டிராகன்
பிரதீப் ரங்கநாதன் நடித்து கடந்த மாதம் வெளியாகிய டிராகன் திரைப்படம் 100 கோடி வசூலை எட்டியுள்ளது. இந்த ஆண்டு இதுவரை வெளியான படங்களில் மிகப்பெரிய வெற்றியை டிராகன் அடைந்துள்ளது. ஓ மை கடவுளே படத்தின் மூலம் ரசிகர்களிடம் கவனம் பெற்ற அஸ்வத் மாரிமுத்து இந்த படத்தை இயக்கியுள்ளார். மரியம் ஜார்ஜ் , அனுபமா பரமேஸ்வர் , கயடு லோஹர் , கெளதம் மேனன், விஜே சித்து , அர்ஷத் கான் உள்ளிட்ட பலர் இப்படத்தின் வெற்றிக்கு சிறப்பாக பங்காற்றியிருக்கிறார்கள். லியோ ஜேம்ஸின் இசை ரசிகர்களை லூப்பில் கேட்கவைக்கிறது. 37 கோடி பட்ஜெட்டில் உருவான டிராகன் படம் 100 கோடி வசூலீட்டிய வெற்றியை படக்குழு பார்ட்டி வைத்து கொண்டாடியது.
டிராகன் சக்ஸஸ் மீட்
டிராகன் பட வெற்றிக் கொண்டாட்டத்தில் படத்தின் இயக்குநர் , பிரதீப் ரங்கநாதன் , அர்ச்சனா கல்பாத்தி ஆகிய மூவரும் நடனமாடினார்கள். அஸ்வத் மாரிமுத்து நாளைய இயக்குநர் நிகழ்ச்சிக்காக இயக்கிய குறும்படத்தை கலாய்த்து அவர்கள் ஆடியது ரசிகர்களை கவர்ந்துள்ளது. இந்த வீடியோ தற்போது சோசியல் மீடியாவில் வைரலாகி வருகிறது.