ஹாட்ஸ்டார் ஓடிடி தளத்தில் வெளியான 24x7 பிக் பாஸ் போட்டியில் கலந்துகொண்டு தனது தனித்துவமான ஃபேஷனாலும் ஆடைகள் அணியும் விதத்தாலும் ரசிகர்களின் மனதைக் கவர்ந்தவர் நடிகை உர்ஃபி ஜாவேத்.
ஒரு பக்கம் இவரது ஆடை இணையத்தில் ட்ரெண்ட் அடித்து ரசிகர்களை உற்சாகப்படுத்தினாலும், மற்றொரு பக்கம் இவரை இணையவாசிகள் கண்டபடி ட்ரோல் செய்கிறார்கள். ஆனால் இவை எதற்கும் தயங்காமல் உர்ஃபி இன்ஸ்டாவில் கெத்தாக தன் படங்களை பதிவிட்டு லைக்ஸ் அள்ளியபடி உள்ளார்.
இந்நிலையில் முன்னதாக காஃபி வித் கரண் நிகழ்ச்சியில் கலந்துகொண்ட நடிகர் ரன்வீர் சிங் உர்ஃபி ஜாவேத்தை ’ஃபேஷன் ஐகான்’ என அழைத்துள்ளார்.
பாலிவுட்டில் வித்தியாசமான பலரும் அணியத் தயங்கும் ஆடைகளை அணிந்து கலக்குவதில் நடிகர் ரன்வீர் சிங் ஏற்கெனவே பிரபலமானவர். உர்ஃபிக்கும் முன்னோடி.
இந்நிலையில் அர்ஃபியை ரன்வீர் சிங் இவ்வாறு புகழ்ந்துள்ளது நெட்டிசன்கள் மத்தியில் பேசுபொருளாகியுள்ளது.
பலரும் இவரது ஆடை முறையை மோசமாக ட்ரோல் செய்தாலும், க்ராஸ் ட்ரெஸ்ஸிங் உள்ளிட்ட LGBTQ சமூகத்தினருக்கான ஆடைகளை அணிந்து அதில் ரன்வீர் கெத்தாக சில நேரங்களில் வலம் வருவது மக்களின் பாராட்டுகளையும் பெற்றுள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்