சென்னை சர்வதேச திரைப்பட விழா சென்னையில் எப்போது நடக்கும் என்பது குறித்தான அறிவிப்பு வெளியாகி இருக்கிறது.
திரைப்பட ஆர்வலர்களுக்கு மத்தியில் மிகவும் கவனம் பெற்ற விழாவாக சென்னை சர்வதேச திரைப்பட விழா பார்க்கப்படுகிறது. ஒவ்வொரு ஆண்டும், சென்னையில் நடைபெறும் இந்த திரைப்பட திருவிழாவில், உலகின் மிகச்சிறந்த திரைப்படங்கள் திரையிடப்படும். இதற்கான டிக்கெட்டுகள் முன்னரே விநியோகிப்படும்.
இந்த நிலையில் 2022 ஆம் ஆண்டுக்கான சென்னை சர்வதேச திரைப்பட விழா எப்போது நடக்கும் என்பது குறித்தான அறிவிப்பு தற்போது வெளியாகி இருக்கிறது. அந்த அறிவிப்பில் இந்தாண்டுக்கான சென்னை சர்வதேச திரைப்படவிழா வருகிற டிசம்பர் 15 ஆம் தேதி முதல் 22 ஆம் தேதி வரை நடை பெறும் என அறிவிக்கப்பட்டுள்ளது. 20 ஆவது சென்னை சர்வதேச திரைப்பட விழாவாக நடக்க இருக்கும் இந்த விழாவில் 48 நாடுகளைச் சேர்ந்த 107 படங்கள் திரையிடப்பட உள்ளதாக அறிவிக்கப்பட்டுள்ளது.