அஜித் குமார்
நடிகர் அஜித் சமீபத்தில் துபாயில் புதிய ஃபெராரி கார் ஒன்றை வாங்கியுள்ளார். இந்த புதிய சிவப்பு நிற ஃபெராரியின் மொத்த விலை 9 கோடி. காருடன் அஜித் குமார் எடுத்துக் கொண்ட புகைப்படம் சமூக வலைதளங்களில் வலம் வந்தது. தற்போது ஃபெராரி காரை வடிவமைத்த என்ஸோ ஃபெராரி என்கிற இத்தாலிய ரேஸரின் வாசகத்தின் முன் அஜித் நிற்கும் புகைப்படம் ஒன்று அஜித் ரசிகர்களை கவர்ந்துள்ளது.
“ ஆசைகளை உங்களால் விளக்க முடியாது. வாழ்ந்து தான் காட்ட முடியும்” என்கிற இந்த வாசகம் அஜித்திற்கு கச்சிதமாக பொருந்தும் வகையில் அமைந்துள்ளது. தனது இளம் வயதில் இருந்து ஸ்போர்ட்ஸ் கார் மற்றும் பைக் மீது அஜித்திற்கு இருந்து வரும் தீரா காதலும் சினிமாவில் எவ்வளவு பிஸியாக நடித்து வந்தாலும் தனது ஆசைகளுக்கு அவர் நேரம் ஒதுக்கி சுற்றுலா சென்று வருவதும் ரசிகர்கள் எப்போதும் வியந்து பார்க்கும் ஒரு குணாம்சம் .
விடாமுயற்சி
மகிழ் திருமேணி இயக்கத்தில் அஜித் நடித்து வந்த விடாமுயற்சி படத்தின் படப்பிடிப்பு சமீபத்தில் நிறைவடைந்தது. அர்ஜூன் , த்ரிஷா , ஆரவ் , ரெஜினா உள்ளிட்டவர்கள் இப்படத்தில் நடித்துள்ளார்கள். அனிருத் இசையமைத்துள்ளார். லைகா ப்ரோடக்ஷன்ஸ் இப்படத்தை தயாரித்துள்ளது.
இது தவித்து ஆதிக் ரவிச்சந்திரன் இயக்கத்தில் அஜித் குட் பேட் அக்லி படத்தில் நடித்து வருகிறார். மைத்ரீ மூவி மேக்கர்ஸ் தயாரிக்கும் இப்படத்திற்கு தேவிஸ்ரீ பிரசாத் இசையமைக்கிறார்.