இயக்குனர் ஆதிக் ரவிச்சந்திரன் இயக்கத்தில் நடிகர் அஜித் குமார் நடிக்கும் டேர் டெவில் படத்தின் படப்பிடிப்பு பணிகள் தொடர்பான தகவல் வெளியாகியுள்ளது.
மீண்டும் இணையும் வெற்றி கூட்டணி
நடிகர் அஜித் குமார் மற்றும் இயக்குனர் ஆதிக் ரவிச்சந்திரன் இயக்கத்தில் கடந்த ஆண்டு வெளிவந்த ’குட் பேட் அக்லி’ திரைப்ப்டம் கமர்ஷியல் ரீதியாக மாபெரும் வெற்றி பெற்றது. குறிப்பாக அஜித் ரசிகர்களுக்கு இப்படம் ஒரு பெரும் விருந்தாக அமைந்தது. இதுவரை அஜித்தை ஆக்ஷன் ஹீரோவாக மட்டுமே பார்த்த அவரது ரசிகர்களுக்கு இப்படம் ஒரு புதிய அனுபவமாக அமைந்தது. இந்த படத்தின் வெற்றியை தொடர்ந்து ‘டேர் டெவில்’ என்ற படத்தில் மீண்டும் அஜித் - ஆதிக் ரவிசந்திரன் கூட்டணி இணைந்துள்ளது.
ஷாலினி தயாரிப்பில் அஜித்
அஜித்தின் மனைவியும், நடிகையுமான ஷாலினி தனது ’பிரேவ் ஹார்ட்ஸ் புரோடக்ஷன்ஸ்’ என்ற தயாரிப்பு நிறுவனம் மூலம் இந்த படத்தை தயாரிக்கிறார். திருமணத்திற்கு பிறகு சினிமா துறையில் இருந்து விலகி இருந்த ஷாலினி, தற்போது தனது கணவரின் படத்தை தயாரிப்பது மூலம் நீண்ட இடைவெளிக்கு பிறகு தயாரிப்பாளராக சினிமா துறைக்குள் நுழைந்திருக்கிறார்.
அனிருத் இசை
அஜித் குமார் - அனிருத் கூட்டணி ‘டேர் டெவில்’ படத்தின் மூலம் 4-வது முறையாக இணைந்துள்ளது. முன்னதாக, வேதாளம் (2015), விவேகம் (2017) மற்றும் விடாமுயற்சி (2025) ஆகிய அஜித் குமாரின் படங்களுக்கு அனிருத் இசையமைத்துள்ளது குறிப்பிடத்தக்கது.
கார் ரேஸில் ஆர்வம்
சமீப காலங்களாக சினிமாவை விட கார் ரேஸிங்கில் அதிக ஆர்வம் காட்டி வரும் அஜித் குமார், 'அஜித் ரெட் ஆண்ட் ரேஸிங்' என்ற பந்தய அணியையும் உருவாக்கினார். குறிப்பாக கடந்த செப்டம்பர் 20ஆம் தேதி ஸ்பெயினில் நடைபெற்ற பார்சிலோனா 24 மணி நேர கார் பந்தயத்தில் ஜிடி3 ப்ரோ-எம் (GT3 Pro-Am) பிரிவில்அஜித் குமார் ரேஸின் அணி 2-வது இடத்தைப் பிடித்து அசத்தியது. இந்த போட்டியைக் காண முதலமைச்சர் விஜய் நேரில் சென்றது குறிப்பிடத்தக்கது.
படப்பிடிப்பு அப்டேட்
இத்தகைய சூழல் ‘டேர் டெவில்’ படத்தின் படப்பிடிப்பு பணிகள் தொடர்பான முக்கிய தகவல் வெளியாகியுள்ளது. அதன்படி, இப்படத்தின் படப்பிடிப்பு பணிகள் வருகிற நவம்பர் மாதம் ஐதராபாத் மற்றும் வெளிநாடுகளில் தொடங்கி நடைபெறவுள்ளதாக கூறப்படுகிறது. கடந்த சில ஆண்டுகளாகவே அஜித் படங்களின் படப்பிடிப்புகள் ஐதராபாத்தின் ராமோஜி பிலிம் சிட்டியில் நடைபெற்று வருவது குறிப்பிடத்தக்கது.