Just In
Amala Paul on instagram: “இதுதான் வெற்றி... ஓடாதீர்கள்..” - இன்ஸ்டாவில் வைரலாகும் அமலாபாலின் சீக்ரெட்...
அமலா பால தனது இன்ஸ்டாகிராம் பக்கத்தில் சில தத்துவ கருத்துக்களை வெளியிட்டுள்ளார்.
பிரபு சாலமோன் இயக்கத்தில் வெளியான 'மைனா' படத்தில் நடித்ததின் மூலம் பிரபலமானவர் அமலாபால். அதன் பின்னர் தமிழில் ‘காதலில் சொதப்புவது எப்படி’, ‘முப்பொழுதும் உன் கற்பனைகள்’ உள்ளிட்ட படங்களில் நடித்த அவர் ஏ.எல்.விஜய் இயக்கிய ‘தெய்வத்திருமகள்’ ‘ தலைவா’ உள்ளிட்ட படங்களில் நடித்து பிரபலமானார். இதனிடையே ஏ.எல்.விஜய்க்கும், அமலா பாலுக்கு இடையே காதல் மலர்ந்த நிலையில், கடந்த 2014 ஆம் ஆண்டு இருவரும் திருமணம் செய்து கொண்டனர்.
ஆனால் கருத்து வேறுபாடு காரணமாக அவர்கள் இருவரும் கடந்த 2017 ஆம் ஆண்டு விவாகரத்து செய்து கொண்டனர். அதன் பின்னர் ‘ ஆடை’ படத்தில் நிர்வாணமாக நடித்து கவனம் ஈர்த்த அமலாவின் ஹிந்தி வெப் சீரிஸான 'ரஞ்சிஷ் ஹை சாஹி' அண்மையில் வெளியானது. தமிழில் ‘அதோ அந்த பறவை போல’ ‘ கடவர்’ ஆகிய படங்களில் நடித்து முடித்துள்ள அமலா, தனது இன்ஸ்டாகிராம் பக்கத்தில் அவ்வப்போது கவர்ச்சியான புகைப்படங்களையும் வெளியிட்டு வருகிறார். இந்த நிலையில் அவர் தற்போது தனது இன்ஸ்டாகிராம் பக்கத்தில் ஒரு பதிவை வெளியிட்டுள்ளார்.
அதில், “ சில நேரங்களில் உங்கள் உண்மை, மற்றவர்களின் மோசமானதை வெளிப்படுத்தும். உங்கள் நம்பகத்தன்மை மூடிய மனங்களைத் தூண்டிவிடும். உங்கள் வெற்றி வெறுப்பவர்களை ஈர்க்கும். உங்கள் அதிகாரம் எதிரிகளை உருவாக்கும். உங்கள் இரக்கம் பொறாமையை மறைக்கும். உங்கள் உண்மை பல மனச்சிறைகளை வெளிக்கொண்டு வரும். ஆனால் அது இன்னும் அதிகமான மனங்களை விடுவிக்க உதவும். வெற்றி என்பது உங்கள் உண்மையுடன் வாழ்வதும், அதைப் பகிர்வதும்தான்.
புறப்படுவதை நிறுத்துங்கள், நீங்கள் வருவீர்கள். தேடுவதை நிறுத்துங்கள், நீங்கள் பார்ப்பீர்கள். ஓடுவதை நிறுத்துங்கள், நீங்கள் கண்டுபிடிக்கப்படுவீர்கள்” என்று பதிவிட்டுள்ளார்.