Vijay Swearing In: ’’உங்க விஜய்.. நா வந்துட்டேன்..’’ மே 7 காலை 11.30-க்கு முதல்வராகும் தவெக தலைவர்!

Vijay Swearing In Ceremony: தமிழ்நாட்டின் முதலமைச்சராக தவெக தலைவர் விஜய், நாளை (மே 7ஆம் தேதி) காலை 11.30 மணிக்கு பதவியேற்க உள்ளார்.

தவெக தலைவர் விஜய்

Source : சிறப்பு ஏற்பாடு

Tamil Nadu CM Swearing In Ceremony: தமிழ்நாட்டின் முதலமைச்சராக தவெக தலைவர் விஜய், நாளை (மே 7ஆம் தேதி) காலை 11.30 மணிக்கு பதவியேற்க உள்ளதாகத் தகவல் வெளியாகி உள்ளது. சென்னை, ஜவஹர்லால் நேரு உள் விளையாட்டு அரங்கத்தில் பதவியேற்பு விழா நடைபெற உள்ளதாகவும் கூறப்படுகிறது.

இந்த நிகழ்ச்சியில் காங்கிரஸ் மூத்த தலைவர் ராகுல் காந்திக்கு அழைப்பு விடுக்கப்பட்டுள்ளதாகவும் அதில் அவர் கலந்துகொள்ள உள்ளதாகவும் தகவல் வெளியாகி உள்ளது.

113 ஆக உயர்ந்த ஆதரவு எம்எல்ஏக்கள்

தமிழ்நாட்டின் 2026ஆம் ஆண்டு சட்டப்பேரவைத் தேர்தலில் தனித்துக் களமிறங்கிய தவெக, 108 இடங்களைக் கைப்பற்றி உள்ளது. திமுக கூட்டணிக் கட்சிகளின் ஆதரவுடன் 68 இடங்களைப் பெற்று எதிர்க்கட்சி ஆக உள்ளது. காங்கிரஸ் சட்டமன்ற உறுப்பினர்கள் 5 பேர் ஆதரவு தெரிவித்துள்ள நிலையில் தவெக ஆதரவு எம்எல்ஏக்களின் எண்ணிக்கை 113 ஆக உயர்ந்துள்ளது. 

இந்த நிலையில் ஆட்சியமைக்க 118 எம்எல்ஏக்கள் தேவை என்பதால் அடுத்து எந்தக் கட்சியுடன் தவெக கூட்டணி அமைக்கும் என்று எதிர்பார்ப்பு எழுந்துள்ளது. 

தற்போதைய சூழலில் தங்களுக்கு ஆதரவு அளிக்குமாறு, விடுதலைச் சிறுத்தைகள் கட்சி, இந்திய கம்யூனிஸ்ட், மார்க்சிஸ்ட் கம்யூனிஸ்ட் ஆகிய கட்சிகளுக்கு தவெக அழைப்பு விடுத்துள்ளது. 

ஆட்சியமைக்க உரிமை கோரிய விஜய்

முன்னதாக தவெக சட்டப்பேரவைக் குழு தலைவர் விஜய், ஆளுநர் அர்லேகரை நேரில் சந்தித்து ஆட்சி அமைக்க உரிமை கோரினார். அப்போது தவெக மூத்த தலைவர் செங்கோட்டையன், பொதுச் செயலாளர் புஸ்ஸி ஆனந்த், ஆதவ் அர்ஜூனா, வெங்கட் ராமன், அருண் ராஜ் ஐஆர்எஸ் ஆகியோர் உடன் இருந்தனர்.