கமல்ஹாசன் தொகுத்து வழங்கிய பிக்பாஸ் சீசன் -1 இல் பங்கேற்று டைட்டில் வின்னராக மாறியதன் மூலம் பிரபலமானவர் நடிகர் ஆரவ். அதனைத்தொடர்ந்து இயக்குநர் சரண் இயக்கிய மார்க்கெட் ராஜா எம்.பி.பி.எஸ் படத்தில் கதாநாயகனாக அறிமுகமானார். தொடர்ந்து ஓ காதல் கண்மணி, சைத்தான், ராஜ பீமா உள்ளிட்ட பல படங்களில் நடித்துள்ளார். பிக் பாஸில் சகப் போட்டியாளராக களமிறங்கிய ஓவியாவுக்கும் இவருக்கும் காதல் என கிசுகிசுக்கப்பட்ட நிலையில், திடிரென்று நடிகர் ஆரவுக்கும் நடிகை ராஹிக்கும் நிச்சயம் செய்யப்பட்டது.
அதனைத் தொடர்ந்து கடந்த ஆண்டு இருவருக்கும் திருமணம் நடந்தது. அப்போது கொரோனா பரவல் அதிகமிருந்ததால், அந்தத் திருமணத்தில் நெருங்கிய உறவினர்கள் மற்றும் நண்பர்கள் மட்டுமே பங்கு கொண்டனர். இந்த நிலையில் இந்த ஜோடிக்கு தற்போது ஆண் குழந்தை பிறந்துள்ளது. ராஹியும் குழந்தையும் தற்போது நலமாக இருக்கின்றனர்.