Just In
Billa Re - release : அஜித் ரசிகர்களுக்கு காத்திருக்கும் பர்த்டே ட்ரீட்! விஜய்யின் கில்லியை தொடர்ந்து அஜித்தின் பில்லா ரீ ரிலீஸ்...
Billa Re-Release : மே 1ம் தேதி நடிகர் அஜித் பிறந்தநாளை முன்னிட்டு பிளாக் பஸ்டர் ஹிட் அடித்த 'பில்லா' திரைப்படம் ரீ ரிலீஸ் செய்யப்பட உள்ளது என்ற அறிவிப்பு வெளியாகியுள்ளது.
தமிழ் சினிமாவில் தற்போது ரீ ரிலீஸ் தான் மிகவும் ட்ரெண்டிங்காகி வருகிறது. கடந்த காலங்களில் வெளியாகி சூப்பர் ஹிட் அடித்த வெற்றி படங்கள் தற்போது ரீ ரிலீஸ் செய்யப்பட்டு வருகிறது. அப்படங்களுக்கு இன்றைய காலத்து ரசிகர்கள் மத்தியில் இந்த அளவுக்கு வரவேற்பு இருக்குமா என்பது ஆச்சரியமாக இருந்தது. ஆனால் அந்த எண்ணங்களை எல்லாம் தவிடுபொடியாக்கி ரீ ரிலீஸ் படங்களை மக்கள் கொண்டாடி தீர்த்து வருகிறார்கள்.
என்னதான் நட்சத்திர நடிகர்களின் பெரிய பட்ஜெட் படங்கள் அடுத்தடுத்து வெளியாக இருந்தாலும் எத்தனை ஆண்டுகளானாலும் இன்றும் மவுசு குறையாத எவர்கிரீன் படங்களாக சில படங்கள் இன்றும் ரசிகர்களால் கொண்டாடப்பட்டு வருகின்றன.
ரீ ரிலீஸ் ட்ரெண்ட் :
அந்த வகையில் சூப்பர் ஹிட் வெற்றி பெற்ற வாரணம் ஆயிரம், சிவா மனசுல சக்தி, விண்ணைத்தாண்டி வருவாயா, 3 உள்ளிட்ட ஏராளமான படங்கள் திரையரங்குகளில் ரீ ரிலீஸ் செய்யப்பட்டு நல்ல வரவேற்பை பெற்றதுடன் நினைத்ததை காட்டிலும் பல மடங்கு வசூல் செய்து சாதனை படைத்தது. சமீபத்தில் தரணி இயக்கத்தில் நடிகர் விஜய் நடிப்பில் வெளியான 'கில்லி' திரைப்படம் ரீ ரிலீஸ் செய்யப்பட்டதை உலகளவில் உள்ள ரசிகர்கள் கொண்டாடி தீர்த்தனர். 20 ஆண்டுகளுக்கு பின்னர் ரீ ரிலீஸ் செய்யப்பட்ட இப்படம் தற்போது 20 கோடி வரை வசூல் செய்துள்ளது என தகவல்கள் தெரிவிக்கின்றன.
பில்லா ரிலீஸ் :
அந்த வகையில் மே 1ம் தேதி நடிகர் அஜித் பிறந்தநாளை முன்னிட்டு 2007ம் ஆண்டு விஷ்ணுவர்தன் இயக்கத்தில் நடிகர் அஜித், நயன்தாரா, நமீதா, பிரபு, சந்தானம் உள்ளிட்டோரின் நடிப்பில் வெளியான 'பில்லா' திரைப்படம் ரீ ரிலீஸ் செய்யப்பட உள்ளது. அஜித் திரைப்பயணத்தில் டர்னிங் பாயிண்ட் கொடுத்த படமாக அமைந்த பில்லா திரைப்படம் கிட்டத்தட்ட 175 நாட்கள் வரை திரையரங்குகளில் வெற்றிகரமாக ஓடி அதிகம் வசூல் செய்த திரைப்படம் என்ற பெருமையை பெற்றது.
ரஜினி படத்தின் ரீ மேக் :
1980ல் ரஜினிகாந்த், ஸ்ரீப்ரியா, தேங்காய் ஸ்ரீனிவாசன் மற்றும் பலரின் நடிப்பில் வெளியாகி பிளாக் பஸ்டர் ஹிட் அடித்த படம் 'பில்லா'. அந்த காலகட்டத்தில் 250 நாட்களுக்கும் மேல் திரையரங்குகளில் ஓடி வெற்றி பெற்ற அப்படம் 17 ஆண்டுகளுக்கு பிறகு ரீமேக் செய்யப்பட்டது. ரஜினியின் ரீ மேக் படமாக இருந்தாலும் அஜித் தனி ஸ்டைலில் உருவான அப்படம் மாபெரும் வரவேற்பை பெற்றது.
வெட்டிங் டே ட்ரீட் :
அஜித் ரசிகர்களுக்கு பில்லா திரைப்படம் ரீ ரிலீஸ் செய்யப்படுவது மிகப்பெரிய சர்ப்ரைஸாக உள்ளது. அஜித் - ஷாலினியின் 24வது திருமண நாள் நேற்று கொண்டாடப்பட்ட நிலையில் இந்த சர்ப்ரைஸ் அறிவிப்பு ரசிகர்களுக்கு ட்ரீட்டாக வெளியானது. கிட்டத்தட்ட 150 திரையரங்குகளில் இப்படம் வெளியாகும் என எதிர்பார்க்கப்படுகிறது.