Just In
நடிகை சினேகா வீட்டுல விஷேசம்... பக்தியோடு பங்கேற்ற பிரபலங்கள்!
Actress Sneha: சினேகா வீட்டில் நேற்று நடைபெற்ற வரலக்ஷ்மி நோம்பு கொண்டாட்டத்தில் பல திரை பிரபலங்கள் கலந்து கொண்டனர். அந்த புகைப்படங்கள் தற்போது சமூக வலைத்தளங்களில் வைரலாகி வருகிறது.
Varalakshmi Nombu: நடிகை சினேகா கொண்டாடிய வரலக்ஷ்மி நோம்பு - பிரபலங்கள் பங்கேற்பு
இந்துக்களின் கலாச்சாரம் மற்றும் பண்பாட்டு வழக்கங்களில் மிகவும் முக்கியமான ஒன்று வரலக்ஷ்மி நோம்பு. திரை பிரபலமான நடிகை சினேகா தன்னுடைய வீட்டில் நேற்று வரலக்ஷ்மி நோம்பு கொண்டாடப்பட்டது. அந்த விசேஷத்தில் திரை பிரபலங்கள் பலரும் கலந்து கொண்டனர். அங்கு அவர்கள் எடுத்து கொண்ட புகைப்படங்கள் தற்போது சமூக வலைத்தளங்களில் வைரலாகி வருகிறது.
இனிய இல்லம் :
தமிழ் சினிமாவின் புன்னகை அரசி என்று கொண்டாடப்படும் நடிகை சினேகா பல திரைப்படங்களில் அனைத்து முன்னணி நடிகர்களுடனும் நடித்துள்ளார். நடிகை சினேகாவும் நடிகர் பிரசன்னாவும் காதலித்து 2012ம் ஆண்டு வெகு விமர்சையாக திருமணம் செய்து கொண்டனர். அவர்களின் காதல் மற்றும் அன்பின் அடையாளமாக ஒரு மகனும் ஒரு மகளும் உள்ளனர். அவ்வப்போது அவர்களின் குழந்தைகள் மற்றும் கூடும் புகைப்படங்களை சமூக வலைத்தளங்களில் பகிர்வது வழக்கம். மிகவும் ஆக்டிவாக இருக்கும் இந்த குடும்பம் தங்களது மகிழ்ச்சியை பகிர்வது ரசிகர்களுக்கு மகிழ்ச்சியளிக்கிறது.
வரலக்ஷ்மி நோம்பு :
ஒவ்வொரு ஆண்டும் சினேகா தனது வீட்டில் வரலக்ஷ்மி நோம்பு கொடடுவது வழக்கம். அந்த வகையில் இந்த ஆண்டும் நோம்பு கொண்டாடப்பட்டது அதில் பல திரை பிரபலங்களும் கலந்து கொண்டு சிறப்பித்தனர். ப்ரீதா ஹரி, இயக்குனர் பாலாவின் முன்னாள் மனைவி மதுமலர், நடிகை ரம்பா, சரண்யா பொன்வண்ணன் உள்ளிட்டோர் இந்த நோம்பில் கலந்து கொண்டனர்.
சமூக சேவை:
சினேகா அவ்வப்போது ஆதரவற்ற குழந்தைகளுக்கு உதவி செய்வது வழக்கம். சமீபத்தில் கூட அவரின் தந்தையின் பிறந்தநாளுக்கு அங்குள்ள குழந்தைகளுக்கு இனிப்பு, உணவு, நோட்டு புத்தகங்கள் வழங்கி தந்தையின் பிறந்தநாளை சிறப்பாக கொண்டாடி அவருக்கு இன்ப அதிர்ச்சியை கொடுத்தார் சினேகா.
சினேகா ரீ என்ட்ரி :
சினேகா தனது மகள் பிறந்த பிறகு திரைப்படங்களில் நடிப்பதை ஒத்திவைத்து இருந்தார். அதற்கு பிறகு தனுஷ் நடிப்பில் வெளியான "பட்டாஸ்" திரைப்படத்தில் ஒரு கதாபாத்திரத்தில் நடித்துள்ளார். சினேகா தமிழ் சினிமாவில் மீண்டும் ஷாட் பூட் 3 திரைப்படம் மூலம் ரீ என்ட்ரி கொடுக்க உள்ளார். இந்த படத்தில் இயக்குனர் வெங்கட் பிரபுவிற்கு ஜோடியாக நடிக்க உள்ளார். இந்த புதிய கூட்டணி ரசிகர்கள் மத்தியில் ஒரு எதிர்பார்ப்பை ஏற்படுத்தியுள்ளது.