Just In
anushkashetty| கோலிவுட் பக்கம் ரீ-எண்ட்ரி கொடுக்கும் தேவசேனா- அந்த இயக்குநருடன் கூட்டணி!
முன்னதாக ராகவா லாரன்ஸை வைத்து பி.வாசு இயக்கும் ‘சந்திரமுகி ‘ இரண்டாம் பாகத்திலும் அனுஷ்கா நடிப்பதாக செய்திகள் வெளியானது.
தமிழ் மற்றும் தெலுங்கு சினிமாவில் கனவு கன்னி என சொல்லும் அளவிற்கு பிஸியாகவும் , பிரபலமாகவும் இருந்து வந்தவர் நடிகை அனுஷ்கா. பாகுபலி என்னும் பிரம்மாண்ட திரைப்படத்தில் அனுஷ்காவின் கதாபாத்திரம் , உலக சினிமா ரசிகர்களையும் பிரம்மிக்க செய்தது. அந்த படத்தில் நடித்த பலரும் அடுத்தடுத்து தங்கள் கெரியரில் உச்சத்தை தொட்டு வரும் நிலையில், அனுஷ்காவிற்கோ எதிர்பார்த்த வாய்ப்புகள் கிடைக்கவில்லை. காரணம் அவர் உடல் எடைதான் என கூறப்படுகிறது. சமீபத்தின் அவர் தனது சமூக வலைத்தள பக்கத்தில், இதுவரையில் எனக்கு ஆதரவளித்த ரசிகர்கள் அனைவருக்கும் நன்றி என கூறி பதிவு ஒன்றை ஷேர் செய்திருந்தார். இதனால் நடிகை சினிமா துறையிலிருந்து மீண்டும் விலகுகிறாரோ என பலரும் கிசு கிசுக்க தொடங்கின. தெலுங்கு பத்திரிக்கைகளும் கூட அனுஷ்கா தொழிலதிபர் ஒருவரை திருமணம் செய்துக்கொண்டு செட்டில் ஆக போகிறார் அனுஷ்கா என செய்திகள் வெளியிட்டன.
ஆனால் சிறிது காலத்திற்கு பிறகு மீண்டும் தனது சமூக வலைத்தள பக்கத்தில் அடுத்த படம் குறித்த அப்டேட்டை வெளியிட்டு ரசிகர்களுக்கு இன்ப அதிர்ச்சி கொடுத்திருந்தார். அது தெலுங்கு படம் என்பதால் தமிழ் ரசிகர்கள் தொடர்ந்து அனுஷ்காவிடம் எப்போது தமிழ் படத்தில் நடிக்க போகிறீர்கள் என கேள்வி எழுப்பிக்கொண்டிருக்கின்றனர். என்னதான் சினிமா துறை அனுஷ்கா மீது கவனம் கொள்ளாவிட்டாலும் , ரசிகர்கள் இன்னும் அவர் மீது அதே அன்பை வெளிப்படுத்திக்கொண்டிருக்கின்றனர். இந்த நிலையில் தமிழ் ரசிகர்களுக்கு ட்ரீன் கொடுக்கும் விதமாக மீண்டும் கோலிவுட்டில் காலடி எடுத்து வைக்கிறாரா. அதுவும் அவருக்கு மிகவும் பரீட்சியமான இயக்குநர் ஏ.எல்.விஜயுடன் கூட்டணி அமைக்க இருக்கிறாரம். முன்னதாக இயக்குநர் விஜய் இயக்கிய தாண்டவம் , தெய்வ திருமகள் உள்ளிட்ட படங்களில் அனுஷ்கா நடித்திருந்தார் என்பது குறிப்பிடத்தக்கது.அது பெண்களுக்கு முக்கியத்துவம் கொடுக்கும் கமெர்ஷியல் படமாக இருக்கும் என கூறப்படுகிறது. இது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கலாம்.
முன்னதாக ராகவா லாரன்ஸை வைத்து பி.வாசு இயக்கும் ‘சந்திரமுகி ‘ இரண்டாம் பாகத்திலும் அனுஷ்கா நடிப்பதாக செய்திகள் வெளியானது. ஆனால் இது குறித்து படக்குழுவினர் உறுதிப்படுத்தப்பட்ட தகவலை இன்னும் வெளியிடவில்லை. இருந்தாலும் அதற்கான சாத்தியக்கூறுகள் அதிகம்தான் என கோலிவுட் பக்கம் கிசு கிசுக்கப்படுகிறது.