விடாமுயற்சி


2025 ஆம் ஆண்டு அஜித் ரசிகர்களுக்கு பெரிய உற்சாகத்தோடு தொடங்கியுள்ளது விடாமுயற்சி திரைப்படத்தின் ரிலீஸ் ஒத்திவைக்கப்பட்டதால் அஜித் ரசிகர்கள் பெரும் ஏமாற்றம் அடைந்தனர் ஆனால் துபாயில் நடைபெற்ற கார் பந்தயத்தில் அஜித் கலந்து கொண்டது ரசிகர்களுக்கு உற்சாகத்தை கூட்டியது பல அஜித் ரசிகர்கள் துபாய் கிஸ் என்று நேரில் கார்பந்தயத்தை பார்த்தனர் மேலும் பல வருடங்களுக்குப் பிறகு அஜித் நேர்காணல்களில் தனது ரசிகர்களை பற்றி பேசியுள்ள வீடியோக்கள் இணையத்தில் வைரல் ஆகி வருகின்றன அஜித் நடிப்பில் இந்த ஆண்டு இரண்டு படங்கள் வெளியாக இருக்கின்றன ஆதிக் ரவிச்சந்திரன் இயக்கத்தில் அஜித் நடித்துள்ள குட் பேட் அக்லி திரைப்படம் வரும் ஏப்ரல் மாதம் 14ஆம் தேதி வெளியாகிறது மற்றொரு திரைப்படமான விடாமுயற்சி இந்த மாதம் வெளியாக இருக்கிறது


விடாமுயற்சி டிரைலர் மற்றும் ரிலீஸ் தேதி


மகிழ் திருமேணி இயக்கத்தில் அஜித் நடித்துள்ள படம் விடாமுயற்சி. த்ரிஷா, அர்ஜுன், ரெஜினா ஆரவ் உள்ளிட்டவர்கள் இப்படத்தில் நடித்துள்ளார்கள் அனிருத் இசையமைத்துள்ளார். கடந்த ஜனவரி 10ஆம் தேதி விடாமுயற்சி திரைப்படம் திரையரங்கில் வெளியாகும் என்று எதிர்பார்க்கப்பட்டது ஆனால் லைகா ப்ரொடக்ஷன்ஸ் கடைசி நேரத்தில் படத்தின் ரிலீஸை ஒத்திவைத்தது. லைக்கா ப்ரொடக்ஷன்ஸ் தயாரித்த முந்தைய படங்கள் தோல்வியை சந்தித்ததால் ஏற்பட்ட பொருளாதார நெருக்கடிகளால் படத்தின் ரிலீஸ் ஒத்திவைக்கப்பட்டதாக தகவல்கள் வெளியாகின.





விடாமுயற்சி படம் வெளியாகுமா ஆகாதா என்கிற குழப்பத்தில் அஜித் ரசிகர்கள் இருந்தார்கள். ஒருவழியாக விடாமுயற்சி படத்தின் டிரைலரை வெளியிட்டுள்ளது லைகா நிறுவனம். இத்துடன் படத்தின் ரிலீஸ் தேதியையும் தயாரிப்பு நிறுவனம் வெளியிட்டுள்ளது அதன்படி வரும் பிப்ரவரி 6 ஆம் தேதி இத்திரைப்படம் திரையரங்கில் வெளியாக உள்ளது. இதனால் அஜித் ரசிகர்கள் உற்சாகம் அடைந்துள்ளார்கள்