இஸ்லாமியர்களின் முக்கிய பண்டிகைகளில் ஒன்றாக விளங்குவது ரம்ஜான். உலகம் முழுவதும் உள்ள இஸ்லாமியர்களால் ரம்ஜான் பண்டிகை மிகச்சிறப்பாக கொண்டாடப்படுவது வழக்கம். இதற்காக, இஸ்லாமியர்கள் ஒரு மாத காலம் நோன்பிருந்து ரம்ஜான் பண்டிகையை கொண்டாடுவார்கள். தமிழகம் முழுவதும் 14-ஆம் தேதி ரம்ஜான் பண்டிகை கொண்டாடப்படும் என்று ஏற்கனவே தலைமை காஜி அறிவித்திருந்தார். இதன்படி, தமிழகத்தில் நாளை ரம்ஜான் பாண்டிகை சிறப்பாக கொண்டாடப்பட உள்ளது.
இதையடுத்து, தமிழக முதலமைச்சர் மு.க.ஸ்டாலின் தமிழக மக்களுக்கு ரம்ஜான் பண்டிகை வாழ்த்துகளை கூறியுள்ளார். இதுதொடர்பாக, அவர் வெளியிட்ட வாழ்த்துச் செய்தியில் கூறியிருப்பதாவது, “ தியாகமும், ஈகையும் இணைந்த மார்க்க நெறியினைப் பின்பற்றி வரும் இஸ்லாமியர்களுக்கு எனது இனிய ரமலான் நல்வாழ்த்துக்கள். தமிழக மக்களுக்கே உரிய பெருமைக்குரிய பண்பாடான அனைத்து மத சகோதரத்துவம் என்றென்றும் நீடித்து நிலைத்திருக்கும் வகையில், பெருநாள் அமையட்டும் என்று பதிவிட்டுள்ளார் .
இந்நிலையில் , நடிகர் துல்கர் சல்மான் தனது இன்ஸ்டாகிராம் பக்கத்தில் தனது மனைவி மகளுடன் அழகான புகைப்படத்தை பகிர்ந்துள்ளார் . " எங்களிடம் இருந்து அனைவருக்கும் ரம்ஜான் வாழ்த்துக்கள். அனைவரும் வீட்டில் பாதுகாப்பாக இருங்கள் என்று பதிவிட்டு இருந்தார் . துல்கர் சல்மானின் மிக நெருங்கிய தோழியான நஸ்ரியா மற்றும் நடிகர் டோவினோவும் தங்களின் வாழ்த்துக்களை துல்கருக்கு தெரிவித்துள்ளனர் .
இவர்களை தொடர்ந்து நடிகை நஸ்ரியாவும் தனது கணவருடன் ரம்ஜான் புகைப்படத்தை பகிர்ந்துள்ளார் .பொதுவாக நஸ்ரியா சமூகவலைத்தளத்தில் அதிகம் புகைப்படங்களை பகிர்ந்து வருவார். அவர் பதிவுசெய்யும் அணைத்து புகைப்படங்களும் வைரலாகும். அதேபோல இந்த ஜோடியின் ரம்ஜான் புகைப்படமும் இணையத்தில் வைரலாகியுள்ளது. ”நடிகர் மோகன்லால் அவர்களும் தனது இணையத்தில் ஈத் முபாரக் வாழ்த்துக்களை கூறியுள்ளார்