சிவகார்த்திகேயன் நடிப்பில் இயக்குநர் சிபி சக்கரவர்த்தி இயக்கத்தில் கடந்த சில வாரங்களுக்கு முன்பாக திரையரங்குகளில் வெளியாகி நல்ல வரவேற்பை பெற்ற திரைப்படம் "டான்". வசூல் ரீதியாகவும், விமர்சனம் ரீதியாகவும் இந்த திரைப்படம் நல்ல வரவேற்பை பெற்றது.
இந்தநிலையில், டான் வெற்றியை தொடர்ந்து நடிகர் சிவகார்த்திகேயன் நடிக்கும் இரு மொழி படமான தெலுங்கு இயக்குநர் அனுதீப் இயக்கும் பைலிங்குவல் படம் குறித்து புதிய அறிவிப்பை படக்குழு வெளியிட்டுள்ளது. அதன்படி இந்த படத்தின் பெயர் prince என்று அறிவிக்கப்பட்டு, அதற்கான பரஸ்ட் லுக் போஸ்டரையும் படக்குழு வெளியிட்டுள்ளது.
ஏற்கனவே இந்த படத்தின் பூஜா கடந்த பிப்ரவரி மாதம் 10 ம் தேதி தொடங்கி, இதற்கான முதற்கட்ட படப்பிடிப்பு காரைக்குடி மற்றும் புதுச்சேரியில் நடைபெற்று வந்தது. இந்தப்படத்திற்கு இசையமைப்பாளர் தமன் இசையமைக்க, சத்யராஜ் உள்பட பலர் முக்கிய நடிகர்கள் நடித்து வருகின்றனர். இந்தப் படத்தை ஸ்ரீ வெங்கடேஷ்வரா சினிமா குழுமம் தயாரிக்க உள்ளது.
மேலும், prince திரைப்படத்தில் நடிகர் சிவகார்த்திகேயனுக்கு ஜோடியாக உக்ரைன் நாட்டைச் சேர்ந்த மரியா ரயாபோசப்கா நடித்து வருகிறார் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்