Bigg Boss 5 Tamil Day 25 Promo: விஜய் டிவியில் ஒளிபரப்பாகும் பிக்பாஸ் சீசன் 5 நிகழ்ச்சியின் அக்டோபர் 24-ம் தேதி எபிசோடில் வெளியேறப்போவது அபிஷேக்கா, சின்னப்பொன்னா, ஐக்கி பெரியா என்ற நிலையில் இருந்தபோது அபிஷேக் வெளியேற்றப்பட்டார். இந்த சீசனில் நாடியாவை அடுத்து இரண்டாவது எலிமினேஷனை சந்திதுள்ள பிக் பாஸ் வீட்டில், இந்த வாரத்திற்கான நாமினேஷனை போட்டியாளர்கள் பதிவு செய்தனர்.
அதனை அடுத்து, 25வது நாளுக்கான இரண்டாவது ப்ரொமோ சற்றுமுன் வெளியானது. இந்த வார தலைவராக மது தேர்ந்தெடுக்கப்பட்டார். நெருப்பு ஆற்றல் இருக்கும் நாணயத்தை இசைவாணி பெற்றிருந்தார். இதனால் பிக் பாஸ் அவரை அழைத்து, இந்த நாணயத்திற்கு உண்டான பவரை பயன்படுத்தி கொள்ளுமாறு இசைவாணிக்கு அறிவுறுத்தினார். இதனால், போட்டியாளர்களை கண்காணித்து கொண்டு, ஆர்டர் போட்டு வந்தார் இசைவாணி.
இந்நிலையில், மதுமிதாவுக்கும் இசைவாணிக்கும் மோதல் வெடித்தது போன்ற காட்சிகள் இரண்டாவது ப்ரொமோவில் இடம் பெற்றுள்ளன. ”நான் சொன்னா யாரும் கேக்கல. இப்ப அவங்கதான் (இசைவாணி) அதிகாரம் பண்றாங்க. பிறகு நான் எதுக்கு? நான் எதும் செய்யாம எல்லாரையும் தூங்க சொல்லவா நான் இருக்கேன்” என மற்ற போட்டியாளர்களைப் பார்த்து அழுது கொண்டே கேட்கிறார். மற்றொரு புறம், பாவனி மற்றும் ஸ்ருதியிடம் இசைவாணி அழுதுக்கொண்டே பேசிக் கொண்டிருக்கிறார். இதனால், இந்த வாரம் கண்ணீர் கடலாய் மாறியுள்ளது இந்த பிக்பாஸ் வீடு!
இதோ அந்த ப்ரொமோ வீடியோ உங்கள் பார்வைக்கு..
ப்ரொமோ:1
மேலும் இன்றைய முக்கியச் செய்திகள்...
ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்