நடிகர் அஜித் குமாரின் AK64 திரைப்படம் இந்த ஆண்டு மே மாதம் முதல் படப்பிடிப்பு துவங்கும் என எதிர்பார்க்கப்படுகிறது. இதனிடையில் அஜித் கார் பந்தையங்களில் பங்கேற்றும் இன்னொரு பக்கம் தனது குடும்பத்துடன் நேரம் செலவிட்டு வருகிறார். அண்மையில் அஜித் கேம்பா குளிர்பான விளம்பரம் ஒன்றிலும் நடித்திருந்தார். அஜித் பற்றிய பல்வேறு சுவாரஸ்யமான தகவல்கள் அல்லது வீடியோக்கள் தொடர்ச்சியாக சமூக வலைதளத்தில் வைரலாகி வருகின்றன. அந்த வகையில் தனது இல்லத்தில் பணியாற்றிய 12 பேருக்கு அஜித் வீடுகட்டி கொடுத்த விஷயம் தற்போது பேசுபொருளாகியுள்ளது.
12 பேருக்கு வீடு கட்டி கொடுத்த அஜித்
சென்னை வண்டலூர் டூ கேளாம்பாக்கம் பகுதியில் கண்டிகையில் அஜித் குமாருக்கு சொந்தமான நிலமுள்ளது. அஜித் அவென்யு என்கிற இந்த பகுதியில் கடந்த 2012 ஆம் ஆண்டு முதல் தனது வீட்டில் பணியாற்றக் கூடிய 12 பேருக்கு அஜித் சொந்த வீடு கட்டிக் கொடுத்துள்ளார். இந்த ஒவ்வொரு வீடும் 1200 சதுர அடி பரப்பளவு கொண்டவை . ஒவ்வொரு வீடும் அஜித் குமார் அவர் விருப்பப்பட்ட படி டிசைன் செய்துகொடுத்ததாக சொல்லப்படுகிறது. ஒவ்வொரு வீட்டின் சாவியையும் தனது வீட்டில் தோட்டக்காரர்களாக , சமையல்காரர்களாக , டிரைவர் உள்ளிட்டவர்களுக்கு தனது மகளின் கையால் அஜித் கொடுத்துள்ளார். கண்டிகை முதல் திருவான்மியூரில் வேலைக்கு வந்து செல்ல அஜித் தனது சொந்த வாகனங்களில் ஒன்றை அவர்களை பிக் அப் ட்ராப் செய்ய ஏற்பாடு செய்து கொடுத்துள்ளதாக கூறப்படுகிறது.