம் ஒன்று
அறுவி
என்.ஜி.கே
ராட்சசசி
கைதி
சுல்தான்
ஓ2
வட்டம்
கணம்
ஆகிய படங்களை தயாரித்துள்ளது.
போலா(கைதி இந்தி) மற்றும் ரவிக்குமார் இயக்கும் சூர்யா 43 ஆகிய படங்களை தயாரிக்க உள்ளனர். இது தவிர, கே.ஜி.எப் உள்ளிட்ட பிரம்மாண்ட படங்களையும் வெளியிட்டு வருகிறது.
சமீபத்தில் தமிழில் அவர்கள் வெளியிட்ட கணம், தெலுங்கி ஒக்கே ஒக்க ஜீவிதம் படங்கள் பெரிய ஹிட் அடித்த நிலையில், தனது அடுத்த படைப்பை இன்று வெளியிட உள்ளது ட்ரீம் வாரியர்ஸ் நிறுவனம். விசாரித்த வரையில், இது பெண் ஒருவரின் கதையை மையமாக வைத்த கதை என கூறப்படுகிறது. ஐஸ்வர்யா ராஜேஷ் நடித்திருப்பதாக கூறப்படும் இத்திரைப்படம், ஒரு சமூகத்தை சேர்ந்த பெண்ணின் வாழ்வியல் முறையை பற்றியது எனக்கூறப்படுகிறது.
சமூகத்தில் பெரிய தாக்கத்தை ஏற்படுத்தும் என கூறப்படும் இத்திரைப்படம், ட்ரீம் வாரியர்ஸ் தயாரிப்பில் சிறந்த படைப்பாக இருக்கும் என்றும் கூறப்படுகிறது. இன்று மாலை 5 மணிக்கு அது தொடர்பான முறையான அறிவிப்பு வெளியாகவிருக்கும் நிலையில், விரைவில் அத்திரைப்படம் வெளியாகும் தேதி உள்ளிட்டவையும் அறிவிக்கப்பட வாய்ப்புள்ளதாக தெரிகிறது. முக்கிய இயக்குனர் உள்ளிட்ட பிரபல நட்சத்திரங்கள் பலரும் அத்திரைப்படத்தில் நடித்திருப்பதாக கூறப்படுகிறது.
அந்த படத்தை தான் வெளியிடப் போகிறார்களா, அல்லது வேறு படத்தின் அறிவிப்பு வரப்போகிறதா என்பதும் இன்னும் உறுதிசெய்யப்படவில்லை. இருந்தாலும், ஐஸ்வர்யா ராஜேஷ் நடித்த படத்திற்கான அறிவிப்பாக இருக்கவே அதிக வாய்ப்பு எனத் தெரிகிறது.