பாலிவுட்டின் உச்ச நட்சத்திரமான அமிதாப் பச்சன் மகனும் நடிகருமான அபிஷேக் பச்சனுக்கும், அவரது மனைவியும் நடிகையுமான ஐஸ்வர்யா ராய்க்கும் இடையே கருத்து வேறுபாடு முற்றி வருகிறது என பாலிவுட் வட்டாரங்கள் கடந்த சில நாள்களாக தகவல் தெரிவித்து வருகின்றன அவர்களின் பிரிவு குறித்து சில தகவல்கள் வெளியாகி பரபரப்பை ஏற்படுத்தியுள்ளன. 


முற்றும் குடும்ப சண்டை?


பச்சன் குடும்பத்தில் இருந்து வெளியான ரகசியமான தகவல் மூலம் அபிஷேக் - ஐஸ்வர்யா ராய் தம்பதியினர் இடையே பல ஆண்டுகளாக பிரச்சினை  நீடிக்கிறது என்றும், அந்த நிலை தற்போது மிகவும் முக்கியமான ஒரு கட்டத்தை எட்டியுள்ளது என்றும் கூறப்படுகிறது. 


 



மகளுக்காக..


அபிஷேக் பச்சனும் ஐஸ்வர்யா ராயும் இன்னும் பிணைப்புடன் இருப்பதற்கு முக்கியமான காரணமாக இருப்பவர்கள் அவர்களின் மகள் ஆராத்யா என்றும், ஐஸ்வர்யா ராய் பச்சன் இல்லத்தில் இருந்து வெளியேறி தற்போது தனது தாயுடன் வசித்து வருகிறார் என்றும், பச்சனின் இல்லத்தில் வசிக்கும் போது கூட இருவரும் தனித்தனியாக முற்றிலும் பிரிந்து தான் வாழ்ந்து வந்தனர் என்றும் அடுத்தடுத்து பாலிவுட்டில் பரபரப்பு செய்திகள் வெளியாகி வருகின்றன. 


மாமியார் நாத்தனார் உறவில் விரிசல் :


அதேபோல், ஐஸ்வர்யாவுக்கும் அவரது மாமியார் ஜெயா பச்சனுக்கும் இடையில் கடந்த சில ஆண்டுகளாக எந்தவித பேச்சுவார்த்தையும் கிடையாது, நாத்தனார் ஸ்வேதா பச்சனுக்கும் ஐஸ்வர்யாவுக்கும் ஆரம்பத்தில் இருந்த ஒத்துவராமல் கருத்து வேறுபாடு ஏற்பட்டு வந்தது என்றும் கூறப்படுகிறது.


 



விவாகரத்துக்கு வாய்ப்பில்லை :


அபிஷேக் பச்சன் தனது பெற்றோர் மீது இருக்கும் விஸ்வாசம் மற்றும் மனைவி, மகளுக்கு தான் செய்ய வேண்டிய கடமை இடையே மாட்டிக்கொண்டு தவிக்கிறார். உயர்மட்ட அந்தஸ்தில் உள்ள பச்சன் குடும்பம் இந்த அவதூறுகளை தாங்கிக்கொள்ள முடியாது என்பதால் இப்போது அல்ல எதிர்காலத்தில் கூட விவாகரத்து நடக்க வாய்ப்புகள் இல்லை என்றும் கூறப்பட்டது.


அன்ஃபாலோ செய்த பச்சன் :


இந்நிலையில் கடந்த சில தினங்களுக்கு முன்னர் நடிகர் ஷாருக்கானின் மகள் சுஹானா, ஸ்ரீதேவி இளைய மகள் குஷி உள்ளிட்டோர் நடித்துள்ள 'ஆர்ச்சிஸ்' பட விழாவில் அபிஷேக் பச்சன் குடும்பத்தினர் அனைவரும் கலந்து கொண்ட நிலையில் அதில் ஐஸ்வர்யா ராய் வருகை கொடுப்பாரா என சந்தேகம் எழுந்தது. 


ஆனால் அனைவரின் யுகத்தையும் பொய்யாகும் வகையில் ஐஸ்வர்யா ராய் கலந்து கொண்டு ஷாக் கொடுத்தார். இருப்பினும் ஆர்ச்சிஸ் பட விழாவில் பச்சன் குடும்பமாக கலந்து கொண்ட பிறகு நடிகர் அமிதாப் பச்சன் தனது மருமகள் ஐஸ்வர்யாராயை அன்ஃபாலோ செய்ததாக தகவல்கள் வெளியாகின. இந்த தகவல்கள் பாலிவுட் ரசிகர்கள் மத்தியில் பெரும் குழப்பத்தையும் கவலையையும் ஏற்படுத்தியுள்ளது. 


வதந்திகளுக்கு முற்றுப்புள்ளி: 


இது போன்ற பல வதந்திகள் பரவி வரும் நிலையில் மும்பையில் நடந்த திருபாய் அம்பானி சர்வதேச பள்ளி ஆண்டு விழாவில் ஐஸ்வர்யா ராய் பச்சனும் அபிஷேக் பச்சனும் ஒன்றாக கலந்துகொண்டனர். அந்த நிகழ்வின்போது எடுக்கப்பட்ட படங்கள் மற்றும் வீடியோக்கள் சோசியல் மீடியாவில் வைரலாக பகிரப்பட்டன. 


இந்நிலையில், வீடியோவில் ஐஸ்வர்யா ராய் தனது தாயாருடன் காரில் வந்து இறங்க, அபிஷேக் பச்சன் தனது தந்தை நடிகர் அமிதாப் பச்சன் மற்றும் மருமகன் அகஸ்தியா நந்தாவுடன் நிகழ்ச்சிக்கு வந்தார். பின்னர் அனைவரும் ஒன்றாக வீடு திரும்பினர். இந்நிலையில் இந்த வீடியோ ஐஸ்வர்யா ராய் - அபிஷேக் பச்சன் பிரிவு குறித்து எழும் வதந்திகளுக்கு முற்றுப்புள்ளி வைத்துள்ளது.