தமிழ் திரையுலகின் பிரபலமான நடிகர் தனுஷ். தனக்கென தனி ரசிகர்கள் பட்டாளத்தை வைத்துள்ள தனுஷ் நடித்துள்ள கர படம் வரும் 30ம் தேதி கோடை விடுமுறையாக வெளியாகிறது.
கர:
இந்த படத்தின் நிகழ்ச்சியில் பங்கேற்று பேசிய தனுஷ் படத்தின் தலைப்பு குறித்து பேசினார். அதில் அவர் பேசியதாவது, இந்த படத்தின் தலைப்பு கர எனக்கு புதிராக இருந்தது. அனைவரும் இந்த தலைப்பை தவறாக உச்சரிக்கின்றனர். ஆங்கிலத்தில் நான்கு எழுத்துக்கள் உள்ளது. ஆனால் அனைவரும் இதை தவறாகவே உச்சரிக்கின்றனர். கரா, காரா என்கின்றனர்.
சிலர் மட்டுமே கர என்கின்றனர். படத்தின் கதாநாயகி கூட கரா என்று கூறுகிறார். என் தயாரிப்பாளர்கூட கரா என்று கூறுகிறார். இது வெறும் கர. உங்களுக்கு எப்படி வருகிறதோ அப்படியே கூறுங்கள். ஆனால், திரையரங்கிற்கு சென்று படத்தைப் பாருங்கள். நீங்கள் புறா, கிரா என்று என்ன வேண்டுமானாலும் சொல்லுங்கள்.
இவ்வாறு அவர் பேசினார்.
நட்சத்திரங்கள்:
விக்னேஷ் ராஜா இயக்கியுள்ள இந்த படத்தில் தனுஷுடன் மமைதா பைஜு நடித்துள்ளார். கொள்ளையை மையமாக கொண்டு இந்த படம் உருவாக்கப்பட்டுள்ளது. கே.எஸ்.ரவிக்குமார், கருணாஸ், ஜெயராம் முக்கிய வேடத்தில் நடிக்கின்றனர்.
போர் தொழிலுக்கு பிறகு இயக்குனர் விக்னேஷ் ராஜா இயக்கும் படம் என்பதால் மிகப்பெரிய எதிர்பார்ப்பு உருவாகியுள்ளது. இந்த படத்தை ரெட் ஜெயண்ட் மூவீஸ் விநியோகிக்கிறது. வேல்ஸ் நிறுவனம் தயாரித்துள்ள இந்த படத்திற்கு தேனி ஈஸ்வர் ஒளிப்பதிவு செய்துள்ளார். ஸ்ரீஜித் சராங் படத்தொகுப்பு செய்துள்ளார். ஜிவி பிரகாஷ் இசையமைத்துள்ளார்.
எதிர்பார்ப்பு:
இந்த படம் தமிழ் மட்டுமின்றி தெலுங்கிலும் நடிக்கிறது. 1991ம் ஆண்டு காலகட்டத்தில் நடப்பது போல இந்த படம் உருவாகியுள்ளது. படத்தின் ட்ரெயிலர் ஏற்கனவே வெளியாகி ரசிகர்கள் மத்தியில் வரவேற்பை பெற்றுள்ளது.
தனுஷ் படம் இட்லிக்கடைக்கு பிறகு இந்த படம் வெளியாகிறது. இட்லிக்கடை வெளியாகி தோல்வி அடைந்த நிலையில், இந்த படம் வெளியாக உள்ளதால் இந்த படத்தின் மீது மிகப்பெரிய எதிர்பார்ப்பை உருவாக்கியுள்ளது.