‘பிசாசு 2’ படத்தில் தன்னை நிர்வாணமாக நடிக்க கட்டாயப்படுத்தினார்கள் என நடிகை ஆண்ட்ரியா பேசியுள்ளார்.
இது குறித்து பேட்டி ஒன்றில் பேசியிருக்கும் அவர், “ "பிசாசு 2 படத்தில் பேயாக நடித்திருக்கிறேன். விரைவில் படம் வெளியாக உள்ளது. படத்தின் கதையைக் கேட்டபோது 15 நிமிடங்கள் நிர்வாணமாக நடிக்க வேண்டும் என இயக்குநர் மிஸ்கின் கூறினார். அவர் அதை கூறியபோது அதில் எனக்கு உடன்பாடு இல்லாமல் இருந்தது. ஆனால் அவர் என்னை கட்டாயப்படுத்தினார். அதன் பின்னர் கதை தரமாக இருந்ததால் ஒப்புக்கொண்டேன். அதில் எனக்கு வருத்தமில்லை" என்று கூறியுள்ளார்.
இது குறித்து இந்தப்படத்தின் இயக்குநரான மிஷ்கின் கூறும் போது, “ நிர்வாணம் சம்பந்தமான காட்சிகள் ரசிகர்களின் முகம் கோணாத படியும், காமம் எண்ணம் தோன்றாத வகையிலும் காட்சிப்படுத்தியுள்ளேன்” என்று கூறியிருந்தது குறிப்பிடத்தக்கது.
பாலா தயாரிப்பில் வெளியான பிசாசு 1 பாகம் மிகப்பெரிய வெற்றியை பெற்றதை தொடர்ந்து இயக்குநர் மிஷ்கின் பிசாசு பாகம் 2 பட வேலைகளில் இறங்கினார். முக்கிய கதாபாத்திரத்தில் ஆண்ட்ரியா நடிக்க, அவருடன் பூர்ணா, ராஜ்குமார் பிச்சுமணி உள்ளிட்ட பலர் நடித்துள்ளனர். ராக்போர்ட் எண்டர்டையின்மெண்ட் நிறுவனம் தயாரித்திருக்கும் இந்தப்படத்திற்கு கார்த்திக் ராஜா இசையமைத்துள்ளார்.
பிசாசு 2 படத்தின் ஃபர்ஸ்ட் லுக் போஸ்டர் சமூக வலைதளங்களில் வெளியாகி வைரலான நிலையில், இன்று மாலை இந்தப்படத்தின் டீஸர் வெளியாக உள்ளது குறிப்பிடத்தக்கது.