90’ஸ் கிட்ஸ் தொகுப்பாளர் :
சன் தொலைக்காட்சியில் ஒளிபரப்பாகு டாப் 10 மூவிஸ் என்னும் மூலம் பரீட்சியமானவர் சுரேஷ். இவர் அதே தொலைக்காட்சியில் செய்தி வாசிப்பாளாராகவும் பணியாற்றினார். ஒரே நிகழ்ச்சியை கிட்டத்தட்ட 22 வருடங்கள் வெற்றிகரமாக ஓடச்செய்ததில் தொகுப்பாளர் சுரேஷின் பங்கும் முக்கியமானது. தென்னிந்திய தொகுப்பாளர்களுக்கு கோட்-ஷூட்டை அறிமுகம் செய்தவர். நேர்த்தியான பேச்சு, சட்டிலான பாவனைகள், அழகான தமிழ் உச்சரிப்பு என ஆங்கர் ஆக ஆசைப்பட்ட பலருக்கும் சுரேஷ் ஒரு ரோல் மாடல் என்றால் மிகையில்லை. குறிப்பாக 90’ஸ் கிட்ஸுகளுக்கு. சுரேஷ் மீடியாவை தாண்டி , ஒரு கல்லூரி பேராசிரியர்.டாக்டர் பட்டமும் பெற்றிருக்கிறார்.
90’ஸ் கிட்ஸிட்aம் பொய் சொன்ன சுரேஷ் !
சுரேஷ் தொகுத்து வழங்கிய டாப் 10 மூவிஸ் நிகழ்ச்சியை நம்மில் பலர் பார்த்திருக்க வாய்ப்புண்டு . அந்த நிகழ்ச்சியில் கிராஃபிக்ஸ் தொழில்நுட்ப உதவியுடன் சில வேலைகளை செய்திருப்பார்கள். குறிப்பாக நிகழ்ச்சி துவங்குவதற்கு முன்னதாக சுரேஷின் அறிமுகம் , ஒரு பேரல் போன்ற பெட்டிக்குள் இருந்து வருவது போல இருக்கும். அந்த சமயத்தில் இதனை கண்ட 90’ஸ் கிட் சிறுவன் ஒருவர் , சுரேஷிடம் “ அங்கிள் நீங்க அந்த பெரிய பாக்ஸ்க்குள்ள இருந்து வற்றீங்களே உங்களுக்கு இருட்டா இல்லையா ?” என கேட்டிருக்கிறார். அதற்கு பதிலளித்த சுரேஷ் ,” இல்லை தம்பி..உள்ளே லைட்லாம் வச்சிருப்பாங்க “ என பதிலளித்திருக்கிறார். அதே போல மற்றொருவர் நீங்கள் செய்தி படிக்கும் பொழுது எப்படி அத்தனையையும் மனப்பாடம் பண்ணி பேசுறீங்க என கேட்க, பிராம்ப்டர் இருப்பதை மறைத்து, “அதுக்குதாங்க காசு தற்றாங்க.. அதுதான் திறமை“ என பதிலளித்திருக்கிறார். ஏன் உண்மையை மறைத்தீர்கள் என கேட்டதற்கு அந்த சமயத்தில் நான் உண்மையை கூறியிருந்தால் , நிகழ்ச்சி மீதான சுவாரஸ்யம் அவர்களுக்கு வராது அதனால்தான் எனக் கூறினார்.
தொடரும் டாப் 10 :
சமீபத்தில் நெட் பிளிக்ஸுல் வெளியான டாப் 10 படங்கள் மற்றும் வெப் தொடர்கள் குறித்து சுரேஷ் தனது பாணியில் ரிவ்யூ கொடுத்திருந்தார். அதற்கு நல்ல வரவேற்பும் கிடைத்தது. தனியாக யூடியூப் சேனல் ஒன்று ஆரமித்து சினிமா விமர்சனங்களையும் சுரேஷ் செய்து வருகிறார்.