தெலுங்கு நடிகர் நாக சைதன்யா, க்ரித்தி ஷெட்டி, அரவிந்த் சாமி, சரத்குமார், பிரேம்ஜி, சம்பத் ராஜ், பிரியாமணி ஆகியோர் நடிப்பில் இன்று திரையரங்குகளில் வெளியாகியுள்ள திரைப்படம் ‘கஸ்டடி’. கோலிவுட்டில் தனக்கென தனி ரசிகர் பட்டாளத்தைக் கொண்டுள்ள இயக்குநர் வெங்கட் பிரபு இந்தப் படத்தை இயக்கியுள்ளார். மாமனிதன் படத்துக்குப் பிறகு இளையராஜாவும் அவரது மகன் யுவனும் இணைந்து இந்தப் படத்துக்கு இசையமைத்துள்ளனர்.
கஸ்டடி விமர்சனம்:
சென்ற ஆண்டு நவம்பர் மாதம் இப்படத்தின் ஃபர்ஸ்ட் லுக் போஸ்டர் மற்றும் டைட்டில் வெளியாகி ரசிகர்களை ஈர்த்தது. தொடர்ந்து மார்ச் மாதம் இந்தப் படத்தின் டீசரும் கடந்த மே 5ஆம் தேதி இந்தப் படத்தின் ட்ரெய்லரும் வெளியாகி வரவேற்பைப் பெற்றது. காவல் துறை அதிகாரியாக நாகசைதன்யா இப்படத்தில் நடித்துள்ள நிலையில், விறுவிறுப்பான சேஸிங் காட்சிகள் ட்ரெய்லரில் இடம்பெற்றிருந்தன.
தமிழ், தெலுங்கு என இரு மொழிகளில் இப்படம் வெளியாகியுள்ள நிலையில், வெங்கட் பிரபு ஸ்பெஷல் படமாக இப்படம் அமைந்ததா, ரசிகர்கள் சொல்வது என்ன எனப் பார்க்கலாம்!