தனது அழகான தோற்றத்திற்காகவும், மாஸ் நடிப்புக்காகவும் மட்டுமின்றி தனது தன்னலமற்ற மனதின் காரணமாகவும் ரசிகர்களால் பெரிதும் போற்றப்படுகிறார் தெலுங்கு நடிகர் மகேஷ் பாபு. சமீபத்தில் தனது சமூக வலைத்தளப் பக்கங்களில், தனது மேக்கப் கலைஞருக்குப் பிறந்த நாள் வாழ்த்துகளைத் தெரிவித்து நடிகர் மகேஷ் பாபு வெளியிட்டுள்ள பதிவு ஒன்று மீண்டும் அவரின் நல்ல எண்ணத்தை வெளிப்படுத்துவதாக ரசிகர்கள் தெரிவிக்கின்றனர். தனது இன்ஸ்டாகிராம் ஸ்டோரீஸ் பகுதியில், தனது மேக்கப் கலைஞர் பட்டாபியுடன் எடுக்கப்பட்ட படத்தைப் பகிர்ந்துள்ள நடிகர் மகேஷ் பாபு, அவருக்குப் பிறந்த நாள் வாழ்த்துகளைத் தெரிவித்துள்ளார்.
நடிகர் மகேஷ் பாபு வெளியிட்டுள்ள படத்தில் அவருக்கு அவரது மேக்கப் கலைஞர் பட்டாபி டச் அப் செய்து விடுவது தெரிகிறது. மேலும், இந்தப் படத்தில் தனக்கு மிகவும் பிடித்தமான மேக்கப் கலைஞரான பட்டாபியுடன் நடிகர் மகேஷ் பாபு மகிழ்ச்சியாக உரையாடுவதும் தெரிய வந்துள்ளது. மேலும், பட்டாபிக்காகப் பிறந்த நாள் வாழ்த்துக் குறிப்பையும் மகேஷ் பாபு எழுதியுள்ளார்.
தனது சமூக வலைத்தளங்களில் கடந்த இரண்டு ஆண்டுகளாக தனது மேக்கப் கலைஞர் பட்டாபிக்கு வாழ்த்துகளைப் பகிர்ந்து வருகிறார் நடிகர் மகேஷ் பாபு. அவரது ரசிகர்கள் அவரின் இந்த செயலைப் பாராட்டி வருவதோடு, பட்டாபிக்குத் தங்கள் வாழ்த்துகளையும் பகிர்ந்து வருகின்றனர்.
சமீபத்தில் தன் குடும்பத்தினருடன் நீண்ட விடுமுறையைக் கழித்துவிட்டு மீண்டும் நாடு திரும்பியுள்ளார் நடிகர் மகேஷ் பாபு. சுவிட்சர்லாந்து முதல் இத்தாலி வரை, நடிகர் மகேஷ் பாபுவின் குடும்பத்தினர் ஐரோப்பாவின் முக்கிய பகுதிகளுக்குச் சுற்றுலா சென்றிருந்தனர்.
இதற்கு அடுத்தபடியாக, நடிகர் மகேஷ் பாபுவும், இயக்குநர் திரிவிக்ரம் ஸ்ரீநிவாஸும் இணைந்து, SSMB28 என்று தலைப்பிடப்பட்டுள்ள திரைப்படத்திற்காக பணியாற்றி வருகின்றனர். நடிகர் மகேஷ் பாபுவும், இயக்குநர் திரிவிக்ரம் ஸ்ரீநிவாஸும் இந்தப் படத்தின் மூலம் இரண்டாவது முறையாக இணைகின்றனர். இந்தப் படத்தில் நடிகை பூஜா ஹெக்டே கதாநாயகியாக நடிக்கவுள்ளார். இந்தப் படத்தின் பணிகள் வரும் ஆகஸ்ட் முதல் தொடங்கும் எனத் தெரிவிக்கப்பட்டுள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்