ஜூனியர் என்.டி.ஆர் நடித்துள்ள தேவரா
கொரட்டாலா சிவா இயக்கத்தில் ஜூனியர் என்.டி.ஆர் நடித்துள்ள தேவரா படம் வரும் செப்டம்பர் 27 ஆம் தேதி வெளியாக இருக்கிறது. ஜான்வி கபூர் , சைஃப் அலிகா உள்ளிட்டவர்கள் இப்படத்தில் நடித்துள்ளார்கள். அனிருத் இப்படத்திற்கு இசையமைத்துள்ளார். தேவரா படத்தின் பத்திரிகையாளர் சந்திப்பு கடந்த செப் 17 ஆம் தேதி சென்னையில் நடைபெற்றது. இந்த நிகழ்ச்சியில் பேசிய நடிகர் ஜூனியர் என்.டி.ஆர் வெற்றிமாறன் படத்தில் தனக்கு இருக்கும் விருப்பத்தை வெளிப்படுத்தினார். வெற்றிமாறன் ஓகே சொன்னால் நேரடியாக தமிழில் ஒரு படம் நடித்து தெலுங்கி அதை டப்பிங் செய்து வெளியிட கூட தான் தயார் என அவர் தெரிவித்துள்ளார். இதனைத் தொடர்ந்து தற்போது நடிகர் விஜயை ஜூனியர் என்.டி.ஆர் பாராட்டி பேசியுள்ளது ரசிகர்க்ளை கவர்ந்துள்ளது.
அலட்டிக்கொள்ளாமல் ஆடக்கூடியவர் விஜய்
” டான்ஸ் என்றால் அது டான்ஸ் மாதிரி தான் இருக்க வேண்டும் . சண்டைக்காட்சி மாதிரியோ , ஜிம்னாஸ்டிக் மாதிரியோ இருக்கக் கூடாது. டான்ஸ் என்றால் அது விஜய் சார் ஆடுவது மாதிரி இருக்க வேண்டும் . விஜய் ஆடினால் அவர் கஷ்டப்பட்டு ஆடுவத் மாதிரியே தெரியாது. அலட்டிக்கொள்ளாமல் அவர் டான்ஸ் ஆடக்கூடியவர். விஜய் சாரின் டான்ஸூக்கு நான் பெரிய ரசிகன்” என அவர் நிகழ்ச்சி ஒன்றில் தெரிவித்துள்ளார்.
தி கோட்
விஜயின் தி கோட் திரைப்படம் திரையரங்குகளில் இரண்டாம் வாரத்தில் அடி எடுத்து வைத்துள்ளது. மொத்தம் 13 நாட்களில் இப்படம் உலகளவில் 413 கோடி வசூலித்துள்ளதாக படக்குழு சார்பாக தகவல் வெளியாகியுள்ளது. விஜய் வரும் அக்டோபர் மாதம் தனது கடைசி படமான தளபதி 69 படத்தின் படப்பிடிப்பை தொடங்க இருக்கிறார். எச்.வினோத் இப்படத்தை இயக்க இருக்கிறார். அனிருத் இசயமைக்கிறார். கே.வி.என் ப்ரோடக்ஷன்ஸ் இப்படத்தை தயாரிக்கிறது.