Bigg Boss Tamil Season 7: விஜய் டிவியில் ஒளிபரப்பாகி வரும் பிக்பாஸ் நிகழ்ச்சி மிகவும் சுவாரஸ்யமாக சென்று கொண்டுள்ளது. 70 நாட்களை நெருங்கும் இந்த போட்டியில் இனி வரும் வாரங்களில் இரண்டு நபர்கள் எவிக்ட் செய்யப்படுவார்கள் என எதிர்பார்க்கப்படுகின்றது.
70 நாட்களை நெருங்கும் இந்த போட்டியில் தற்போது சரவண விக்ரம், மாயா, பூர்ணிமா, ரவீனா, மணிச்சந்திரா, கூல் சுரேஷ், விஷ்ணு, தினேஷ், நிக்சன், விசித்ரா, விஜய் வர்மா, அனன்யா மற்றும் அர்ச்சனா என மொத்தம் 13 போட்டியாளர்கள் வீட்டிற்குள் உள்ளனர். இந்த வாரம் எவிக்சன் இல்லை என ஏற்கனவே பிக்பாஸ் தரப்பில் தெரிவிக்கப்பட்டு இருந்தது.
ஆனால் இந்நிலையில், போட்டியாளர்கள் அர்ச்சனா மற்றும் நிக்சன் இடையே கடுமையான வாக்கு வாதம் நடந்தது. இதில் நிக்சன், “ ச்சீ நீயெல்லாம் ஒரு பொண்ணா? மூஞ்சியப்பாரு? நான் எல்லாம் கலாய்ச்சனா நீ எல்லாம் 3 நாளைக்கு உக்காந்து அழுகனும், போடி, சொருகிடுவேன்” என மிகவும் ஆவேசமாக கூறினார். இது போட்டியாளர்கள் மத்தியில் மட்டும் இல்லாமல் ரசிகர்கள் மத்தியிலும் பெரும் பரபரப்பையும் புகைச்சலையும் கிளப்பியது.
ரசிகர்கள் நிக்சனுக்கு ரெட் கார்டு கொடுக்க வேண்டும். பிரதீப்க்கு ரெட் கொடுத்தார்கள் அல்லவா அப்படியானால் நிக்சனுக்கும் கொடுக்கவேண்டும். பிரதீப் செய்தால் தவறு, நிக்சன் செய்தால் தவறு இல்லையா? என்று கேள்வி எழுப்பி வருகின்றனர்.
ரசிகர்கள் மத்தியில் இவ்வாறு பேச்சுகள் அடிபட, போட்டியாளர்கள் தரப்பிலும், “நிக்சா நீ எப்படியும் இந்தவாரம் ஆவடிக்கு போயிடுவ உனக்கு எதுக்கு இந்த ஸ்டார்” என பேசப்பட்டது. இதனை நிக்சனும் எதிர்வினை ஆற்றாமல் அதனை அமைதியாக ஏற்றுக்கொண்டார். இந்நிலையில், இன்று வந்துள்ள புரோமோவில் அர்ச்சனா உரிமைக்குரல் எழுப்புகின்றார். தொகுப்பாளர் கமல் ஹாசன், போட்டியாளார் நிக்சன் கடந்த இரு தினங்களுக்கு முன்பாக அதாவது 7ஆம் தேதி வெளியான எப்பிசோடில் மற்றொரு போட்டியாளரான அர்ச்சனாவுடனான காரசாரமான விவாதத்தில் ”சொருகிடுவேன்” எனக் கூறியது குறித்து மிகவும் ஆவேசமாக கேட்கிறார்.
குறிப்பாக ’நிக்சன் நீங்கள் சொருகிடுவேன் எனக் கூறினீர்களே எங்கே சொருகுவீர்கள், இங்கேயா (கமல் தனது வயிற்றினைத் தொட்டு காட்டுகின்றார்), இல்லை இங்கேயா (கமல் தனது மார்பினைத் தொட்டு காட்டுகின்றார்), இல்லை இங்கேயா (கமல் தனது வலது கண்ணை வேட்டையாடு விளையாடு படத்தில் வரும் காட்சியைப் போல் காட்டுகின்றார்). இதற்கு பிக்பாஸ் போட்டியாளர்கள் கைத்தட்டுகின்றனர். அர்ச்சனா மிகவும் மகிழ்ச்சியாக உள்ளார். மேலும் கமல் நிக்சன் நீங்கள் சொருகுவதற்கு நான் ஒரு இடம் பார்த்து வைத்துள்ளேன் என “ஸ்ட்ரைக்” கார்டினைக் காட்டுகின்றார்.
ரசிகர்கள் அதிருப்தி:
இது பிக்பாஸ் ரசிகர்களில் ஒரு தரப்பினர் மத்தியில் பெரும் அதிருப்தியை ஏற்படுத்தியுள்ளது. சிலர் மிகவும் ஆவேசமாகவே தங்களது அதிருப்தியை வெளிப்படுத்தியுள்ளனர். ரசிகரில் ஒருவர், ’தவறு செய்யாத ஒருவனுக்கு ரெட் கார்டு.தவறு செய்பவர்களுக்கு மஞ்சள் கார்டு. கமல் சார் நீங்க எப்போதோ இந்த விளையாட்டில் தோல்வி அடைந்து விட்டீர்கள்’ என தெரிவித்துள்ளார். ஒருசிலரோ பிரதீப்புக்கு இந்த மாதிரி ரெட் கார்டு கொடுக்காமல் ஸ்ட்ரைக் கொடுத்திருக்கலாமே என எனவும் கூறி வருகின்றனர். ஒரு சில ரசிர்கள் மிகவும் காட்டமாக விமர்சித்துள்ளனர். அதாவது நான் அடிப்பதைப் போல் அடிக்கிறேன் நீ அழுவதைப் போல் அழு என கமல் நிக்சனிடம் கூறுகின்றதைப் போல் சித்தரித்து கூறி தங்களது அதிருப்தியை வெளிப்படுத்தியுள்ளனர்.
