Bigg Boss 5 Tamil Day 59: விஜய் டிவியில் ஒளிபரப்பாகும் பிக்பாஸ் சீசன் 5 நிகழ்ச்சியில் நாடியா, சின்னப்பொண்ணு, ஸ்ருதி, மதுமிதா, இசைவாணியை அடுத்து, நவம்பர் 28-ம் தேதி ஒளிபரப்பான எபிசோடில் ஐக்கி பெர்ரி எலிமினேட் செய்யப்பட்டார். இந்நிகழ்ச்சியைத் தொகுத்து வழங்கும் நடிகரும், மக்கள் நீதி மய்யத்தின் தலைவருமான கமலுக்கு கொரோனா தொற்று உறுதி செய்யப்பட்டதால், கடந்த வார பிக் பாஸ் சிறப்பு எபிசோடை நடிகை ரம்யா கிருஷ்ணன் தொகுத்து வழங்கினார்.
அதனை தொடர்ந்து, இந்த வாரத்தின் முதல் நாளன்று விளையாடி இமான் இந்த வாரத்திற்கான தலைவராக தேர்ந்தெடுக்கப்பட்டபோது, ஆளுமையை பயன்படுத்தி நிரூப் இமானின் தலைவர் பதவியை தட்டி பறிக்கிறார். அதனை தொடர்ந்து, அக்ஷ்ரா,பாவனி, சிபி, இமான், ப்ரியங்கா, வருண், அபிஷேக், ராஜூ, தாமரை மற்றும் அபினய் என 10 பேர் நாமினேட் ஆகியுள்ளனர்.
இந்நிலையில், நேற்று பிக் பாஸ் பிரேக்கிங் நியூஸ் நிகழ்ச்சி வீட்டிற்குள் அரங்கேறியது. இதில், ப்ரியங்கா - இமான், ப்ரியங்கா - தாமரைச்செல்வி மோதல் வெடிக்க, வீடு சண்டை களமானது. அந்த விளையாட்டு இன்றும் தொடர்கிறது. இதில், “சுயபுத்தியை இழந்து நிரூப்” என இமான் செய்தி வாசிக்க, நிரூப் கடுப்பாகிறார். அதனை தொடர்ந்து பேசிய அபிஷேக், ”அவர் பெரிய ப்ளேயர்னு நம்மதான் பில்ட்-அப் கொடுக்கிறோம். ஆனா, அவர் எதிரணிக்காக விளையாடுகிறார்” என நிரூப்பை சாடினார் அவர். இதனால், இந்த டாஸ்க்கில் அடுத்த வெடியை கொளுத்தி போட்டிருக்கிறார் பிக் பாஸ்.
மேலும் இன்றைய முக்கியச் செய்திகள்...
ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்