நடிகர் பிரபாஸ் லம்போகினி காரில் வேகமாக செல்லும் வீடியோ தற்போது சமூக வலைதளங்களில் வைரலாகி வருகிறது.
பாகுபலி படம் மூலம் பான் இந்தியா ஸ்டாராக மாறியவர் நடிகர் பிரபாஸ். முன்னதாக இவர் நடிப்பில் வெளியான ராதே ஷ்யாம் படம் படுதோல்வியை சந்தித்ததால், அடுத்ததாக ஒரு பெரிய வெற்றியை கொடுத்தாக வேண்டிய கட்டாயத்திற்கு தள்ளப்பட்டிருக்கிறார்.அந்த வகையில் இவரது நடிப்பில் உருவாகி வரும் திரைப்படம் ‘புராஜெக்ட் கே’.
நாகா அஸ்வின் இயக்கும் இந்தப்படத்தில் அவருக்கு ஜோடியாக பாலிவுட் நடிகை தீபிகா படுகோன் நடிக்கிறார். பாலிவுட் சூப்பர் ஸ்டார் அமிதாப் பச்சனும், திஷா பாண்டேவும் ஒரு முக்கிய கதாபாத்திரத்திரங்களில் நடிக்கின்றனர். அண்மையில் இந்தப்படத்தின் படப்பிடிப்பு ஹைதாராபாத்தில் உள்ள ராமோஜிராவ் ஃபிலிம் சிட்டியில் நடந்தது.
அங்கு அமைக்கப்பட்டுள்ள செட்டில், பிரபாஸ், தீபிகா படுகோன் நடித்த கார் சேஸிங் சம்பந்தான காட்சிகள் படமாக்கப்பட்டிருக்கிறது. இதற்காக விலையுயர்ந்த ஃபெராரி, லம்போகினி உள்ளிட்ட கார்கள் வரவழைக்கப்பட்டிருக்கின்றன. இந்த சேஸிங் காட்சி படத்தில் கவனிக்கத்தக்க காட்சியாக இருக்குமென சொல்லப்படும் நிலையில் செட்டில் நடிகர் பிரபாஸ் லம்போகினி காரில் அதிவேகமாக செல்லும் வீடியோ தற்போது சமூகவலைதளங்களில் வைரலாகி வருகிறது.
மிகப் பெரும் பொருட் செலவில் உருவாகி வரும் இந்தப்படம் தமிழ், தெலுங்கு, கன்னடம், மலையாளம், இந்தி உள்ளிட்ட மொழிகளில் வெளியாக இருக்கிறது.
இதைத் தவிர்த்து பிரபாஸிற்கு பிரசாந்த் நீலின் சலார், அர்ஜூன் ரெட்டி புகழ் இயக்குநர் சந்தீப் ரெட்டி வங்கா உடன் ஸ்பிரிட், ஓம் ரவுத் உடன் ஆதிபுருஷ் உள்ளிட்ட படங்கள் அடுத்ததாக வரிசையில் இருக்கின்றன.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்