விஜய் டிவி ‘குக் வித் கோமாளி’ நிகழ்ச்சி மூலம் பிரபலமானவர் தர்ஷா குப்தா. இவர் கோயம்புத்தூரை சேர்ந்தவர். ஜீ தமிழ் சேனலில் இவர் நடித்த ’முள்ளும் மலரும்’ ஷோ இவருக்கு எராளமான ரசிகர்களை பெற்றுத் தந்தது. தொடர்ந்து ’மின்னலே’, ’செந்தூரப் பூவே’ என சில சீரியல்களில் நடித்தார். தொடர்ந்து சினிமாவில் ’ருத்ரதாண்டவம்’ என்ற படத்தில் நடிக்கும் வாய்ப்பும் இவருக்கு கிடைத்தது.
தர்ஷா குப்தா சமூக வலைதளங்களில் மிகவும் ஆக்டிவாக காணப்படுபவர். இன்ஸ்டாகிராமில் 2 மில்லியன் பாலோயர்கள் பின்தொடர்ந்து வருகின்றனர். தொடர்ந்து டிக்டாக் வீடியோக்கள், பாடல்களுக்கு நடனமிடும் வீடியோக்கள், போட்டோஷுட் புகைப்படங்கள் என்று இவரது இன்ஸ்டாகிராம் பக்கம் எப்போதுமே கலர்புல்லாக இருக்கும். அந்த அளவிற்கு ஃபுல் எனர்ஜியோடு இவர் வீடியோக்களை பதிவிட்டு வருகிறார்.
மேலும் ஒவ்வொரு பண்டிகையின்போதும், ரசிகர்களுக்கு வாழ்த்து சொல்லும் வகையிலும் இவரது வீடியோக்கள் காணப்படும்.
இந்நிலையில் கிருஷ்ண ஜெயந்தியை முன்னிட்டு ராதாவைப்போல் வேடம் அணிந்து வீடியோ மற்றும் புகைப்படங்களைப் பகிர்ந்துள்ளார். பின்னணியில் நடிகை ஜோதிகா நடிப்பில் வெளியான சினேகிதியே படத்தின் ராதை மனதில் ராதை மனதில் என்ன ரகசியமோ என்ற பாடலையும் ஓடவிட்டுள்ளார்.
மேலும் ராதை காஸ்ட்யூமில் சிறப்பான நடனத்தையும் வெளிப்படுத்தியுள்ளார் தர்ஷா குப்தா. இவரை பார்த்த ரசிகர்கள் ஏராளமான லைக்ஸ்களை சில மணிநேரங்களிலேயே அள்ளித் தெளித்துள்ளனர். தற்போது யோகிபாபு ஜோடியாக மெடிக்கல் மிராக்கில் என்ற படத்தில் கமிட்டாகி நடித்து வருகிறார். இந்தப் படத்தில் பூஜை சமீபத்தில் போடப்பட்டது.