பிளாக் பாந்தர்: வகாண்டா ஃபாரெவர் படத்தின் டீசர் வெளியாகியுள்ளது.
2018 ஆம் ஆண்டு வெளியான சூப்பர் ஹீரோ படமான ப்ளாக் பேந்தர், ரசிகர்கள் மத்தியில் மாபெரும் வரவேற்பை பெற்று உலக அளவில் கவனம் பெற்றது. குறிப்பாக கருப்பின மக்களிடையே மிகப்பெரிய வரவேற்பை பெற்றது. இந்தப்படத்தில் பிளாக் பேந்தராக நடித்த நாயகன் சாட்விக் போஸ்மேன் உலக அளவில் கவனம் பெற்று சர்வதேச நட்சத்திரமாக உயர்ந்தார்.
இந்தப்படத்தின் முதல் பாகம் பெரிய வெற்றி பெற்றதையடுத்து, இந்தப்படத்தின் இராண்டாம் பாகத்திற்கு ரசிகர்கள் மத்தியில் எக்கச்சக்க எதிர்பார்ப்பு நிலவி வந்தது. இந்தநிலையில்தான் சாட்விக் போஸ்மேன் புற்றுநோயால் பாதிக்கப்பட்டு கடந்த 2016 ஆம் ஆண்டிலிருந்து சிகிச்சைப் பெற்று வந்தது தெரிந்தது. தொடர்ந்து உடல்நிலை மோசமானதை தொடர்ந்து, லாஸ் ஏஞ்சல்ஸ் நகரில் உள்ள தனது வீட்டில் சிகிச்சை பெற்று வந்த அவர், கடந்த 2020 ஆம் ஆண்டு உயிரிழந்தார்.
இந்த செய்தி ரசிகர்கள் மத்தியில் பெரும் சோகத்தை ஏற்படுத்தியது. இதனைத்தொடர்ந்து இந்தப்படத்தின் இராண்டாம்பாகமான பிளாக் பாந்தர்: வகாண்டா ஃபாரெவர் படத்தின் படப்பிடிப்பு பணிகள் தொடங்கின. இதனையடுத்து இராண்டாம் பாகம் சாட்விக் போஸ்மேன் இல்லாமல் எப்படி இருக்கும்?.. வேறு ஒருவரின் மூலம் அவர் நடிக்க வைக்கப்படுவாரா என்ற கேள்வி எழுந்தது.
ஆனால் ப்ளாக் பேந்தர் தயாரிப்பு நிறுவனமான மார்வெல் சாட்விக் போஸ்மேன் மீண்டும் வரமாட்டார் என்று அறிவித்ததோடு, துணைக்கதாபாத்திரங்களை வைத்து படத்தை நகர்த்த முடிவு செய்தது. இந்தப்பாகத்தில் அவரது இறப்பது தொடர்பான காட்சிகள் இடம் பெற்றுள்ளதாக தெரிகிறது. இந்த நிலையில் தற்போது வெளியிடப்பட்டிருக்கும், பிளாக் பாந்தர்: வகாண்டா ஃபாரெவர் டீசர் அவரது இறப்பிற்கு அஞ்சலி செலுத்தும் விதமாக வந்துள்ளது.