சந்திராயன் -3 விண்கலத்தின் விக்ரம் லேண்டர் நிலவின் தென் துருவப்பகுதியில் தரையிறங்கியதை கொண்டாடும் விதமாக சினிமா பிரபலங்கள் இணையத்தளத்தில் வாழ்த்து கூறி வருகின்றனர்.
பிரபலங்கள் வாழ்த்து:
நடிகர் மாதவன் தனது இன்ஸ்டகிராமில், ”எவ்வளவு பெரிய சாதனை இது...குறைந்த பட்ஜெட்டில் நிலவின் தென் துருவத்தை இந்தியா அடைந்துள்ளது. மிகவும் சந்தோஷமாக உணர்கிறேன். நிலவை சந்திராயன் டச் செய்த அந்த தருணத்தை வர்ணிக்க வார்த்தைகள் இல்லை. இஸ்ரோ விஞ்ஞானிகளுக்கு வாழ்த்துகள். நான் மிகவும் மகிழ்ச்சியாக உணர்கிறேன். தொடர்ந்து எங்களை பெருமைப்படுத்துங்கள்...இந்திய அரசுகும், பிரதமருக்கும், அனைத்து இந்திய மக்களுக்கும் வாழ்த்துகள்” என மிகவும் நெகிழ்ச்சியாக பேசியுள்ளார்.
சுந்தர் சி:
”நிலவை இந்தியா தொட்ட அந்த நொடி எவ்வளவு பெருமையானது...லவ் யூ டூ மூன்....” என நடிகர் சுந்தர் சி வாழ்த்தியுள்ளார்.
ஏ,ஆர்.ரஹ்மான் பாராட்டு:
இஸ்ரோவின் சாதனையை கொண்டாடும் விதமாக தான் பாடிய வந்தே மாதரம் பாடலின் வீடியோவை இசைப்புயல் ஏ.ஆர். ரஹ்மான் தனது டிவிட்டர் பக்கத்தில் பகிர்ந்துள்ளார்.
ஷாருக்கான் வாழ்த்து:
'சந்திராயன் -3 வெற்றிகரமாக நிலவியல் தரையிறங்கியுள்ளது. ஒட்டுமொத்த இந்தியாவுக்கும், இஸ்ரோ விஞ்ஞானிகளுக்கும், பொறியாளர்களுக்கும் வாழ்த்துகள்' என பாலிவுட் நடிகர் ஷாருக்கான் கூறியுள்ளார்.
பாலிவுட் பிரபலங்கள்:
பாலிவுட் நடிகர் ஷாக்கி ஷெராஃப் இந்தியாவுக்கு பெருமை என கூறியுள்ளார்.
நடிகை காஜல் அகர்வால் வரலாற்று சாதனை என டிவிட்டர் பதிவில் குறிப்பிட்டுள்ளார்.
நடிகர் அனில் கபூர் இந்திய விண்வெளி தொழில்நுட்பம் மற்றும் மேதமையின் அற்புதமான காட்சி என குறிப்பிட்டுள்ளார்.
நடிகர் ஹிருத்திக் ரோஷன், நிலவில் தரையிறங்கிய சந்திராயன் -3 காக அனைவருக்கும் வாழ்த்துகள் என கூறியுள்ளார்.
நடிகர் அஜய் தேவ்கன் வரலாற்றின் இந்த தருணத்தில் வாழ்வதில் பெருமை, வியப்பு, உற்சாகம், பெருமை!! என பதிவிட்டுள்ளார்.