தமிழ் சினிமா துறையில் முன்னணி நடிகராக வலம் வருபவர் நடிகர் விஜய். தளபதி என ரசிகர்களால் அழைக்கப்படும் விஜய், தெலுங்கு திரைப்பட தயாரிப்பாளர் தில்ராஜூ தயாரிப்பில் இயக்குனர் வம்சி இயக்கத்தில் வாரிசு படத்தில் நடித்துள்ளார். இந்த திரைப்படம் அடுத்த மாதம் பொங்கல் பண்டிகைக்கு வெளியாக உள்ளது.
வாரிசு திரைப்படம் விஜய் ரசிகர்கள் இடையே பெரும் எதிர்பார்ப்பை ஏற்படுத்தி உள்ள நிலையில் திரைப்பட நடிகர் விஜய்யின் தாயார் ஷோபா சந்திரசேகர் உலக பிரசித்தி பெற்ற காஞ்சிபுரம் காமாட்சி அம்மன் கோவிலுக்கு வருகை தந்து உலக மக்கள் நன்மை பெற வேண்டியும், விஜய் நடித்துள்ள வாரிசு திரைப்படம் வெற்றி பெற வேண்டியும் காமாட்சி அம்மனுக்கு சிறப்பு பூஜைகள் செய்து சுவாமி தரிசனம் செய்து வழிபாடு நடத்தினார். காமாட்சி அம்மனை தரிசனம் செய்த பின்னர் கோவில் நிர்வாகம் அளித்த பிரசாதங்களை பெற்றுக் கொண்டு ஷோபா சந்திரசேகர் திரும்பி சென்றார்.
செய்தியாளர்களை சந்தித்த விஜயின் தாய் ஷோபா சந்திரசேகர் கூறுகையில், "என் மகன் நடித்து வெளிவர உள்ள வாரிசு படம் வெற்றி பெற வேண்டும் என கடவுளை பிரார்த்தித்துக் கொண்டேன். அதேபோல் அனைவரும் நலமாக இருக்க வேண்டும் எனவும் காமாட்சியம்மன் வேண்டி கொண்டேன். நன்றாக காமாட்சி அம்மனின் அபிஷேகம் தரிசனம் ஆகியவற்றை கண்டு மகிழ்ச்சி அடைந்துள்ளேன்.விஜய் அரசியல் வருவது பற்றியோ, வாரிசு படத்தில் விஜயின் கேரக்டர் எப்படி இருக்கிறது என்பது பற்றியோ எனக்கு தெரியாது எனக் கூறினார்.
வாரிசு ட்ரெய்லர் எப்போது தெரியுமா..?
வாரிசு படத்தின் இசை வெளியீட்டு விழா, இரண்டு நாட்களுக்கு முன்னதாக நேரு உள்விளையாட்டு அரங்கத்தில் நடைப்பெற்றது. இதில் வாரிசு படக்குழுவினர் உட்பட பல திரை பிரபலங்கள் கலந்து கொண்டனர். நடிகர் விஜய், இந்நிகழ்ச்சியில் மிகவும் எளிய தோற்றத்தில் பங்கேற்ற போட்டோக்களும் இணையத்தில் வைரலானது. முன்னதாக இப்படத்தில் இடம் பெற்றுள்ள தீ தளபதி, ரஞ்சிதமே, சோல் ஆஃப் வாரிசு போன்ற பாடல்கள் வெளியானது. இசை வெளியீட்டிற்கு பிறகு, ஜிமிக்கி பொன்னு, வா தலைவா உள்ளிட்ட பாடல்கள் வெளியாகி ரசிகர்களை கவர்ந்துள்ளது. “ஒரு வேளை ப்ரமோஷனிற்காக விஜய் ஹைதராபாத்திற்கு செல்கிறாரோ?” என கேள்வியெழுப்பி வருகின்றனர்.
வாரிசு படம், பொங்கல் தினத்தை முன்னிட்டு வெளியாகவுள்ள நிலையில், படத்திற்கான ப்ரமோஷன் பணிகள் தற்போது நடைபெற்று வருகிறது. இந்நிலையில், நடிகர் விஜய் ஹைதராபாத் செல்லவுள்ளதாக தகவல் வெளியாகியுள்ளது. இசை வெளியீட்டு விழா, அடுத்தடுத்த பாடல் ஆல்பங்கள், படத்தின் எக்கச்சக்க போட்டோக்கள் என வாரிசு படக்குழு ரசிகர்களுக்கு தொடர்ந்த் இன்ப அதிர்ச்சி கொடுத்து வருகின்றனர். ஆனால், படத்தின் ரிலீஸ் டேட் குறித்தும், ட்ரெய்லர் மற்றும் டீசரின் அப்டேட் குறித்தும் இன்னும் எந்த தகவல்களும் தெரிவிக்கப்படவில்லை. இருப்பினும், ரிலீசுக்கு இன்னும் இருவாரங்களே உள்ள நிலையில் வாரிசு படத்தின் ட்ரெய்லர் புத்தாண்டை முன்னிட்டு டிசம்பர் 31 ஆம் தேதி வெளியாகும் என எதிர்பார்க்கப்படுகிறது
